Lukás 8 - Rohingya

¹ Kisu badai, Isa dasai town are gung all bie ziethai Allahthalar barshair tharluk aresaidai hoosha'bor hoaiyai are dahieyai, are ow barazorn ow fuwanthi ireshil.

² Are bass mayafuwine all zaithairai haruff napark jinn are biyarum orthu shaifa fayai, andoaila Maryam ziba'rai Magadalene hoai matha, zibarthu harnthua haruff jinn nailai.

³ Herods orr “bijet” hazana soaidar Chuzar bow Joanna are Susanna thara are baishabishi mayafuwine ow ireshil, ayi mayafuwine allayi nizor horsaloai Isa are suahabi allorr hadmorth goairthow.

⁴ Thoai ayiwakthought baishi manush za'ma auaiyai, are forthi town orr manush eibar hanasai ireshai, eibayai maiserl diyourai hoaiyai.

⁵ Ougua bisdan shirayar bisdana shir borla nailai, are shirtai dai wakthought kisu dasai rusthar hanasarth foairjai, are inn orrai munshai ounrijai are boaiyar orth owraidai fige ayi fiairie yourai hieyai.

⁶ Are kisu dasai shil orowrai foairjai ges naili yourrai gaiza naforn orr zoriya innra ouai giyoai.

⁷ Are kisu dasai jangle orth foairjai, are jangle allor fuwanthi fuwanthi ba'ra' auai aieyourn orr zoriya ayi gars allorai dabie failieyai.

⁸ Are kisu gom zabinorth foairjai are ges furi aieyourrai shorth gunnar gula all doairjai. Ann hoai eibayai hoaiyai, tharfor, zibarthu funibor harn aresai eibayai funi loaibow!

⁹ Eibar Shagririth allayi eibarthu fusargoairjai ayi maiserl orr morksord kii?

¹⁰ Eibayai hoaiyai thuwanarai Allahthalar barshair badd all orrai buzie diyi, magor inn are oainazorn allorai maiserl diyourai funazar, Kisuyai daiki yourai nadaikai, Are funiyourai na'buzai.

¹¹ Ayi maiserl orr mani andoailaya, bisdan dasai Allahthalar Kalam.

¹² Rusthar hanasar mani andoailaya zibayai fuainnai, tharfor Iblish aieyourai eibar dillorthu Kalam orrai nailie loai giyoai, andoaila noak, Iman areniyourai barsie faribow.

¹³ Are shilorth foairjaidai eiba oailda zibayai funiyourai kalam orrai kushi ga'ri Kowbul goairjai, kinthu eibar dillorth shin'your nalagai, magor airsertha bish shuch garon orr za'riya amthan orr wakthought firi zargoai.

¹⁴ Are jangle orth foairjai yarn oaildai eiba owmunshor mani, zibayai funai, kinthu eithara zindigir bafar sintha goairtahi goairthai, ayi zindigir barfar all, are dowlorth are ishe kushir momnarth faron'orr zoriya, thoai eibarthu gula nadarai.

¹⁵ Ma'gor goom za'bin orr marni oauildai zai, Kalam orai funiyourai barla are nak dill orr mazai sawnlilai, are sobor orr sanathai gula daribow.

¹⁶ Hanika sairug zawlie yourai barung guridai orthaba farlaung orr thalai rakarai hanika nagarai, balkai sairug orrai owrai rakai, kiyourla hoailai butharai aiebowdai eithar foror daikai.

¹⁷ Thuwie nafa forn lukie raki faribowdai ann hanashiz nie, hoai nafaraiforn raki farai bowdai lukayow nie.

¹⁸ Kiyourla hoailai thoai zandoaila fuainors hushiyar, kiyourla hoailai zarthu aresai eitharai dibow, are zartharthu nie, eitherarthu oneordow loai zieboai, ziyarn nizor buijil.

¹⁹ Tharfor eibar ma are eibar baih' yarn eibar hanasai ireshai, magor manush bash ornor zoriya eiba forjonth forsi na'farai.

