JOSUWE 19 - Tupuri Bible

Tway mani jar ma ti ɓĩĩni mani Simeyoŋ wo mono

¹ À naa wãywáale ma de ɓogn se leʼ ti moobe mani Simeyoŋ no, go de ngaɓge ti moobe taʼ taʼa. À caa tway ne hara ɓil tway mani jar ni Judan wo.

² Ɓi leege maga wo ɓil tway ɓaaran wo de Beer-Seba, Seba, Molada

³ Hatsar-Suwal, Bala wo de Atsem,

⁴ Eltolad, Betul wo de Horam,

⁵ Siglag, Bet-Markabod wo de Hatsar-Susa.

⁶ Bet-Lebaod wo de Saruhen. Tay ɓuy ɓi leege hwal ti swaʼ de sir ma ti ɓaaran wo.

⁷ Ni pa diŋ Ayn, Rimon, Eter wo de Asan, ɓi leege naa de sir ma ti ɓaaran wo.

⁸ Ɓi leege sen wo ɓuy wo de progre ma ti ɓaaran wo ɓuy hãã leʼ wo go Baalat-Beer maga diŋ Ramad ma ɓaŋ wãyban mono. Mo so no diŋ tway mani jar ma ti ɓĩĩni mani Simeyoŋ wo mono.

⁹ À caa tway ne hara ɓil tway mani jar ni Judan wo werga tway ɓaara hay raw kluu debaŋ. À caa ne jar ni Simeyoŋ wo see tway mani ɓaara no.

Tway mani jar ma ti ɓĩĩni mani Sabulon wo mono

¹⁰ À naa wãywáale ma de swaʼn se leʼ ti ɓĩĩni mani Sabulon no, go de ngaɓge ti moobe taʼ taʼa. Haagu tway ɓaaran hee go Sarid hãã.

¹¹ Se hee go nen wur bolaw no kay leʼ go nen Mereala, wo duʼ Dabesed hãã wo go ti pyew ma ti jeŋ Yokneyam no.

¹² Se ur le Sarid kaʼa, kii go nen wer nen wur botoŋ no kay wo go ti haagu de Kislot-Tabor, nduu wo go Dabrad day kal wo go Yafiya.

¹³ Se ur le ni kaʼ leʼ go nen wur botoŋ nen Gita-Hefer wo de Ita-Katsin, leʼ go Rimon day kii go Neya.

¹⁴ Haagun fer go nen ɓaŋ gloŋhwede Hanatone, day leʼ go ti log ma Yifta-El no.

¹⁵ Ɓi leege ɓaaran hay wo ni pa diŋ Katad, Nahalal, Simron, Yideala wo de Betlehem. Tay ɓuy ɓi leege hwal ti ɓog de sir ma ti ɓaaran wo.

¹⁶ Ɓi leege sen wo de sir ma ti ɓaaran wo mo ɓuy nà diŋ tway mani jar ma ti ɓĩĩni mani Sabulon wo, go de ngaɓge ti moobe taʼ taʼa.

Tway mani jar ma ti ɓĩĩni mani Isakarn wo

¹⁷ À naa wãywáale ma de naan se leʼ ti ɓĩĩni mani Isakar no, go de ngaɓge ti moobe taʼ taʼa.

¹⁸ Haagu ɓaaran caa le ɓil diŋ Jisreyel, Kesulod, Sunem,

¹⁹ Hafarayim, Siyoŋ wo de Anaharad,

²⁰ Rabid, Kisyon wo de Abes,

²¹ Remed, En-Ganim, En-Hada wo de Bet-Patses.

²² Haagun hee Tahor, hee Sahatsima, hee Bet-Semes day wo go kaŋ ti ne Jurdẽẽ. Tay ɓuy ɓi leege hwal ti hiiraʼ de sir ma ti ɓaaran wo.

²³ Ɓi leege sen wo de sir ma ti ɓaaran wo mo ɓuy nà diŋ tway mani jar ma ti ɓĩĩni mani Isakarn wo, go de ngaɓge ti moobe taʼ taʼa.

Tway mani jar ma ti ɓĩĩni mani Asern wo

²⁴ À naa wãywáale ma de dween se leʼ ti ɓĩĩni mani Aser no, go de ngaɓge ti moobe taʼ taʼa.

²⁵ Haagu ɓaaran maŋ le de Helkad, de Hali, de Beten wo de Aksaf,

²⁶ de Alameleg, de Amead wo de Miseyal. Se leʼ go ti húulì Karmel nen wur bolaw, leʼ go jag pyew Sihor-Libnad.

²⁷ Se kii go Bet-Dagon nen wur botoŋ no kay, hee go ti jag sir ma Sabulon wo de log ma Yifta-El go ɓaŋ gloŋhwede Bet-Emeg wo de Neyele no kay no. Se leʼ go Kabul go nen ɓaŋ gur no kay no.

