SIŊ WORA 3 - Tupuri Bible

Jar hee wo go de cir ti Dafidi

¹ Siŋ ma Dafidi, ti wur maga se go ti ɗee doo wel ɓe Absalom mo caw no.

² Manwuri, jar hee ɓin wo ngaɓa! Jar maga wo de pudgi ciŋ kiɗ mege mono á wo ngaɓa!

³ Á wo ngaɓa, jar maga wãã wo ti ɓi ga : Á daʼ ge see ɓe ɓiŋ Manwur ni gà mono! Iggi

⁴ Ama ndo, Manwuri, ndo diŋ gidigli ɓi, Ndo diŋ togoɗge ɓi no, ndo maŋ ge ti ɓi yaŋ go ciŋ.

⁵ Ndi ngar jag wo ne Manwur jag ciŋ kloŋ, Day se fer wããre le me ti húulì ɓe ma bay ɗag no. Iggi

⁶ Ti ngel súuli ɓi, nen naa ɓi, Ti pũygi ɓi go, Manwur yaŋ koɗ mege.

⁷ Ndi bay joŋ hẽẽne doo ngaɓa jar ma lubuʼ lubuʼn wo mo deŋ wa, Maga wo ɓaŋla lay ɓaŋla lay, ga bay wo de sãy ɓi ti wa mono.

⁸ Ur go ciŋ Manwuri! Yãã me go Baa ɓi no! Werga ndo mbar jar hee ɓin wo de doo haw ɓuy, Ndo hrag saŋ jar debaycõõren wo go.

⁹ Pẽẽgen diŋ ma Manwuri! Daga bosaʼ ɓon mo hay ti jar ɓon wo no! Iggi.