NEHEMI 7 - Tupuri Bible

Keege jar Jwif maga fer wo le mono

¹ De maga korn ɓoʼ jag booge go day ndi her jag ɓen wo go ni mono, à raw lag jar gor jag tiŋn wo, jar ʼwad siŋn wo de jar Lefidn wo jag joŋre ɓaaran wo.

² Ndi raw hã jag ne Hanani hẽn ɓin wo de Hananiya waŋ tiŋ ma de egre ma Jerusalemn ga diŋ jobo ma de daŋ jar debaŋ ti de deele ɓe wo de hẽẽne maga á joŋn doo Baa mono.

³ Ndi kal riŋ rage ga : Jag faage ma Jerusalem bul wo go taŋgu maga mboɗay bay holge gà day à tẽg ra go de manyãã de nen ɓay. Jar Jerusalem gor ge wo ngele, wosela ɓuy ti ngel ɓe, wosela ɓuy jag tiŋ ni ɓe.

⁴ Ɓi leegen hay de diy lay, hay kluu lay ane jar bay ɓil ɓe debaŋ wa, tiŋ hay bay wo de borge ni wa lay.

⁵ Baa ɓin raw kaŋge ne ndi ɓil ga ndi mo tay jar kluurin wo, jar car kiidan wo de jar ma ɓuyn wo ma kee rage. Ndi raw daʼ ɗúu jar maga hay fer wo le taŋgu de yerge go ti moobe taʼ taʼ ɓil kefder ga :

⁶ Mokay diŋ keege jar ma ti prog Juda maga hay fer wo le, diŋ jar maga Nebukadnesar waŋ Babilon hay hoo ra wo go ti daŋgay day fer wo le Jerusalem wo de sir Juda mono, wosela ɓuy ɓi leege ɓe.

⁷ Á hay fer wo le wer Sorobabel, Josuwe, Nehemi, Asariya, Raamiya, Nahamani, Mardose, Bilkan, Mispered, Bigfay, Nehum wo de Baana. Keege werpiiri ma Israyeln wo :

⁸ Jar ni Pareos wo ndar ɓog de jar kis ti ɓe doo renam ti ɓoge.

⁹ Jar ni Sefatiya wo kiskis swaʼ ti ɓe doo renam ti ɓoge.

¹⁰ Jar ni Ara wo kiskis hiiraʼ de jar doo dwee ti ɓoge.

¹¹ Jar ni Pahat-Mohab wo, diŋ jar mani Josuwe wo de Jowab wo ndar ɓog de jar kiskis nenmaʼ ti ɓe hwal ti nenmaʼa.

¹² Jar ni Elam wo ndar ti ɓe kiskis ɓog de jar doo dwee ti naa.

¹³ Jar ni Satu wo kiskis nenmaʼ de jar doo naa ti dwee.

¹⁴ Jar ni Sakay wo kiskis renam de jar doo hiiraʼa.

¹⁵ Jar ni Binuwi wo kiskis hiiraʼ ti ɓe doo naa ti nenmaʼa.

¹⁶ Jar ni Bebay wo kiskis hiiraʼ de jar doo ɓog ti nenmaʼa.

¹⁷ Jar ni Asgad wo ndar ɓog ti ɓe kiskis swaʼ de jar doo ɓog ti ɓoge.

¹⁸ Jar ni Adonikam wo kiskis hiiraʼ ti ɓe doo hiiraʼ ti rename.

¹⁹ Jar ni Bigfay wo ndar ɓog de jar doo hiiraʼ ti rename.

²⁰ Jar ni Adin wo kiskis hiiraʼ ti ɓe doo dwee ti dwee.

²¹ Jar ni Ater ti feele mani Esekiyas wo doo kaawaʼ ti nenmaʼa.

²² Jar ni Hasun wo kiskis swaʼ ti ɓe doo ɓog ti nenmaʼa.

