Lukás 1 - Rohingya

¹ Barkorth orla hazroth Tha'Filu Baishabishi Manush allayi anrar butharai auaidai harlorth inn allorai laikai.

² Ayi harlorthall inor sugai daikaidai gaba borni yourai Hazroth Isar babthai gom habor hoai dahoryar all orzaw riyar annrar forjonth fanw sieyai.

³ Aine dasai mamalar inn allorai shuruth lawthar gomgari diyan diiyi

⁴ ai hortar allorr thalim thuai foairjoss inn allorai thuai zani bii. Yahya auai bodai yarn'orr boaiyan

⁵ Yahud'ir barsha Herod orr timeorth, Abija goshtirthu Zakariya num orr ougua Imam ireshil, are bow daisai Haron orr nasal orthu, eibar num daisi Alizbeth aireshil.

⁶ Are eithar duni zorn dasai Allahthalar moonthu soaiyi ouzu, are Allahthalar forthi haqum ahkam allorai yow akarn barth nadi yourai mani yourai salithow.

⁷ Are eitharthu fuwine suwine nuwireshi, kiyourla hoailai Alizbeth dasai baza ireshil, are eithar duni zorn dasai bashow bishi auaigiyoai.

⁸ Zaiwakthought, eiba Allahthalar moonthu nizor dail mazin Imam'athir hurm orr zima ardar garair ra' anndoaila auaiyai,

⁹ Imamathir doasthor mazi, eibar numor lottery thuliyourai Allahthlar Bithul Muquddus orth zieyourai kushba barthi zalayai.

¹⁰ Are forthi manush allor jamath kushba barthir zalardai wakthought barai duwa garair.

¹¹ Thoai Allahthalar fa'rishtah kushba barthir maz'or dan dakorthu, aieyourai thiyie yourai eibarai daha diyai.

¹² Are zaiwakthought Zakariyah yai eibarai daiki tharfor darie giyoai, are daisai suhieya auaigiyoai.

¹³ “Ma'gor fa'rishtah yai eibarai hoaiyai Aie Zakariya! Nadarise, thor duwa'rai ‘fuainai’ kabul goairjai; are thorla bali thor bow Alizbeth ayi ougua Mowroth fuwa auaibow, thuai eibar num ‘Yahya’ John hoai rakibi.”

¹⁴ Are thuai dasai bishi kushi auaibi, are baishabishi manush allow eiba poaida auaibowdai yarnor zoriya kushi auaibow.

¹⁵ Kiyourla hoailai eiba Allathalar moonthu buzorga auaibow, are hornaw wakthought ungor'or rosh wine aresha'ruff nahiebow. Are nizor mar, fatorthu thie thai Ruhul Quddus, loai bari thakibow.

¹⁶ Are eibayai baishabishi Israel allorai Allahthalar tharof eitharar Allahthlar owzu firie dibow.

¹⁷ Are eibadasai Eliyas orr Ruhr are quwath orr mazai eibar aregai aregai salibow, buff allorai fuwine dor owzi, are naharmarn allorai ouzu rasthar ouzu rastha mazin salibor tharof firie dibow, are Allahthlar'la ougra koam thoaiyar garibow.

¹⁸ Zakariya yai fa'rishtah rai hoaiyai Aine ayi hatharai kangari zani yoom? Kiyourla ba'li hoailai aineyow bura, are anarr bowyo bura.

¹⁹ Fa'rishtah yai juwab orr mazai eibarai hoaiyai, Aine Jibrail, Zibarthu Allahthalar moonthu hazair thaka farai, are thorloai ha'thar hoaiborla are ayi ha'thar allorr hoosha'bor hoaiborla anarai difairieyai.

²⁰ Foon! Thuai anar hatharai bishuch nagaros daiyarn orrla zoriya, ain doaila alamorth auai aieyai foaijonth bookauai thakibi, kiyourlabali hoailai time furielai anar hawtha fura auai aiebow.

²¹ Are Manush allai Zakariyar saoin gawri boai thaikekai, are inn daiki tharjub auaiyai kiyourlabali hoailai eba Bithul Muquddus'or butharai dairi auai gii yoai.

²² aiwakthought eiba barai ireshai thoai eiba eitharar laoai mathi nafarai, thaoi eithara orth fieyai Bithul Muquddus'or butharai wahi aireshaidai yarn, are eibar mathi nafaronorr zoriya arth tang lariyourai eishara gararth ireshil.

