NEHEMI 11 - Tupuri Bible

Ɗúu jar Jwif maga lag wo Jerusalem mono

¹ Waŋre ma pel jarn raw wo lagge go Jerusalem. Te jar ma ɓuyn kal wo naa wãywáale nen maga jobo boŋ yoo jar hwal mo a hayge Jerusalem day ma kaawaʼ lan mo lag wo wo go ɓi leege ma lan wo lay.

² Jarn raw wo kaŋ bosaʼ ne jar maga ɗig wo de dage ɓaara ga saara lag Jerusalem mono.

³ Mokay diŋ ɗúu waŋre ma ti prog maga lag wo de tiŋ Jerusalem mono. Ɓi leege ma ti sir Judan wo mono, wosela ɓuy laa tiŋ nà ti tway ɓe, ɓi leege ɓe, hay bà Israyel wo, jar siɗ jag wo de jar Lefid wo, jar Netiniyẽẽ wo de jar ni weere jõõre Salomoŋ wo yaw.

⁴ Ɓi leege Jerusalem mono, weere sir Juda wo de Benjame raw wo lagge ni. Yoo jar Juda wo mono diŋ Ataya je ni Osiyas, je ni Sakari, je ni Amariya, je ni Sefatiya, je ni Mahaleel yoo jar ni Peres wo.

⁵ Lan diŋ Maaseya, je ni Barug, je ni Kol-Hose, je ni Hasaya, je ni Adaya, je ni Yoyarib, je ni Sakari, je ni Siloni no.

⁶ Jar ni Peres maga lag wo de tiŋ Jerusalem wo ɓuy kiskis naa de jar doo hiiraʼ ti nenmaʼa, diŋ werpiiri ma de egre wo.

⁷ Mokay no diŋ ɗúu jar Benjame wo, á wo diŋ Salu je ni Mesulam, je ni Yoed, je ni Pedeya, je ni Kolaya, je ni Maaseya, je ni Itiyel, je ni Esay no.

⁸ Blam ɓe diŋ Gabay wo de Salay, saara ɓuy kiskis kaawaʼ de jar doo ɓog ti nenmaʼa.

⁹ Jowel je ni Sikrin hay diŋ je wãã re ɓaara, day Juda je ni Senuwan hay diŋ go ɓe ɓi leegen ni.

¹⁰ Jar siɗ jag maga lag wo Jerusalem wo diŋ Yedaya, je ni Yoyarib no, diŋ Yakin,

¹¹ diŋ Seraya je ni Hilkiya, je ni Mesulam, je ni Sadog, je Merayod, je ni Ahitub, je wããre tiŋ Baa no,

¹² diŋ hẽẽre ɓaara maga hay wo de hã see ɓaara jag joŋre ma ɓil tiŋn mono saara ɓuy kiskis nenmaʼ de jar doo ɓog ti ɓoge. Yoo ɓaara pa diŋ Adaya je ni Yeroham, je ni Pelatiya, je ni Amsi, je ni Sakari, je ni Pashur, je ni Malkiya,

¹³ wo de hẽẽre ɓe waŋre ma ti feelen wo, saara ɓuy kiskis ɓog de jar doo naa ti ɓoge, diŋ Amasay je ni Asareel, je ni Ahsay, je ni Mesilemod, je ni Imern

¹⁴ wo de hẽẽre ɓaara, jar ma tinoo n wo ɓuy kis ti ɓe doo ɓog ti nenmaʼa. Sabdiyel, je ni Gedolimn hay diŋ je wãã re ɓaara.

¹⁵ Yoo jar Lefid wo mono diŋ Semaeya je ni Hasub, je ni Asrikam, je ni Hasabiya je ni Buni no,

¹⁶ diŋ Sabetay wo de Yosabad jar ma yoo waŋre jar Lefid maga wãã wo re fẽẽre ma nen siigi ga wo de maŋge se tiŋ Baan mono

¹⁷ diŋ Mataniya je ni Mise, je ni Sabdi, je ni Asaf, waŋ maga far siŋ togoɗgen ti wur tosgen mono, diŋ Bakbukiya je kluu ma de ɓog yoo hẽẽre ɓen wo mono, diŋ Abda je ni Samuwa, je ni Galal, je ni Yedutun no.

¹⁸ Jar Lefid ma ɓi leege ma bay ɗagn wo ɓuy kiskis ɓog de jar doo nenmaʼ ti naa.

¹⁹ Jar gor jag tiŋn wo diŋ Akub, Talmon wo de hẽẽre ɓaara jar gor jag tiŋn wo, saara ɓuy kis de jar doo renam ti ɓoge.

²⁰ Te jar Israyel ma lan wo, jar siɗ jag wo, jar Lefidn wo mono, sen hay wo de tiŋ ɓi leege ma ti sir Judan wo, wosela ɓuy ti tway ɓe.

²¹ Jar Netiniyẽẽ hay wo de laage ti Ofel no, Siha wo de Gispa hay wo diŋ waŋre jar Netiniyẽẽ wo.

²² Je wãã re jar Lefid ma Jerusalem wo diŋ Usi je ni Bani, je ni Hasabiya, je ni Mataniya, je ni Mise yoo jar ni Asaf wo, jar maga joŋre siŋ ma ɓil tiŋ Baan de hãge ne hara doo mono.

²³ Waŋ hay we de yer jag liŋgi ti ɓaara, hay go de ngaɓ joŋre ɓaara maga jar ʼwad siŋn wo nen joŋge ɓe nen naw tum go taʼ taʼa.

²⁴ Petahiya je ni Mesesabeeln yoo jar ni Sera je ni Judan hay diŋ ajiya waŋ ti re fẽẽre maga sen de maŋge see jar ma ti prog Judan mo ɓuy no.

²⁵ Go ɓi leegen wo de tiŋ ma ti ɓaaran wo mono, weere Juda laa wo tiŋ go Kiryat-Arba de sir ma ti ɓen wo, go Dibon wo de sir ma ti ɓen wo, go Yekabseel de ɓi leege ma ti ɓen wo,

²⁶ go Yesuwa, go Molada, go Bet-Paled,

²⁷ go Hatsar-Suwal, go Beer-Seba de sir ma ti ɓen wo,

²⁸ go Siglage, go Mekona de sir ma ti ɓen wo,

²⁹ go En-Rimoŋ, go Soreya, go Yarmud,

³⁰ go Sanowa, go Adulam wo de ɓi leege ma ti ɓaaran wo go Lakis de prog ɓe no, go Aseka de sir ma ti ɓen wo. Saara lag tiŋ le Beer-Seba hãã a go ti log Hinom.

³¹ Jar Benjame lag wo le Geba hãã wo wo go Mikmase, go Aya, go Betel de sir ma ti ɓen wo,

³² go Anatod, go Nob, go Hananiya,

³³ go Hatsor, go Rama, go Gitayim,

³⁴ go Hadid, go Seboyim, go Nebalad,

³⁵ go Lod wo de Ono, log mani jar bag doo ti joŋre ma defeɗ defeɗn wo.

³⁶ Jar Lefid ma yoo jar Juda po raw wo wo laa tiŋ yoo jar Benjame wo.