NEHEMI 12 - Tupuri Bible

Keege jar siɗ jag wo de jar Lefid wo

¹ Mokay diŋ ɗúu jar siɗ jagn wo de jar Lefid maga fer wo le wer Sorobabel je ni Sealtiyeln wo de Josuwe mono : Á hay wo diŋ Seraya, Jermi, Esdras,

² Amariya, Malug, Hatus,

³ Sekaniya, Rehum, Meremod,

⁴ Ido, Ginetoy, Abiya,

⁵ Miryamin, Maadiya, Bilga,

⁶ Semaeya, Yoyarib, Yedaeya,

⁷ Salu, Amog, Hilkiya, Yedaeya. Sen mo nà diŋ jar kluuri jar siɗ jagn wo de hẽẽre ɓaaran wo ti wur mani Josuwen mono.

⁸ Jar Lefid hay wo diŋ Josuwe, Benuwi, Kadmiyel, Serebiya, Juda wo de Mataniya je maga hay wo de hẽẽre ɓe odge pel seege de siŋ togoɗgen wo mono,

⁹ diŋ Bakbukiya wo de Uni maga hay wo lagge pel ɓaara jag joŋre mono.

¹⁰ Josuwe biŋ Yoyakim, Yoyakim raw biŋ Eliyakib, Eliyakib raw biŋ Yoyada.

¹¹ Yoyada raw biŋ Jonataŋ day Jonataŋ raw biŋ Jaduwa.

¹² Mokay diŋ ɗúu jar siɗ jag maga hay wo diŋ waŋre ma ti feele wo ti kal mani Yoyakimn mono : Ti feele mani Serayan diŋ Meraya, ti mani Jermin diŋ Hananiya,

¹³ ti mani Esdras diŋ Mesulam, ti mani Amariyan diŋ Johanan,

¹⁴ ti mani Melukin diŋ Jonataŋ, ti mani Sebaniyan de Josef,

¹⁵ ti mani Harimn diŋ Ada, ti mani Merayodn diŋ Helkay,

¹⁶ ti mani Idon diŋ Sakari, ti mani Ginetonn diŋ Mesulam,

¹⁷ ti mani Abiyan diŋ Sikri, ti mani Miniyamin wo de Madiyan diŋ Piltay,

¹⁸ ti mani Bilgan diŋ Samuwa, ti mani Yedaeyan diŋ Jonataŋ,

¹⁹ ti mani Yoyaribn diŋ Matnay, ti mani Yedaeya diŋ Usi,

²⁰ ti mani Salayn diŋ Kalay, ti mani Amogn diŋ Eber,

²¹ ti mani Hilkiyan diŋ Hasabiya, ti mani Yedaeyan diŋ Netaneele.

²² Ti kal mani Eliyakib, Yoyada, Yahanan wo de Yaduwa mono, jar Lefid maga wo diŋ waŋre ma ti feelen wo de jar siɗ jag hay wo le go de yerge de maga Dariyus je Persen hay ti waŋ mono.

²³ Weere jar Lefid maga wo diŋ waŋre ma ti feelen hay wo go de yerge ɓil kefder maga à yer wããre ma tum nen nawn wo ni mono, hãã a go ti wur mani Yahanan, je ni Eliyakib no.

²⁴ Waŋre jar Lefid maga diŋ Hasabiya, Serebiya, Josuwe je ni Kadmiyel wo de hẽẽre ɓaara ma odge pel kããra ma lan hay wo diŋ jar maga wããre togoɗge Manwurn wo de maŋge ti ɓe ciŋn hay doo ɓaara doo jag maga Dafid je mani Baan hay wããn nono, jar go de carge taʼ taʼa.

²⁵ Mataniya, Bakbukiya, Abdiyas, Mesulam, Talmon wo de Akub jar gor jag tiŋn hay wo lagge jag tiŋn wo gorge lage.

²⁶ Jar sen hay wo tenen tiʼ ti kal mani Yoyakim je ni Josuwe, je ni Yotsadag no, ti kal mani Nehemi je wãã re progn wo de Esdras je siɗ jag ma had wããre Baa no.

À joŋ few kor ma Jerusalem no

²⁷ Ti wur joŋge few kor ma Jerusalemn mono, à raw woge kiɗ jar Lefid wo le ti ngel maga á hay wo le de tiŋ ni mo ɓuy no, maga á mo á wo Jerusalem nen maga à mo joŋ few nen fruygi siŋ wo, de roo soŋre wo, roo mandilna wo de dilna wo.

²⁸ Weere jar ʼwad siŋ ma ti Jerusalem karan tay wo see ɓaara le ɓuy de ma ɓi leege mani jar Netofan wo,

²⁹ de ma Bet-Gilgaln wo, ma ti prog ma Geban wo de ma Asamafedn wo no, werga á hay wo de lag tiŋ ti Jerusalem kara ɓuy.

³⁰ Jar siɗ jagn wo de jar Lefidn raw wo fãã see ɓaara go, fãã wo jarn wo go de jag faagen wo de kor no.

