OSE 11 - Tupuri Bible

Dage mani Baa maga à hay mbuɗ foo ɓe mono, naa blum we

¹ De maga Israyel hay klee ɗa mono, ndi hay dage ɓe, Day ndi kal ɗe wel ɓin le go Ejipte.

² Ama, á kal wo go ɗeege see jar maga hay wo ɗe rage mono Á hay joŋ wo siɗgi jag ne Baal wo Day roɗ wo fẽẽre fõõre no aŋsaŋs ne fodo wo.

³ Hay koɗ ɓaale Efrayim diŋ ndi, Hay ɗaw doo ɓe, Day á hay bay wo de koge ga ndi hay ɗaw saara wa.

⁴ Ndi hay da ra diŋ doo maga je táabay da Kan ɓe nono, de saʼge de saale dage Ndi hay see ɓe doo maga jobo maŋ mbarga ma klee jiili Ɓe ma hã rege ne hẽn nono.

⁵ Á fer ge wo ɓi sir Ejipte gà. Ama, je Asirin kol ge diŋ waŋ ɓaara Diŋ wer maga á laa wo dayge le ferge see ɓi gà.

⁶ Jaw leʼge yaŋ go ɓi leege ɓaaran wo no Ɓlag ge ti ɓaara yaŋ go kara ɓuy, jaw re ra go, Diŋ wer wããre maga á hay ngaɓ wo ra wo taɗ taɗ mono

⁷ Jar ɓin wo patala ngel coɓge ɓaara de ɓi bay wa À ɗe ra wo nen ɓiŋ je maga le ciŋ mono, Jobo bay go urgi ciŋ yoo ɓaara wa ɓuy

⁸ Ndi mo joŋ mo nà joŋge la Efrayim Ndi mo kãã mbi ma hã moge go Israyele? Ndi kãã ge ma joŋ ndo doo Adma nà joŋge la? Ndi mo kol mbi ndo de maŋ Tseboyim? Jiili ɓi go de carge Weere ɓiiri ɓi ɓuy fĩɗ go

⁹ Ndi joŋ ge nen joŋge doo maga ɓil ɓi go de leʼ Waŋ no kwiŋ hãʼ gà. Ndi fer ge le Ɓlag Efrayim go gà Werga ndi diŋ Baa, Ndi bay diŋ je táabay wa Ndi diŋ je ma bay ɗag ti holaŋ ɓay Ndi a ge go de leʼ waŋ gà.

¹⁰ Á see ge wo yaŋ wer Manwuri Wose sam ge doo mingir no mo la, Werga á samge yaŋ Day weere ɗee ge wo yaŋ le jag maarog de daɗge

¹¹ Á ɗee ge wo yaŋ le Ejipte de daɗge doo wedwee nono Ɗee wo yaŋ le Asiri doo kurgudu nono Ndi joŋ ge yaŋ nen lag rage liŋ ni ɓaara wo Kay diŋ jag Manwuri.