²³ Jar ni Betsay wo kiskis swaʼ ti ɓe doo ɓog ti naa.

²⁴ Jar ni Harif wo kis ti ɓe hwal ti ɓoge.

²⁵ Weere Gabawoŋ wo doo kaawaʼ ti dwee.

²⁶ Jar Betlehem wo de jar Netofa wo kis ti ɓe doo nenmaʼ ti nenmaʼa.

²⁷ Jar Anatod wo kis ti ɓe doo ɓog ti nenmaʼa.

²⁸ Jar Bet-Asmafed wo doo naa ti ɓoge.

²⁹ Jar Kiryat-Yearim wo, jar Kefira wo de jar Beerod wo kiskis renam ti ɓe doo naa ti swaʼa.

³⁰ Jar Rama wo de Geba wo kiskis hiira ti ɓe doo ɓog ti boŋ.

³¹ Jar Mikmas wo kis ti ɓe doo ɓog ti ɓoge.

³² Jar Betel wo de Ay wo kis ti ɓe doo ɓog ti swaʼa.

³³ Jar Nebo ma tigriŋ po pa wo doo dwee ti ɓoge.

³⁴ Jar ni Elam ma tigriŋ po pa, wo ndar ti ɓe kiskis ɓog de jar doo dwee ti naa.

³⁵ Jar ni Harim wo kiskis swaʼ ti ɓe doo ɓoge.

³⁶ Weere Jeriko wo kiskis swaʼ ti ɓe doo naa ti dwee.

³⁷ Weere Lod wo, weere Hadid wo de Ono wo kiskis renam ti ɓe doo ɓog ti boŋ.

³⁸ Weere Senaa wo ndar swaʼ ti ɓe kiskis kaawaʼ de jar doo swaʼa.

³⁹ Jar Siɗ jag wo : Jar ni Yedaeya ma ti feele, mani Josuwen wo kiskis kaawaʼ ti ɓe doo renam ti swaʼa.

⁴⁰ Jar ni Imer wo ndar de jar doo dwee ti ɓoge.

⁴¹ Jar ni Pashur wo ndar ti ɓe kiskis ɓog de jar doo naa ti renam.

⁴² Jar ni Harim wo ndar de jar hwal ti rename.

⁴³ Jar Lefid wo : Jar ni Josuwe wo de Kadmiyel, yoo jar ni Hodfa wo doo renam ti naa.

⁴⁴ Jar ʼwad siŋ wo : Jar ni Asaf wo kis ti ɓe doo naa ti nenmaʼa.

⁴⁵ Jar gor jag tiŋ wo : Jar ni Salum wo, jar ni Ater wo, jar ni Talmon wo, jar ni Akub wo, jar ni Hatita wo de jar ni Sobay wo kis ti ɓe doo swaʼ ti nenmaʼa.

⁴⁶ Jar Netiniyẽẽ wo : Jar ni Siha wo, jar ni Hasufa wo, jar ni Tabaod wo,

⁴⁷ Jar ni Keros wo, jar ni Siya wo, jar ni Padon wo,

⁴⁸ Jar ni Lebana wo, jar ni Hagaba wo, jar ni Salmay wo,

⁴⁹ Jar ni Hanaŋ wo, jar ni Gidel wo, jar ni Gahar wo,

⁵⁰ Jar ni Reaya wo, jar ni Retsin wo, jar ni Nekoda wo,

⁵¹ Jar ni Gasam wo, jar ni Usa wo, jar ni Paseya wo,

⁵² Jar ni Besay wo, jar ni Mehunim wo, jar ni Nefisim wo,

⁵³ Jar ni Bakbug wo, jar ni Hakufa wo, jar ni Harhur wo,

⁵⁴ Jar ni Baslud wo, jar ni Mehida wo, jar ni Harka wo,

⁵⁵ Jar ni Barkos wo, jar ni Sisera wo, jar ni Tama wo,

⁵⁶ Jar ni Netsiya wo, jar ni Hatifa wo.

