JOB 25 - Tupuri Bible

Wããre Bildad ma de swaʼa : Baa wãã re tamsir go ɓuy

¹ Bildad ma Suwa raw wãã wããre day ga :

² Wããge re jarn wo de kaŋge hẽẽne ne jar ti wo diŋ ma Baa. A joŋ ga jam mo hay ti ngel ma ciŋ hãã no.

³ Haagu ngel po yaŋ taʼ ga soode ɓen wo wo ni gà yawla? Wur naa le go ti wose gà mo so la?

⁴ Je táabay joŋ ge go keɗed pel Baa nà joŋ ge la? Je maga biŋ le go ɓil wãy joŋge go de fããge nà joŋge la?

⁵ Hayba few, sen bay sagge depuy draʼ wa. Gér wo draʼ bay wo go ceɗeg nen ɓe wa lay.

⁶ Yoo no maʼ ne je táabay maga diŋ gogo de koɗkoɗe, ne wel je táabay maga diŋ wel gogo de koɗkoɗ mo so ge!