OSE 8 - Tupuri Bible

Je maga joʼ leege mono, we degurleege lay

¹ Dug jag cõõn sog la! Sen doo maga gebeg cwaa ɓi sir mani Manwurn nono Werga á cegaɗ wo tayge jag ɓin go Á hay wo diŋ jar id húulí see jag liŋgi ɓin wo,

² Á ngar ge wo jag yaŋ wo me ga : Baa ɓi no, wùr Israyel wùr de ko moge!

³ Israyel ngiɗ faale go ne de ele : Je hee po maŋ ge blam ɓe yaŋ

⁴ Á hay bag wo waŋre wo bay jag ɓi Bag wo jar wãɗ wããre jar wo blam ɓi De boo solay wo de boo biŋni wo Á joŋ wo nen kneʼ sõõre ɓaara wo Israyel caa see ɓe go diŋ doosen nono

⁵ Manwur go de srog wedày ɓo no Samari Ɓil ɓi ma de waŋn doʼ wùu ne hara ti Sen joŋ ge nà diŋ hãã hun ga nday Joŋ ge de kããge ma joŋ re gà lay mo so la?

⁶ Werga wedày ɓon nduu le Israyele Je ko ceɗ fẽẽren hay joŋ ne á bay diŋ baa po wa Diŋ wersen ga à geɗeb ge nen wedày ma Samarin yaŋ go

⁷ Doo maga á joʼ wo leege so mono, Á we ge wo degurleege yaŋ Fen maga tĩĩ gi mono, joŋ ge de coo ɓil gà Day de maga á mo hay joŋ bà so laybla no Jar waare a ge wo go lig mo ɓaara

⁸ Israyel go de wumgi Á wo go patala yoo sir wo Doo mopo maga jobo bay de sãy ɓe ti wa nono.

⁹ Werga á raw wo Asiri Doo maga gerhẽẽ ma yoo koo go de oole de see ɓe nono

¹⁰ Ama ndeere Efrayim hay yee wo ra go, Ama á mo hã bà wo kado ɓi sir wo debaŋ Ndi joŋ nen tay rage patala so, Day wurpo mokay á jo ge wo bon yaŋ Wer gaali maga waŋ ma waŋren wo Kaŋn ge ne hara ti mono.

¹¹ Efrayim dus mbe ngel siɗ jag wo deŋ ma Joŋ siɗ jag go ti ɓlagge Day ngel siɗ jag sen wo mo deŋ kol wo diŋ ma hã Faage ne hẽn ma joŋ ɓlagge

¹² Daga ndi mo yer jag liŋgi ɓin go ne Hara de weseg ɓil de ele, Á ko wo ra doo fen maga waare nono.

¹³ Á ngaɗ wo fẽẽre maga saara hãn me, Day saara re này ɓen go, Manwur bay yãã doo ɓaara de ɓe wa Patala Manwur fer ɗig ti ti joŋre ɓaara Maga bay ni naŋ wa mono, Day á naa ge nen see ɓe yaŋ go see joŋre Ɓaara maga bay ni naŋ wa mono, Á fer ge wo mbaara Ejipte pad tuu!

¹⁴ Israyel yõõ ti go ti je maga hay joŋ ne mono, Day yaʼ bor tiŋ waŋre wo Juda dus ɓi leege ma kiŋ kiŋ wo Ama, ndi ɓoʼ ge wùu yaŋ wo ɓi leege ɓaaran wo Day á roɗ ge tiŋ waŋre ɓaaran wo yaŋ go.