SIŊ WORA 4 - Tupuri Bible

Baa kay ti je maga à car wããre ne hẽn see mono

¹ Ne waŋ siŋ no. De fẽẽre jõõ ma de saale wo. Siŋ ma Dafidi.

² De maga ndi ngar jag we no, fer wããre me, Baa maga diŋ keɗed ɓin mono! Nen joŋge coo mono, yãã me go! Ko decoo ɓi, coʼ sug tosge ɓi no!

³ Weere jar téebeere wo, diŋ hãã hun ga nday jag coo Togoɗge ɓin go de glubgi mo la? Diŋ hãã hun ga nday men dage fẽẽre ma de koɗ wo, Day men kiɗ geteʼ go lay mo la? Iggi

⁴ Hay we de koge ga Manwur go de baa je ma ɓe Maga bay ndar gog wa mono. Manwur de laa sugi, de maga ndi ngar jag we ne hẽn no.

⁵ Gijig we mbay, ama joŋ we ɓlagge wa. Wãɗn we mbay de ɓil ɓay ti ngel súuli ɓay wo, Blam ɓe ni nday lag we go seɗem. Iggi

⁶ Joŋ we siigi jag ma keɗede, Ni nday kaŋ we ɗiggi bay ti Manwuri.

⁷ Jar debaŋ wãɗ wo ga : Wose kaŋ ge wùr daʼ twore mo la? Joŋ nen ler poɗag ma nen ɓon le go ne wùr ti o Manwuri!

⁸ Ndo de ɓoʼ fruygi ɓon le me ɓil de daŋge De daŋ ma ti wur mani ɓaara maga coore ble ɓaara Mbe deŋ, yii ɓaara mbe deŋ lay mono.

⁹ Ndi suu no kay tuu mono, ndi maŋ naa jam tuu, Werga hay me go de yõõ ti yeʼ mono diŋ ndo boŋ tuu O Manwuri!