MISE 3 - Tupuri Bible

Manwur ruu waŋren wo no

¹ Ndi gana : Laa we so, nday waŋre ma ti Jakob no, Nday jar wãã wããre Israyel no! Hay nen kaŋ nen jar ti de deelen nà bay diŋ nday wa yawla?

² Nday caa hee de de el no, day nday da ɓlagge no. Nday ndar hõõge go ne hara ti day nday hog này ma ti hm ɓaaran wo go.

³ Á re wo này jar mani ɓin wo go, Hog wo hõõge go ne hara ti, Day kaf wo hm ɓaara go. Á car wo nen ɓaara go doo fen maga à karn ɓi temnee nono, Go doo này ma ɓil fen kar này nono.

⁴ Day ge saara raw rage ne Manwur ti, Ama Manwur yiŋ gi jag ne hara gà. A yoŋ ge see ɓe go ne hara ti wur seno, Werga á hay joŋ wo fẽẽre ma de ɓlagge wo debaŋ.

Manwur ruu jar ndar nen wããren wo no

⁵ Manwur wãã ti jar ndar nen wããre maga yeɗ wo jar mani ɓin wo go ga : Á wãɗ wo ga jam yaŋ de maga à hee mopo we ne hara jag no, a dur wo de jar maga her wo mopo ne hara jag gà mono.

⁶ Diŋ wer se kayn so mono, ngel suŋ a ge mbe yaŋ ne nday ti, Ane nday lwaʼ ge gà suŋgu a ge mbe yaŋ ane, À naa ge nen wããre po we gà. Wur coŋ ge yaŋ go ne jar ndar nen wããre sen wo ti, Ngel ceg kol ge yaŋ go ne hara ti diŋ ngel suŋ.

⁷ Sõõre joŋ ge jar ko nen wo yaŋ, Jar ndar nen wããren her wo ti yaŋ go gesiŋ. Á wo ɓuy yoŋ ge wo fũy ma jag ɓaara yaŋ wo go, Werga Baa yiŋ gi jag ne hara gà.

⁸ Ama ma ɓin ndi mbi de egre ɓil debaŋ wer Nenterse mani Manwur no. Faage mbe ti ɓi lay, ndi mbi de coɓge ma kaŋ nen Jakob ti debaycõõre ɓe no, Ma kaŋ nen Israyel ti ɓlagge ɓe no.

À ɓlag ge Jerusalem go

⁹ Laa we mo ma kay no, nday waŋre ma ti tiŋ mani Jakob no, Nday jar wãã wããre tiŋ mani Israyel Maga nday bay hoo sug ti fen ma de deelen wa so, Day nday ɓlag fen ma de deelen go mono,

¹⁰ nday maga nday boo Siyoŋ de kaage cíi jar go, Nday maga nday boo Jerusalem de idgi húulí mono!

¹¹ Waŋre ɓen car wo kiidan ti fẽẽre, Jar siɗ jag ɓen had wo ma daʼ poɗge, Jar ndar nen wããre ne haran ndar nen wããren ne hara ti solay. Day saara ga saara deŋ see ɓaara see Manwur diŋ de wãɗge gana : Manwur yaŋ mbe yoo naa, re po caa ge naa gà!

¹² Diŋ wersen so ga a jee ge Siyoŋ go doo pay no mono. Jerusalem kol ge yaŋ go diŋ húulì ma de cor ɗugul wo ne kããra ti, Húulì maga tiŋ Baan ti ɓe kol ge go diŋ yooway ma ɗilig lay.