³¹ Ndi raw ga waŋre ma Judan mo ɗii wo ti kor no, day ndi kal car ɓil jar go taʼ taʼ ɓog ma ʼwad siŋ. Jar ma taŋgun fer wo nen ti ɓaŋ war go ciŋ ti korn tiʼ de kaŋ ti ɓaara ne jag tiŋ rumgi no.

³² Ose wo de waŋre ma Juda wo plaŋ hay wo de kaŋge seege wer ɓaara, waŋre sen hay wo diŋ

³³ Asariya, Esdras, Mesulam,

³⁴ Juda, Benjame, Semaeya wo de Jermi.

³⁵ Le nen blam ni pa diŋ jar siɗ jagn wo de cõõ wo doo, diŋ Sakari je ni Jonataŋ, je ni Semaeya, je ni Mataniya, je ni Mise, je ni Sakur, je ni Asafn

³⁶ wo de hẽẽre ɓe Semaeya, Asareel, Milalay, Gilalay, Maay, Netaneel, Juda wo de Hanani saara de fẽẽre jõõ mani Dafid je mani Baan doo ɓaara. Esdras je had wããre Baa hay pel ɓaara.

³⁷ Á wo wo dayge ti jag faage gedel no, saara raw cegaɗge wo go ne ngel maga à ɗii wo ni Dafid ni ti, see wo go ciŋ ti tiŋ mani Dafid no, hãã wo wo jag faage Biin nen nen wur botoŋ.

³⁸ Jar siŋ ma de ɓog fer wo de seelen nen ɓaŋ gùri. Ndi hay nen blam ɓaara de te jar ma lan wo, wùr go ciŋ ti kor no, wùr hee ciŋ ti tiŋ ma de gẽẽre ma ti ngel jiɗ fẽẽre no, hãã wùr wo go ti kor ma de diy no.

³⁹ Wùr hee ciŋ ti jag tiŋ mani Efrayim no, ti jag tiŋ ma ɓaaɓaa no, ti jag faage Cẽẽn wo, ciŋ ti tiŋ ma de gẽẽre mani Hananeel no, ti tiŋ ma de gẽẽre mani Meya no hãã wo go jag tiŋ Sããren wo. Wùr raw lagge jag tiŋ daŋgay no.

⁴⁰ Jar siŋ se taʼ taʼ wer ɓogn wo wo lagge ɓil tiŋ mani Baa no, ndi de see ɓi lay, jar kluuri maga hay wo wer ɓi mo ɓuy lay,

⁴¹ Jar siɗ jag Eliyakim, Maaseya, Minyamin, Mise, Elyoenay, Sakari, Hananiya maga hay wo de cõõ doo wo lay,

⁴² Maaseja, Semaeya, Eleyasar, Usi, Yohanan, Malkiya, Elam wo de Eser wo lay, ɓuy wùr lag ɓil tiŋ Baa no : Jar ʼwad siŋ ʼwaan wo nen maga jar mo laa ne, je wãã re ɓaara hay diŋ Yisrahiya.

⁴³ Ti wur sen ni jar joŋ wo siɗgi jag wo debaŋ day joŋ wo fruygi debaŋ lay werga Baa hay hã fen fruy ɓil ɓaara ne hara. Naare wo de kamliiri kal wo joŋ fruygi, à hay laa war fruygi ma Jerusalem wo go hãã hãã.

Nen fen mani jar joŋre Baan wo

⁴⁴ Ti wur sen ni mono, à raw lag jar wo jag tiŋ maga à lag fẽẽre hãgen wo, jag fẽẽren wo de dimn wo ni mono, day à raw hã joŋre ne hara maga á mo tar wo fẽẽre maga jag liŋgi wãã ti ɓaara ga á wo diŋ ma jar siɗ jagn wo de jar Lefidn wo le ɓi leegen wo ɓuy. Werga, Juda hay wo joŋ fruygi ti maga jar siɗ jagn wo de jar Lefidn hay wo jag joŋre ɓaara no,

⁴⁵ hay wo hoo sug ti joŋre mani Baa ɓaara no, ti joŋre fãɗge jarn lay mono. Jar ʼwad siŋn wo de jar gor jag tiŋ hay wo joŋge no lay, doo maga Dafid wo de wel ɓe Salomoŋ hay wããn wo nono.

⁴⁶ Werga, ti wurpo le nen Dafid wo de Asaf, waŋre jar ʼwad siŋ hay wo we de siŋ ma togoɗge, ma joŋ suseʼ ma maŋ ti Baa ciŋ wo.

⁴⁷ Jar Israyel wo ɓuy, ti kal mani Sorobabeln wo de Nehemi, hay wo hã nen mo mani jar ʼwad siŋn wo de jar gor jag tiŋn wo ne hara tumtum nen naw, hay wo hã fẽẽre maga wo go sagsag ma jar Lefidn wo ne hara lay, day jar Lefid hay wo hã fẽẽre maga wo go sagsag ma jar ni Aaron wo ne hara lay.