²⁸ Se leʼ go nen Ebron, leʼ go Rehob, go Hamon, go Kana, hãã leʼ wo go Sidoŋ ɓi leege ma kluu no.

²⁹ Haagun kii go nen Rama hãã leʼ wo go Tir ɓi leege ma de egre no, kii go Hosa, hee wo ɓil ngel ma Aksib no, day leʼ wo go jag maarog ma kluu no.

³⁰ Ɓi leege ma tigriŋ hay wo ni pa mono, diŋ Uma, Afeg wo de Rehob. Ɓi leege ɓaaran wo doo ɓog ti ɓog de sir ma ti ɓaaran wo.

³¹ Ɓi leege sen wo de sir ma ti ɓaara wo mo ɓuy diŋ tway mani jar ma ti ɓĩĩni mani Asern wo, go de ngaɓge ti moobe taʼ taʼa.

Tway mani jar ma ti ɓĩĩni mani Neftalin wo

³² À naa wãywáale ma de hiiraʼn se leʼ ti wer mani Neftali no, go de ngaɓge ti moobe taʼ taʼa.

³³ Haagu ɓaaran ur le Helef wo de Elon, hee le Saananim, le Adami-Nekeb wo de Yabneyel hãã leʼ wo go Lakum wo go kaŋ ti ne Jurdẽẽ.

³⁴ Se kii go Asnot-Tabor nen wur bolaw no kay, day ur le ni kaʼ leʼ wo go Hukog. Se leʼ go nen ɓaŋ wãyban ti haagu de Sabulon go nen wur bolaw go ti haagu de Aser wo de Juda. Jurdẽẽ hay diŋ haagu ɓaaran ma nen wur botoŋn tuu.

³⁵ Ɓi leege ɓaara ma de egren hay wo diŋ Sidim, Ser, Hamad, Rakad wo de Kinered,

³⁶ Adama, Rama wo de Hatsor,

³⁷ Kedes, Edrey wo de En-Hatsor

³⁸ Yireon, Migdal-El, Horem, Bet-Anad wo de Bet-Semes. Tay ɓuy ɓi leege hwal ti kawaʼ de sir ma ti ɓaaran wo.

³⁹ Ɓi leege sen wo de sir ma ti ɓaaran wo mo ɓuy nà diŋ tway mani jar ma ti ɓĩĩni mani Neftalin wo, go de ngaɓge ti moobe taʼ taʼa.

Tway ma jar ma ti ɓĩĩni mani Daŋ wo

⁴⁰ À naa wãywáale ma de renamn, se leʼ ti ɓĩĩni mani Daŋ no, go de ngaɓge ti moobe taʼ taʼa.

⁴¹ Ɓi leege maga wo ɓil tway ɓaaran wo diŋ Soreya, Estawol wo de Ir-Semes.

⁴² Saalabin, Ayalon wo de Yitla,

⁴³ Elon, Timnata wo de Ekron,

⁴⁴ Elteke, Gibeton wo de Baalad,

⁴⁵ Yehud, Bene-Berag wo de Gat-Rimon.

⁴⁶ Ɓi leege Yarkon wo de Rakon de sir ma ti jeŋ Jafa no.

⁴⁷ À yãã sir mani jar ni Daŋ wo go doo ɓaara. Jar ni Daŋ kal wo rawge dur jar Lesem wo. Saara raw yãã ɓi leege no, car wo jar ma ɓil ɓen wo go de moslamre wo, kal wo laa tiŋ go ni. Saara raw kaŋ ɗúu ne ɓi leegen ga Daŋ, de ɗúu pan ɓaara.

⁴⁸ Ɓi leege sen wo de sir ma ti ɓaaran wo mo ɓuy nà diŋ tway mani jar ma ti ɓĩĩni mani Daŋ wo, go de ngaɓge ti moobe taʼ taʼa.

À hã ɓi leege Timnat-Sera ne Josuwe

⁴⁹ De maga jar Israyel kol wo sirn go tway ɓaara ti jag ɓe leŋleŋ ɓuy so mono, saara kal caa tway ne Josuwe je ni Nun yoo ɓaara ni lay.

⁵⁰ Ti jag Manwuri, saara kal hã ɓi leege Timnat-Sera maga wo ti húulì mani Efrayim ne hẽn doo maga se hay wii nono. Josuwe raw ferge booge ɓe day raw laa tiŋ ni.

⁵¹ Wo mo ɓuy so no diŋ tway maga Eleyasar je siɗ jag no, Josuwe je ni Nun wo de waŋre ma pel jar Israyel carn wo go ti ɓĩĩnin wo taʼ taʼ ne jar Israyel wo mono. Saara ɓes sirn go diŋ de naage wãywáale pel Manwur ɓi leege Silo jag Tiŋ ma yiŋgi de Baa no. Saara ɓes sir go ti holaŋ ɓaara nà doosen no kay so no.