⁵⁷ Jar ni weere jõõre Salomoŋ wo : Jar ni Sotay wo, jar ni Sofered wo, jar ni Perida wo,

⁵⁸ Jar ni Yaala wo, jar ni Darkon wo, jar ni Gidel wo,

⁵⁹ Jar ni Sefatiya wo, jar ni Hatil wo, jar ni Pokered-Hatsebayim wo, jar ni Amoŋ wo.

⁶⁰ Jar Netiniyẽẽ wo de jar ni weere jõõre Salomoŋ tay wo ɓuy kiskis swaʼ ti ɓe doo kaawaʼ ti ɓoge.

⁶¹ Mokay diŋ keege jar maga sen hoo wo le Tel-Mela, Tel-Harka, Kerub-Adon wo de Imere, day kãã wo ma ko feele mani ɓaaran wo de ɗúu moore ɓaara wo ma kaŋ nen ga saara diŋ jar Israyel gà mono :

⁶² Jar ni Delaya wo, jar ni Tobiya wo de jar ni Nekoda wo kiskis hiiraʼ ti ɓe doo naa ti ɓoge.

⁶³ Day yoo jar siɗ jagn wo mo lay no diŋ : Jar ni Hobaya wo, jar ni Hakos wo, jar ni Barsilayi maga hay da wãy yoo mayre mani Barsilayi je Galadn wo day à ɗen de ɗúu ɓe mono.

⁶⁴ Saara kiɗ wo wer mani ɓaaran wo ɓil kefder wo, ama saara laa daʼ rage gà. Á raw nii rage go ti siɗgi jag no.

⁶⁵ Je wãã re progn raw riŋ rage ga á mo re wo fẽẽre ma bay ɗagn wo wa ɗa, say je siɗ jag po mo wii jag Urim wo de Tumim wo ɗa.

⁶⁶ Ngaɓa jarn ɓuy hay ndar doo naa ti ɓog de jar kiskis swaʼ ti ɓe doo hiiraʼa.

⁶⁷ Sen nà à bay de kee weere jõõre ɓaaran wo de mayre gebeere ɓaara maga hay wo ndar renam de jar kiskis swaʼ ti ɓe doo swaʼ ti renam wo ni wa. Yoo ɓaara ni jar ʼwad siŋ ma twerpiiri de ma tenaare hay wo kiskis ɓog ti ɓe doo naa ti dwee. Piiri ɓaara hay wo kiskis renam ti ɓe doo swaʼ ti hiiraʼa, gerhẽẽre wayla ɓaara hay wo kiskis ɓog ti ɓe doo naa ti dwee.

⁶⁸ Yoŋyoŋ wo kiskis naa ti ɓe doo swaʼ ti dwee, gerhẽẽre wo ndar hiiraʼ ti ɓe kiskis renam de gerhẽẽre doo ɓoge.

⁶⁹ Waŋre ma ti feele wo debaŋ hã wo fẽẽre ma kay joŋren wo. Je wãã re progn hã solay boo biŋni ndare, tasa wo doo dwee, Õõbe ma joŋre siigi jag wo kiskis dwee ti ɓe doo swaʼ ma kay joŋren wo.

⁷⁰ Waŋre ma ti feelen hã wo solay boo biŋni ndar ɓoge, solay boo ni ndar ti ɓe kis ma kay joŋren wo.

⁷¹ Te jar Israyel ma ɓuyn hã wo solay boo biŋni ndar doo ɓoge, solay boo ni ndar de õõbe ma joŋre siigi jag doo hiiraʼ ti rename.

⁷² Jar siɗ jagn wo, jar Lefidn wo, jar gor jag tiŋn wo, jar ʼwad siŋn wo, jar ngaɓan wo, jar Netiniyẽẽ wo de jar Israyel wo ɓuy raw wo lagge go ɓi leege ɓaaran wo.