SIŊ WORA 13 - Tupuri Bible

Manwuri, ti ɓo yõõ ge go nà diŋ hun la?

¹ Ne waŋ siŋ no. Siŋ ma Dafidi.

² Manwuri, diŋ hãã hun ga ndo yõõ ge ti go ti ɓi has mo la? Diŋ hãã hun ga ndo yoŋ ge nen ɓo go see ɓi mo la?

³ Diŋ hãã hun ga ndi joŋ ge jag ɗiggi ti maysee ɓi, Day nen naw tum mono, jiili ɓi go de carge Diŋ hãã hun ga je hee ɓin mbe tum De urgi ciŋ ti ɓi durgi mo la?

⁴ Ko nen ɓo ni ndo fer wããre me Manwuri, Baa ɓi no! Caa nen ɓi go poɗage. Nen maga ndi mo leʼ naa húulí wa

⁵ Nen maga je hee ɓin mo wãã ga : Ndi naa blum ɓe we go wa! Day jar hee ɓin mo hay wo nen fruygi, Hayga ndi maʼ ɓaale we mo wa.

⁶ Ama, ma ɓin mono, ndi de kaŋ ɗiggi ti de el mani ɓo no, Jiili ɓi de fruygi wer pẽẽge mani ɓo no. Ndi ʼwaa ge siŋ yaŋ ma togoɗ Manwuri, werga á joŋ me de ele.