²³ Thoai eibar hadmor dinn furie zornorr zawriya eiba nizor garoth wapas giyoai

²⁴ ayi dinn allorr badai eibar bow Alizbeth orrthu hamal auaiyai, are eiba farn's marsh forn gawror butharai aishil.

²⁵ Zaiwakthought Allahthalayai annra bornie ga'raidai manush allorthu durai gariborla bali anar owzu nazor diyai, ayidinn orlorth eibaryai anarla bawli andoaila goairjai.

²⁶ Elisbath'orr hamal samarch orth foanshaidai wakthought, Allahthalar fa'rishtah Jibrail orai Galilee ayilakar Nazareth Town orr jawarn mayafuwa ogguar hansai difairieyai

²⁷ ayi mayafuwa eibadasai Dawod badshar nasal orthu aireshaidai Yusuf hoai rikekaidai eibar loai zura gantha gari rikekai. Eibar nam Maryam.

²⁸ Are Farishthar dasai Maryam'orr hansai aieyourai salam alikum hoai slam diyai, thor owari zibar worai fazal auaiyai! Allahthala thor fuwanthi aresai.

²⁹ Eibayi ayi arebas funiyourai bishi darie giyoai, are bafar shuru ligegai eiba hondoaila Slam

³⁰ Fa'rishtah yai eibarai hoaiyai aie Maryam! Nadarise, kiyourla hoialai Allahthalar moonthu thuai mook fieyours

³¹ Arerow dak thuai hamal orrla auai yourai mowroth fuwa biyiebi, are fuwar num Isa hoai rakis

³² eiba buzurgaw auai boo, arerow Allahthalar fuwa hoai mathiebow, arerow Allahthalayai eibarai ebar buff Dawod orr thohthaw'rai dibow

³³ eibayai Yaqub orr nasal allorai lagathar haqumorth garibow, are eibar barshayi hathom noaibow.

³⁴ Yarbadi Maryam ayi fa'rishtah rai hoaiyai, andoaila anrthu fuwa kanga'ri auaibow? Are aine dasai ougua juwarn mayarfuwa!

³⁵ Fa'rishtah yai juwab'orr mazai eibarai hoai low, Ruhul Quddus thorowari nazal auaibow, Allahthalar Quduroth ayi tharai giri loaibow, Ayithorlabali, thuai biyie bidai fuwa eibadasai Park suff' Muqudus hoaibow, Are Allahthalar fuawa hoai yoo mathiebow

³⁶ Are dak! Thor aigana Alizbeth O' bura auaidai wakthought fuwa fatorth auaiyai, Baza hoai marthadai eibayow hamal auai yourai samarsh orrth foainshai

³⁷ Kiyourla hoailai Allahthala gari nafaraidai ann kisunie.

³⁸ Maryam ayi hoaiyai, aine Allahthalar bonda' gularm, thuain zanhorr andoaila anrthu oak hoai fa'rishtah rai wapas hoaiyai, Yarbadai farishtha Maryam orrthu wapas auailow.

³⁹ Ayi dinn orr butharai Maryam jalthi thawyari gariyourai fari ayilakar Yahudar Town akarn'orr ouzu giyai

⁴⁰ Eiba Zakariyar garorth galai yourai Alizbeth orai Slam diyai.

⁴¹ Maryam orr Slam, orai funiyourai Elisbath orr faitorr butharor fuwa falldie woriti low; Alizbeth Ruhul Quddus loai bawrie yaa.

⁴² Thuain dasai haryak mayafuwine allorthu waroo Mubarak bargitha, thunwar faitorth asaidai fuwayow Mubarak' bargitha.

⁴³ Kiyourla anar worai ayi fazal auailow, Anar hudar' maa annr hansai aie low.

⁴⁴ Thunwar slam orai funiyourai, annr fator butharor fuwa kushi auai yourai falldieyai

⁴⁵ Thuaiyow Mubarak' bargitha, Allahthala hoaidai inn allorai Iman' bishush goairjaw hoai donorr arbus loai hoaiyai.

⁴⁶ Maryam ayi Hoaiyai, Annar farun ayi Allahthalar Shukuriyar' tharif garai.

⁴⁷ re anarai barsa'dai Allahthalar owria anarai Ruh' ballfie kushi auaiyi.

⁴⁸ iyourla bawli hoailai Eibayai Nizor bornda all dill shanwraw garaidai yarnorai kiyarl gawrai, Arerow saw awhorn orthu shuru gari haryaik zamanar manush allayi Ananrai Mubarak bargitha bawli hoaibow.

