NEHEMI 10 - Tupuri Bible

Jar hã wo see ɓaara ma seege ti jag liŋgi

¹ Diŋ wer re sen mo ɓuy wùr raw tay tayge jag po maga wùr yern go yerge. Ɗúu waŋre wùrn wo, jar Lefid wùr wo de jar siɗ jag wùr hay wo go de yerge ti ɓil kefder ma de kaŋ kase ti wo.

² Ɓil kefder se de kaŋ kase tin wo diŋ ɗúu Nehemi, je ni Hakaliya je wãã re prog no, diŋ ɗúu Sedesiyas,

³ Seraya, Asariya, Jermi,

⁴ Pashur, Amariya, Malkiya,

⁵ Hatus, Sebaniya, Malug,

⁶ Harim, Meremod, Abdiyas,

⁷ Danyel, Gineton, Barug,

⁸ Mesulam, Abiya, Miyamin,

⁹ Maasiya, Bilgay, Semaeya, jar siɗ jag wo.

¹⁰ Jar Lefid wo diŋ Josuwe je ni Asaniya, diŋ Binuwi, yoo jar ni Henadad wo diŋ Kadmiyele,

¹¹ Hẽẽre ɓaara wo diŋ Sebaniya, Hodiya, Kelita, Pelaya, Hanan,

¹² Mise, Rehob, Hasabiya,

¹³ Sakur, Serebiya, Sebaniya

¹⁴ Hodiya, Bani, Beninu.

¹⁵ Waŋre ma pel jarn wo diŋ Pareos, Pahat-Mohab, Elam, Satu, Bani.

¹⁶ Buni, Asgad, Bebay,

¹⁷ Adoniya, Bigfay, Adin

¹⁸ Ater, Esekiyas, Asur

¹⁹ Hodiya, Hasum, Betsay

²⁰ Harif, Anatod, Nebay

²¹ Magpiyas, Mesulam, Hesir,

²² Mesesabel, Sadog, Yaduwa,

²³ Pelatiya, Hanan, Asaya,

²⁴ Hose, Haninaya, Hasub,

²⁵ Halohes, Pilha, Sobeg,

²⁶ Rehum, Hasabna, Maaseya,

²⁷ Ahiya, Hanan, Anan,

²⁸ Malug, Harim, Baana,

²⁹ Te jar ma ɓuy no, jar siɗ jagn wo, jar Lefidn wo, jar gor jag tiŋn wo, jar ʼwad siŋn wo, jar Neteniyẽẽn wo de jar maga caa wo see ɓaara go de waare wo ma seege ti jag liŋgi mani Baan mo ɓuy, naare ɓaara wo, weere ɓaara wo de mayre ɓaara wo, jar maga wo ɓuy ga wo de kããge ma daʼ wer go ne mopo day wo de ti ngel lay mono,

³⁰ raw wo tay see ɓaara de hẽẽre ɓaara ma de ɗúun wo. Saara kal wããge go de jag ɓaara, haʼ wo go haʼge ga saara see ti jag liŋgi maga Baa hay hãn nen doo Moyis, wejõõ Baa mono, ga saara hoo sugi day saara joŋ joŋre de jag liŋgi mani Manwurn Waŋkluu wùr wo ɓuy, de jag liŋgi ma ɓod faage wããre ɓen wo de wããre ɓe ma de yergen wo.

³¹ Wùr raw hã jag ga wùr hã mayre wùr wo ne jar ma ɓil sirn wo gà wùr da mayre ɓaara wo ne weere wùr wo gà lay.

³² Wùr yee mopo wur Saba wo de wur fewn wo doo jar sirn maga á wo de fẽẽre trere wo noga fẽẽre rege wo ma yoo wur Saba mo gà ga wùr men ngel payren wo yaŋ bay jeege ti kiŋgi ma de renam no, ga wùr men ɓèere mopo ɓuy maga à hay yããn doo wùr yaŋ go ne jar ti.

³³ Wùr raw kaŋ jag liŋgi ti see wùr ga wùr mo hã boo solay ma nen gram naa ɓegdeʼ nen kiŋgi ma joŋre ma ɓil tiŋ mani Baa wùr no,

³⁴ ma joŋre hoole ma de sraʼge ciŋ ti kããran wo, ma fen hãge ma tum nen naw no, ma jon siigi jag ma tum ti wur Saban wo ga à roɗ mo ɓen go ɓuyn wo de siigi jag ma ti kolge few ciŋn wo de wur kurwuyn wo, ma fẽẽre maga à hã ra go sagsag ne Baa mono, ma fẽẽre siɗgi jag ma maŋ ɓlagge go ne Israyel wo ti no, ma fen po ɓuy maga à joŋn ɓil tiŋ mani Baa wùrn mono.

³⁵ Wùr ɓuy, jar siɗ jagn wo, jar Lefidn wo de jar ma ɓuyn wùr kal naa wãywáale go ti hããre maga à hay nen saʼge ɓe le nen kiŋgi kaʼ ma roɗge ɓi tiŋ Baa wùrn mono, wùr carn go ti feele wo taʼ taʼ, go de ngaɓ wur ɓe kaʼ kaʼ nen maga à mo roɗn ti ngel siɗ jag mani Manwuri, Baa wùrn doo maga á de yerge ɓil jag liŋgin nono.

³⁶ Wùr raw hã jag ga wùr mo á tum nen kiŋgi de jag fẽẽre maga wùr jeɗ ra mono, de jag leʼge koore wùr wo ɓuy ɓil tiŋ mani Manwur no

³⁷ ga wùr mo á de jag weere wùr wo de jag weere horog de fũy wùrn wo ɓil tiŋ mani Baa wùrn ne jar siɗ jag maga wo de ma joŋ peele ɓil tiŋ mani Baa wùrn doo maga á de yerge ɓil jag liŋgin no no, diŋ jag weere deere wùrn wo de fǐiri wùrn wo

³⁸ ga wùr mo á de jag hoole wùrn wo, fẽẽre maga wùr maŋ nen ɓaara go ma hãgen wo, leʼge koore wùrn wo, yii ma defay wo de noon ne jar siɗ jag wo ɓil tiŋ horog mani Baa wùr no, ga wùr mo hã dim fẽẽre maga wùr jee ra go ne jar Lefid wo. Jar Lefid wo de see ɓaara wo nen yãɗ rage le go ɓi leege maga wo ciŋ ti sir maga wo diŋ tway wùr mo ɓuy no.

³⁹ Je siɗ jag ma ti wer mani Aaron joŋ wer jar Lefid wo ni de maga jar Lefid a ge wo de dim ma dim ɓil tiŋ mani Baa wùr ɓil tiŋ horogn wo mono.

⁴⁰ Werga jar Israyel wo de jar Lefid a ge wo de fẽẽre hãge maga saara horge see coore ble no, see yiin wo de noon nà ɓil tiŋ sen wo. Fẽẽre ma ɓil tiŋ ma bay ɗagn wo de laage nà ni jar siɗ jag maga joŋ wo peele mono, jar gor jag tiŋn wo de jar ʼwad siŋn wo de lagge nà ni lay. Doo kay no so no, wùr tob ge tiŋ mani Baa wùrn go gà.