²⁰ Thoai eibarai ha'bor diyai thuwanr ma are baih' barai thiyie roaiyai are thorloai milthow saar.

²¹ Eibayai juwarb orr mazai onnorai hoaiyai, annar ma are baih' dai onn' are zaithara Allahthalar Kalam funai are eibar owrai armall garai.

²² Thoai akdin andoaila auaiyai eibar shagiroth boat owrai oauitai, are eibayai eithararai hoaiyai, aieyour foair'or owkulai zie, thoai eithara bire auaiyai.

²³ Magor zay wakthought nor bire auaigiyoai, thoai eiba goom giyai, are foairorr mazai thuwarn aieyourai nor farni loai furie giyoai, are thoai eithara hatharath foairjai.

²⁴ Eithara dakai aieyourai eibarai sathorn goairjai, tharfor hoaiyai, ousthard! Ousthard! Anara halark auai zieyom boai! Eiba ouriyourai fanirai are boaiyar orai bishi ouzor diyai, are duniyarn nizerm auai giyouai, thoai shunthi auaigiyoai.

²⁵ Eibayai onn orrai hoaiyai, thunwanrar Iman harai giyai? Eithara darie giyoai, are areposrth huwahoai garai eiba horn? Eibadai farni rai are boaiyar'oraiyow haqum dai are eibarai manair.

²⁶ Thoai eithara Gadarenes'or ayilakarth zie fowanshai, ziyarn Galilee foairorr akdark orth aresai.

²⁷ Zaiwakthought eiba hanasarth ouitai, ayi town orr ougua mowroth fuawa eibayai lorth fieyai, zibarai haruff napark jinn ayi fieyai, are eiba bash dairi forjonth fushark sara, are eiba garoth ow na'thakai, kaborsthurn orth thakair dai.

²⁸ Eibayai Isarai daiki yourai ouzor diyai, are eibar monthu aieyourai ounsall arbus loai hoaiyai, Aie Isa Allahthalar fuwa, annrthu thuwanr loai ki hurm? Ornorai aine dorhars ga'rir dorshars garir anarai akka azarb orth na'dailelaw.

²⁹ Kiyourla eibayai ayi napark jinn orrai haqum diyai, manush eibarthu naili zieborla, kiyourla hoailai eibayai eitharai da'ri thakai, are either harth tang orai luwar siyourl loai barndi soai goairlai yow, eithai luwar siyourl allorai siri yourai ha'ruff jinn orar jangle orth durie diyai.

³⁰ Isayai eibarthu fusargoairjai, thor num ki? Eibar butharai bishi ha'ruff napark jinn goaila ireshildai ayithorla eithai hoaiyai anar num Loshkor “Kyonork” legion.

³¹ Are eithara eibarai dorhus goairthow ligegai, anrai akka morr gurnth' orr butharai ziebor ha'uqm noairdaw.

³² Ayirai faror owrai “shore” or ougua baraw die sarar, eithara eibarai dorhurs goairjai, anarai onnorr buthawrai goail thowdaw, eibayai eitharai zieborla aijazorth diyai.

³³ Tharfor Ha'ruff napark jinn manush eibarthu naili yourai ayi “shore” or butha'rai goailoai, ayi die foair'or waa hinedarth zieyourai akuwarai dunri lamiyourai dufi mari giyouai.

³⁴ Ayi mazaira daiki yourai showor'or sa'ra'ya all diegiyai, zieyourai town are dashorth ha'bor diyai.

³⁵ Manush allayi mazaira rai daiki borla nailai, are Isar dakai aieyourai, ayi manush zarthu ha'ruff napark jinn nailiel, fushark findi kushir sannathai Isar tang orr dakai boairshai daiki, yourai darie giyouai.

³⁶ Are daikaya allayi eithararai habor diyai, zar buthawrai ha'ruff napark jinn ireshil, eithai hondoaila ga'ri arumauai.

³⁷ Tharfor Gadarenes orr ayilakar forthi manush allayi eibarai dorhurs goairjai, anarar hanasorthu za'goai, kiyourla hoailai, ayirai mineshai bishi da'rie giyoai thoai eiba boat'orowrai boaiyourai wapas giyoai.

