JOSUWE 15 - Tupuri Bible

Tway maga à caa ne jar ma ti wer mani Judan wo mono

¹ Tway maga à caa ne jar ni Juda wo, go de ngaɓge ti moobe taʼtaʼ a. Tway ɓaara maŋ le nen ti haagu Edom de puuli ma Sin go ti tawge ti ɓe ma nen ɓaŋ wãyban no.

² Haagu ma se ɓaŋ wãyban ur le ti waale maarog ma Lug no, ti trum ɓe maga kar de Negef mono.

³ Se leʼ go Akrabim ɓaŋ wãyban ɓe no kay no, hee go ti puuli ma Sin no hãã leʼ wo go Kades-Barneya ɓaŋ wãyban ɓe no kay no. Á ur le ni kaʼ wo ne Hesron ti, hee go nen Adar no kay kii go Karkaa.

⁴ Haagun leʼ go Asmon, go ti pyew ma Ejipte no, wo go tawge ti maarog ma kluu no. Sen mono diŋ haagu tway ɓaara maga sen maŋ le ɓaŋ wãyban mono.

⁵ Jag sir ɓaara ma nen wur botoŋ maŋ le de maarog ma Lug no hãã wo go ti ngel maga Jurdẽẽ kal le nen ɓe ni mono. Haagu ɓaara ma ɓaŋ gloŋhwede tĩĩ nà ti ngel sen ni lay.

⁶ Se fer go nen Bet-Hogla, leʼ wo go Bet-Araba hãã leʼ wo go ti húulì mani Bohan je ni Ruben no.

⁷ Haagun hee go Debir ɓil log ma Akor no, leʼ wo go ti jeŋ Gilgal nen ɓaŋ gloŋhwede no kay no. Gilgal hay kar de ngel ma de maŋge ciŋ ma Adumim ti jeŋ pyewn ɓaŋ wãyban no kay no. Haagun leʼ go jag gedel ma En-Semes no leʼ wo go En-Rogele.

⁸ Se ur le ni kaʼ hee ɓil log ma Ben-Hinom no, leʼ wo go ti húulì ma Yebus maga diŋ Jerusalem go ɓaŋ wãyban ɓe no kay no. Se leʼ go ti tipẽẽge ti húulì maga kar de log ma Hinom go nen wur bolaw no kay hãã wo go tawge ti log mani jar Refayim ma ɓaŋ gloŋhwede no.

⁹ Haagun tĩĩ le ti tipẽẽge húulìn ni kaʼ day kii go jag gedel ma Neftowan wo no, hãã raw wo go nen ɓi leege ma ti húulì ma Efron no, day kii go Baala maga diŋ Kiryat-Yearim mono.

¹⁰ Se ur le Baala kaʼ kii go nen wur bolaw nen ti húulì ma Seyir no hãã leʼ go ti jeŋ húulì ma yooway ga à ɗen ga Kesalon go ɓaŋ gloŋhwede mono, hãã leʼ go Bet-Semes day hee go Timna.

¹¹ Haagun hee ti jeŋ húulì ma Ekron ma ɓaŋ gloŋhwede no, kii go nen Sikron, hee wo ti húulì ma Baala no day leʼ wo Yabneel hãã wo go kaŋge ti maarog ma kluu no.

¹² Haagu ma nen wur bolawn maŋ le ti maarog ma kluu no. Mo so no diŋ haagu tway jar ma ti ɓĩĩni mani Judan wo, go ti jag ɓe leŋleŋ ɓuy, go de ngaɓge ti moobe taʼ taʼa.

¹³ À raw caa sir ne Kaleb je ni Yefunen yoo jar ni Juda wo doo maga Manwur hay wãã ne Josuwe nono. À hã Kiryat-Arba maga diŋ Hebroŋ ne hẽne. Arba hay diŋ pan Anage.

¹⁴ Kaleb kal yãã sir mani Sesay, Ahiman wo de Talmay wo go. Saara hay diŋ waŋre ma swaʼ mani jar ma ti wer mani Anag wo no.

¹⁵ Blam sen Kaleb raw dur jar Debir wo. À hay ɗe Debir ɓaa ga Kiryat-Sefer.

¹⁶ Kaleb kal ga : Ndi hã ge may ɓi Aksa go wãy ne je maga nii jar Kiryat-Sefer wo we go day yãã sirn we go mono.

¹⁷ Otniyel, je ni Kenas hẽn Kalebn raw yãã sir no, Kaleb raw hã may ɓe Aksa go ne hẽn wãy.

¹⁸ De maga Aksa wo go ni Otniyel so mono, se raw srog wer ɓe ga á mo wii pay doo pan se. Se kal yoʼge le go ti gerhẽẽ ɓe no day Keleb kal wiigi ɓe ga re mayla?

¹⁹ Aksa kal ferge ne hẽn ga : Ngel maga ndo hãn me diŋ ngel maga bii bay ni wa. Hã ngel maga bii ni me lay. Pan ɓe raw hã gedel ma ti ngel ma de maŋge ciŋ wo de ma ti ngel ma de hamge gesiŋn wo ne hẽne.

