Lukás 10 - Rohingya

¹ Ayi hathar badai Isayai hoaithor duaizorn manush mukaror goairjai, are zai zai town are zagar allorth nizai bazai zowya ireshil ayirai, nizai ziebor aregai eithararai duaizorn duaizorn daie bandi difairieyai.

² Tharfor eibayai eitherai hoaithow ligegai, diebor darn bishi aresai, kinthu harmorla dai bishi horm, ayithorlabali doaila bash gari difairie borla zagar giros thu duwa garaw.

³ a'! Shiyarl allorr mazi sall orai mari diyai forn ga'ri Aine thuwanrarai difairie.

⁴ Nor tiynyar fushar bag loai zieba, nor fisthoaila, nor shanter, are nor rusthar mazai hanikarai Salam ga'riba.

⁵ Are zai ga'rorth ga'liba, foaila ha', ayi ga'roth salamorth oak.

⁶ Za'di ayirai hanika sharnthi slamoth orai forson goairlai, thoai thuwanrar di'yourdai salam orr borkorth eithar fiebow, are andoaila hanika nathakilai thuwanrar salam thuwanrar ouzu wapas aiebow.

⁷ Ayi ga'roth thaka, are zin eithara dai inn hieba are fiiyour, kiyourla hoailai irela all nizor muzurirr hakdar, goar'orai na'bairie your.

⁸ Are zai town orth ga'liba, ayiriyar munshai thuwanararai gasai “Kowbol” ga'ribow, thoai zaiksu thuwanarar monthu rakai inn hieba.

⁹ Are ayiriyar biyarimema rai arum ga'ra', are eithararai hor Allahthalar barshayi thuwanrar monthu aie fowanshai.

¹⁰ Kinthu zai town orth gali baa ayi zagar munshai thuwanrarai na'gasai “Kowbol” norgoairlai, ayiriyar rusthart zie yourrai ha'.

¹¹ Anara ayi doull orraiyow zinn thuwnarar town orthu anarar tang orth birejai, thuwanarar mounthu zaridirr, ma'gor yarn zarnilor, Allahthalar barshayi mounthu aie fowanshai.

¹² Aine thuwanararai hoair, ayi dinn Sodom town orr halorth, ayi town orr halorth orthuwaro bishi bordash ga'ribor layak auaibow.

¹³ Aie Chorazin town thor owari uffsouse! Aie Bethsaida thor owri uffsouse! Kiyourla hoailai zai mujaza thorowrai zarhair auaiyai, Za'di Tyre are Sidon Town orth zarhair auaithow, ayi town orlla moom mikka are fissa nazie yourai futhar horr orai findi yourai sieyourth boai yourrai thowbar goairthow.

¹⁴ Magor insurf orr dinnor mazai Tyre are Sidon orr halorth thor halorth orthuwaro bishi bordash garibor layak.

¹⁵ Yarbadai, Aie Capernaum, thuaiki usmun forjonth ounsallorth fown'siebi niki? Nor balkai tharai Jaharnum foirjonth fan'sie diya ziebow.

¹⁶ Zaithar thuwanarar inn'fuain, eithar anarin ow funai, are zaithar thuwanrarai inn nor manai, are zai anarai nor manai eithai anarai difairie yaidai eibarai yow nor manai.

¹⁷ Ayi hoaithor duaizorn kushi auai yourai wapas firi ireshai, are huwarshuru goairjai, Aie ousthard! Onorr num orr zoriya ha'ruff napark jinn ordow anararai manair.

¹⁸ Eibayai eithararai hoaiyai, Aine Shoaitharn orai bijilir doail usmun orthu failardai daikirr.

¹⁹ Daika, Aine thuwanrarai “akhthiyar” power diyi, ha'ruff, are bissu all orrai dali yourai are doshmorn allorr borl orrai dabie faraidai “akhthiyar” Quduroth “power” orrai Aine thuwararai diyi, are thuwanrathu hanorwakthought hanor shizor zaroroth noroak.

²⁰ Ha'ruff jinn ayi thuwan rarrai manair hoai kushi nor auiyour, Jannath orr mazai thuwanrar num orr list gaoil daiyarn orla kushi auaiyour hoai hoaiyai.

²¹ Ayi gondarth eiba Ruhul Quddus loai kushi loai barigiyoai, are hoaithow ligegai, Aie buff usmun areza'bin orr Allah! Aine thor shukuriya garir, kiyourla hoailai ayihatha allorai zarnaw yaa are arkalmorn allorthu lukie yours, are gura fuwine allor owrai Zahair goairjoss, auailai'yow Aei buff, kiyourla hoailai anndoaila yow thorthu forson ireshai.

