SIŊ WORA 1 - Tupuri Bible

KEFDER MA TAŊGU NO ( Siŋ 1—41 ) Daʼge see ma cwãy no

¹ De daʼ see ɓe diŋ je maga bay seege wer yaŋ jar debaycõõre wo wa, Ga bay maŋ blam jar ɓlagge wo wa, Day bay tayge ti ngel lagge de jar feg ti jar wo wa mono.

² Werga á daʼ fruygi ma ɓen diŋ ɓil jag liŋgi mani Manwur no, ɗig ti jag liŋgi ɓen de ceg de suŋ lay!

³ Je ma sen doo koo maga de peɗge ti jeŋ blam bii nono, Maga leʼ leʼge ɓen ti wur ɓe, Day sug ɓe lwaɗ go gà hase. Fen maga á joŋ ne ɓuy mono, mo sen see ne hẽn were.

⁴ Ama, ma jar debaycõõren wo mono, ɓaaran bay doosen no wa, Á wo doo hoole maga leege dus ɓil ɓaara go nono.

⁵ Diŋ wersen so ga jar debaycõõren lag ge wo ngiŋ ti wur kiidan gà. Jar ɓlaggen lag ge wo ngiŋ yoo tayge jar ma keɗedn wo gà lay.

⁶ Werga Manwur de ko faage jar ma keɗedn wo no, Ama faage ma jar joŋ ɓlaggen wo go de ɓaara basge.