SIŊ WORA 12 - Tupuri Bible

Wããre mani Baan ti tamsir maga go de glubgi mono

¹ Ne waŋ siŋ no. De dilna ma saale nenmaʼa. Siŋ ma Dafidi.

² Yãã me go Manwuri! Werga jar seele wer jag liŋgin leʼ wo jag we go jag ɓaara. Jar ma bay ndar gogn wo go de yeɗ nen yoo jar téebeere wora

³ Wosela wãã ti kan ɓe diŋ ɓlagge À wãã ti kããra diŋ jag tawgi po fedda Day jag jiilin le ɓil de ɓesge ɓoge.

⁴ Daga Manwur mo taw jag ma de tawgin wo go Trum maga wãã wããre de maŋge ti ciŋ mono, taw ra go.

⁵ Jar maga wãɗ wo ga : Wùr de egre diŋ wer trum wùri, Jag wùr yaŋ mbe kay wùri mono. Waŋ wùr joŋ ge bà diŋ wose ne?

⁶ Diŋ wer maga à de joŋ coo jar ma de gayren wo mono, Day pa jar coocoon wo jag ndumgi. Patalam no, Manwur ga ndi ur go ciŋ, Ndi nduu de pẽẽge ne jar maga à ɓod egre ne hara ti mono.

⁷ Wããre mani Manwurn wo diŋ wããre ma bay ɗage. Diŋ boo solay maga go de lamge nen siri, Ga go de dog jiigi ɓaale renam.

⁸ Ndo Manwuri! Ndo koɗ ge ra yaŋ, Ndo ɗaw ge wùr yaŋ see wer jar sen wo ma tum.

⁹ Jar debaycõõren see wo mbaara hãy, De maga sõõre jar téebeere roɗ wo we go mono.