²² Annar buff orr thorforthu forthi akkurn shiz anarai diyai, are buff badai fuwa horndaiyarn hawnikka nawzanai, are buff horndaiyarn fuwa badai hanika norzarnai, fuwa yai zarai “Zahair” kuli hoai thoai eiba badai hanika nazarnaibow.

²³ Thoai Shagririth allor ouzu auai yourai Huss hatha eithararai hoaiyai, zaithara ayi hathall daikai eitharar soog inn mubarak, zin thuwanra daika.

²⁴ Kiyourla hoailai Aine thuwanrarai hoair, baishabishi Na'bi all are barsha allayi sieyai, zaihatha thuwanra daikor, daika' ma'gor na'daika', are zai'hatha thuwanra fuaina ma'gor nafuna.

²⁵ Are daikaw ougua Shariyath orr Alam ouaitai yourai anhoai eibarai amthahurn goairjai, aie ousthard! Aine kigoairlai hamisha fana nadai zindigir mirusdar baniyom?

²⁶ Isayai eibarai hoaiyai, “Thorath” 'or shariyath mazai ki laika aresai? Thuai horndoaila foairjorss?

²⁷ Eibayai juwarb orr mazai hoaiyai, Allahthala nizor Allahthalarai nizor fura dill, nizor fura jaan, are nizor fura thakorth, are nizor fura arekorl loai muhaborth gorr, are nizor forisor allorai yow nizarai nizai muharborth ga'raidai ann'doaila muharborth gorr.

²⁸ Eibayai eibarai hoaiyai thuai tik juwarb diyours, inn goairlai thuai Hamishar zinda tharbi.

²⁹ Ma'gor eibayai nizarai sayi tarie borlabali, Isar thu fusargoairjai thoai anar forisor horn?

³⁰ Isayai juwarb orr mazi hoaiyai, ougua manush Jerusalem orthu Jerichor ouzu zar, thoai dahithe ayi giri failieyai, eithara eibar horr kuli loaiyai, are mire jaiyow, are areda ma'ra' g'ari failie giyoai.

³¹ Ougua Imam ayi rustha bie zar, thoai eibarai daiki yourai are akmikka firi yourai giyoai.

³² Anndoaila ougua Levite ayi zargarth ireshai, eithai yow eibarai daiki yourai are akmikka firi yourai giyouai.

³³ Kinthu ougua Samari musafiri ga'ri ga'ri, ayi'rai aie foashai. Eibarai daiki yourrai rahum goairjai.

³⁴ Are eibar dakai aieyourai eibayai douk fieyaidai inn orai thel are ungor'or rosh; difusi yourai horloai barndiyai, are nizor “januwar” Gada, orr owrai thuliyourai boding, orth fawn'sieyourai hadmorth goairjai.

³⁵ Dusara dinn, duwa dinari nailie yourai boding orr giross orai diyai, are hoaiyai eibar habor giri garibi, are zaikisu yarthuwaro bash ha'ross auailai, inn Aine areakbar aieyourai tharai wapas diyom.

³⁶ Ayi thin zorn allorr buthorthu zibarai dahithe ayi girjil, thor buzarth mazai hornua eibar forisor toairjai?

³⁷ Eibayai hoaiyai “zibayai eibarai rahmorth goairjai”. Isayai, eibarai hoaiyai zar thuaiyow anndoaila gorr.

³⁸ Zaiwakthought zargoai thoai eiba akurn “farath” gung orth goairlai, Martha num orr ougua mayafuwa yai eibarai nizor garoth mathie loaigiyai.

³⁹ 3Maryam numor ougua eibar boain aresai, eiba Isar tang orr dakai boaiyourai eibar kalam orai funair.

⁴⁰ Kinthu Martha hadmorth goairthai goairthai darie giyoai, thoai eibar hanasai aieyourai hoaithow ligegai, Aie Ousthard! Ki ornayi kiyarl norgara anar boain ayi hadmorth gariborla anarai gaga ayiridi rikekai? Thoai eibayai formayai anar madorth gorr.

⁴¹ sayai juwarb orr mazai eibarai hoaiyai, Martha! Martha! Thuai dai bishi shiz allorai bafar sinthar garos'ar.

⁴² Kinthu akkurn shiz zowruri, Maryam ayi, ayi goom barak basiyourai loaiyai, ziyarn hanika eibarthu hari loaizie nafaribow.