SIŊ WORA 11 - Tupuri Bible

De maga fẽẽren ko wo doo ga saara go de dwasge ɓuy no mono

¹ Ne waŋ siŋ no. Siŋ ma Dafidi. Ndi wo yãã waŋ mono diŋ see Manwuri. Nday kãã ge ma wããge me wããge gana : Ɗee wo go ciŋ ti húulì ɓayn wo doo wedwee nono mono wããge la?

² Werga koɗa, jar debaycõõren wo de baŋ toŋwaa, Á wo de kaŋ waa ɓaaran ti toŋ Ma jwaʼ waa wo nen suŋgu ti jar maga jiili ɓaara de deele mono

³ De maga ngel tõɗ glog ɓaaran ndar wo we go ciŋ no, Je ma keɗedn joŋ ge joŋge la?

⁴ Manwur de hayle ɓil tiŋ ɓe ma bay ɗag no, Paale waŋ mani Manwurn le go ciŋ, nen ɓe le de koge. Mbèere nen ɓe le de er jar téebeere wora.

⁵ Manwur er je ma keɗedn wo de je debaycõõre no, Á caa hee de je maga da joŋ girgir mono.

⁶ Á cwaa bii jaŋre wùu, wùu wo de sufre ne jar debaycõõren wo ti. Gur-leege ma giggig naa ne hara ti, mono diŋ fen maga de gor rage mono.

⁷ Werga Manwur diŋ je ma keɗede, Á de sãy joŋre ma keɗed ti. Je ma de deelen joŋ yaŋ nen ko nen ɓe.