²⁰ Mo so no diŋ tway maga à caa ne ɓĩĩni mani Judan wo mono, go de ngaɓge ti moobe taʼ taʼa.

²¹ Ɓi leege maga sen wo le ti haagu Edom ɓaŋ wãyban wo diŋ Kabseel, Eder wo de Yagur,

²² Kina, Dimona wo de Adada,

²³ Kedes, Hatsor wo de Itan,

²⁴ Sif, Telem wo de Bealod,

²⁵ Hatsor-Hadata, Kiryat-Hesron maga diŋ Hatsor mono,

²⁶ Amam, Sema wo de Molada,

²⁷ Hatsar-Gada, Hesmon wo de Bet-Paled,

²⁸ Hatsar-Suwal, Beer-Seba wo de Bisyotiya,

²⁹ Baala, Iyim wo de Atsem,

³⁰ Eltolad, Kesil wo de Horma,

³¹ Siglag, Madmana wo de Sansana,

³² Lebaod, Sihim, Ayn wo de Rimon. Tay ɓuy ɓi leege doo ɓog ti kaawaʼ de sir ma ti ɓaaran wo.

³³ Wo ɓi Sefela mono, ɓe leege ma sen wo diŋ Estawol, Soreya wo de Asna,

³⁴ Sanowa, En-Ganim, Tapuwa wo de Enam,

³⁵ Yarmud, Adulam, Soko wo de Aseka,

³⁶ Saarayim, Aditayim, Gedera wo de Gederotayim. Tay ɓuy ɓi leege hwal ti naa de sir ma ti ɓaaran wo.

³⁷ Ma tigriŋ wo ni pa diŋ Senan, Hadasa wo de Migdal-Gad.

³⁸ Dileyan, Mispe wo de Yogteel

³⁹ Lakis, Boskad wo de Eglon,

⁴⁰ Kabon, Lahmas wo de Kitlis

⁴¹ Gederod, Bet-Dagon, Naama wo de Makeda. Tay ɓuy ɓi leege hwal ti hiiraʼ de sir ma ti ɓaaran wo.

⁴² Ni pa mono diŋ Libna, Eter wo de Asan

⁴³ Yifta, Asena wo de Netsib

⁴⁴ Keyla, Aksib wo de Maresa. Tay ɓuy ɓi leege kaawaʼ de progre ɓaara wo,

⁴⁵ Ekron de progre ɓen wo de sir ma ti ɓen wo.

⁴⁶ Sir maga maŋ le Ekron kaʼ kal de ɓi leege ma nen wur bolaw ma ti jeŋ Asdodn wo ɓuy de progre ɓaaran wo,

⁴⁷ Asdod de progre ɓen wo de sir ma ti ɓen wo, Gasa de progre ɓen wo de sir ma ti ɓen wo, hãã wo go jag pyew ma Ejipte no, leʼ wo go jag maarog ma kluu no.

⁴⁸ Ɓi leege ma ti húulìn wo diŋ Samir, Yatir wo de Soko,

⁴⁹ Dana, Kiryat-Sana maga diŋ Debir mono,

⁵⁰ Anab, Estemo wo de Anim,

⁵¹ Gosen, Holon wo de Gilo. Tay ɓuy ɓi leege hwal ti boŋ de sir ma ti ɓaaran wo.

⁵² Arab, Duma wo de Eseyan

⁵³ Yanum, Bet-Tapuwa wo de Afeka,

⁵⁴ Humeta, Kiryat-Arba maga diŋ Hebroŋ mono wo de Siyor. Tay ɓuy ɓi leege kaawaʼ de sir ma ti ɓaaran wo.

⁵⁵ Maon, Karmel, Sif wo de Yuta,

⁵⁶ Jisreyel, Yokdeyam wo de Sanowa,

⁵⁷ Kayin, Gibeya wo de Timna. Tay ɓuy ɓi leege hwal de sir ma ti ɓaaran wo.

⁵⁸ Halhul, Bet-Sur wo de Gedor,

⁵⁹ Maarad, Bet-Anod wo de Eltekon. Tay ɓuy ɓi leege hiiraʼ de sir ma ti ɓaaran wo.

⁶⁰ Kiryat-Baal maga diŋ Kiryat-Yearim mono, wo de Raba. Ɓi leege se ɓogn wo de sir ma ti ɓaaran wo.

⁶¹ Ɓi leege ma ɓil puulin wo diŋ Bet-Araba, Midiŋ, Sekaka,

⁶² Nibsan, Ir-Hamela wo de En-Gedi. Tay ɓuy ɓi leege hiiraʼ de sir ma ti ɓaaran wo.

⁶³ Jar ma ti ɓĩĩni mani Judan joŋ wo de egre ma nii jar Yebus maga hay wo de tiŋ Jerusalem go gà. Jar Yebus joŋ wo de tiŋ yoo jar ma ti ɓĩĩni mani Judan wo hãã wara.