JERMI 45 - Tupuri Bible

Jermi teŋ nen Barugi

¹ Wããre maga Jermi je ndar nen wããre Baan wãã ne Barug je ni Neriyan de maga á hay yer wããre maga Jermi hay wãɗge ɓe ne hẽn de jag ɓe nen kiŋgi ma de naa maga Yehoyakim je ni Josiyas waŋ Juda kol ti waŋ mono. Se day ga :

² Manwuri, Baa ma Israyeln wãã ti ɓo Barug ga :

³ Ndo ga : Maga ndi taw we go! Manwur kaŋ bon ne ndi ti ciŋ ti re ma see ɓin ni pa, ndi go de taw ge doo ndumgi, ndi bay daʼ jam meʼ wa hase!

⁴ Diŋ doo kay no so no ndo wiin gi ga : Koɗa, ndi ɓlag ge fen maga ndi hay boon go, ndi naa ge fen maga ndi hay peɗn go, wer ɓe ga diŋ sirn mo tiʼ la ɓuy.

⁵ Day ndo ɓon de kiɗ fẽẽre ma kluuri wo yawla? Kiɗ ra wa! Werga ndi day le age de re ne wosela ɓuy ti, ndi hã ge tenen ɓon ne ndo diŋ daʼ ge ɓon ti ngel maga ndo wo ge ni mo ɓuy no. Kay diŋ jag Manwuri.