³⁸ Kinthu zibarthu ha'ruff napark jinn bire goairjill eithai eibarai dorhurs ga'ri hoaithow ligegai anarai onorr fuwanthi loaizaw, ma'gor Isayai eitharai wapas zieboaila hoaiyai.

³⁹ Nizor ga'roth wapas auai badai, manush all orrai boaiyarn goairjai Allahthalayai thorla horndoaila ba'ra' hurm goairjai, eiba wapas auai yourai town orr agagurath hoaithow ligegai, Isayai eibarla hoain doaila ba'ra' hurm goairjai.

⁴⁰ Zaiwakthought Isa wapas aieyair, thoai manush eibar loai kushir sannathai milai, kiyourla hoailai boggon eibarai anthaizar garair.

⁴¹ Are daikaw, Yayiru num orr ougua manush ziba Ayibadoth hana'r sordar ireshil, aieyourai Isar tang'or guarth ouinth ouai fari yourai, eibarai dorhus goairjai annar garoth zie.

⁴² Kiyourla hoailai eibar akgula zorfuwa zibar farun zar zar auaiyai dai bara' ba'sor hanasai auaiyai. Zaiwakthought eiba zar, thoai manush all eibar dakai aie talie giyoai.

⁴³ Ayi timeouth Ougua mayafuwa bara' basor forn kunzari zar, are nizor forthi marl Doctor allorla horsa goairlai yow, hanikar harthorth arum nafar.

⁴⁴ Eibar fisai aieyourai eibar fushark orrai shouma diyai, ayiwakthought kunzari born auaigiyoai.

⁴⁵ Thoai Isayai hoaiyai eiba horn, zibayai annarai doairjai? Thoai boggon ayi inkar goairjai, Peter are eibar fuwinerja allayi hoaiyai, aie Ousthard! Bishi manush hannasai talie roaiyai, Are onor owrai foair giri foairjai.

⁴⁶ Ma'gor Isayai hoaiyai, anarai hanka doairjai, kiyourla hoailai annrthu zarna auaiyai, annrthu quwath “power” borkoth nailai.

⁴⁷ aiwakthought ayi mayafuwa eiba lukie thaki nafaribowdai yarn daikai, thoai eiba hafar shuru ga'ri holow newre yourai momika iresahi, tharfor manush allor monthu boaiyarn goairjai, aine kiyourla dornji are horndoaila aine orhorn arum fieyi.

⁴⁸ Isayai ebarai hoaiyai “Zorfuwa” thor Iman'ayi tha'rai barsie yourai arum goairjai'dai, shanthir sanathai'zaa.

⁴⁹ Eibayai ann huwarth aresaidai wakthought, Ayibadoth hanar' sordar orr garothu manush ougua naili aieyourai hoaiyai thor, zore fuwa mari giyoai, Ousthard orrai dook nadai.

⁵⁰ Isayai funiyourai eibarai juwarb diyai, nadarise, sirif bishsuch gorr, eiba arumauai barsi zieboai.

⁵¹ Garoth forn'si yourai Peter, Yahya, Yaqub are mayafuwar maa buff badai hoanika rai nizor fuwanthi butharai ziethow nadai.

⁵² Thoai eithara bogon eibarla hanadair, are guzarair ma'gor eibayai hoaiyai, nor hineda', eiba ma'ri na'zagoai, balkai goom zardai.

⁵³ Eithara eibar owrai hanashar shuru goairjai, kiyourla hoailai zarnaidai eibare mori giyoai.

⁵⁴ Ma'gor Isayai eibar harth orrai dari yourai hoaiyai, Aie mayafuwa outt.

⁵⁵ Thoai eibar fa'run areakbar ireshai, thoai ayiwakthought eiba ouaitai, thoai Isayai ha'qum diyai, maya fuwarai kisu hieborla da'.

⁵⁶ Eibar maa buff tharjub auaiyai, are eiabyai eithararai thahakik goairjai, ayi mamalar amzaira kiyourai na' hoaiyour hoai hoaiyai.