⁴⁹ Kiyourla ba'li hoailai ayi kuduroth ayi anaarla bawli donr donr humall goairjai, Are Eibar num park sarf.

⁵⁰ Are eibar rahum Omanush allor owrai thakibow, Zaiathara eibarai nasala nasali dawra are izorth garibow,

⁵¹ Ebar yai nizor harthor zurr darhiebow Are zibar yai nizarai donnr buzai eibarai sarhar nahar ga'ribow.

⁵² Eibaryai Ahtiyar orla allorai seat orthu failiebow, Garib allorai Aretha garibow.

⁵³ Eibayai Buka allorai gom harnar allorai habie yourrai, Dowlorth orlla allorai harli harthayi dunrie bow.

⁵⁴ Eibayai anarar Buf dada allorai diyaidai wada mazin, Nizor gulam Israel allorai mordorth goairjai,

⁵⁵ Zin Ebrahim are ebar nasalorr orai orhorn foaijonth tharki giyoai, Zain doaila eibayai anarar buf dada rai hoail.

⁵⁶ Tharfor Maryam thin march forn Elisbathor fuwanthi thakiyourai nizor gawroth wapes giyoai.

⁵⁷ Tharfor Elisbath' orthu fuwa auaibor time furie yairaa, thoai Alizbeth ayi fuwar biyieyai.

⁵⁸ Arerow eibar garor dakor manush all are ayigana allayi yarn funiyourai Allahthalar yai eibarai donr rahmorth goairjai, eibar fuwanthi kushi auaiyai.

⁵⁹ Tharfor anshtaw din badai eithara fuwarrai Soonath gawrie borla aishshai, are eibar num eibar buffor orai Zakariya hoai rikekai.

⁶⁰ Magor eibar maryai hoaiyai noai, ballkai eibar num Yahya hoai raka giyai.

⁶¹ Eithara eibarai hoaiyai thuwanr hundurn orrth hawnika Yahya hoai numor naie

⁶² harfor eithara fuwar num hoain doaila raki boai hoai, harth are tang lari your eishara gari buff orthu fusargoairjai?

⁶³ Eibayai silit akun magi loai yourrai fuwar num Yahya hoai laikai, eithara bogon tharjub auaigiyoai.

⁶⁴ Ayiwakthought hathard mazai Zakariah'r mook are zubarn wapas kuliaie yourai, Eibayai hatha hoaiyai, are Allahthalar shukuriyar goairthow lagai.

⁶⁵ Are eibar us passor manush all dawrie giyoai, are Yahudir forthi farorr ayilakar mazai ayi mamailar habor foligiyoai.

⁶⁶ Tharfor forthi funawyar allayi eitharar dil buthawrai bafi yourrai horr, thoai ayifuwa eiba hoain doaila auaibow? Kiyourla ba'li hoailai Allahthalar harth fuwa eibar orai.

⁶⁷ Are eibar buff Zakariya dasai Ruhul Quddus loai bawri yourai, tharfor Nabuwath loai hathahuwar shuru goairlow.

⁶⁸ Israel allor huda, Allahthalar shukuriya gara, Kiyourla ba'li hoailai eibayai nizor manush allor owrai thawraju diyourai eithararai basieyai.

⁶⁹ Arr nizor bornda hadam Dawod orr nasalorr Mazai anarla barsa'yar nailai.

⁷⁰ Zandoaila eibayai nizor park Na'bi allor zuburn loai hoaiyai, zin duniyar shuruth lawtha auai aieyaire.

⁷¹ Zandoaila anararai anrar doshmon allorr harthorthu, Are kaina rakayar allor harthorthu barsieyai.

⁷² Are anrar buff dada allor orai raham gawrai, Are nizor park wadarai manorth garai.

⁷³ Are Okasam orai eibayai anrar buff Ebrahim loai wada goairjill.

⁷⁴ Are eibayai anararai yarn bosh shish dibo, Nizor dushmon allor harthorthu barsie bow.

⁷⁵ Eibar monthu anara park suff are ozugiriloai dor sara ayibadorth gawri.

⁷⁶ Arerow ayi fuwa tharai Huda thalar na'bi hoai mathiebow, Kiyourlabali hoailai thuai dasai Allahthala rastharai thoaiyar gawri borlaa eibar argai argai ziebi.

⁷⁷ Nizor umorth allor gunah marf garibow Are barsie'bowdai yarn hoaibow.

⁷⁸ Anarar Allahthalar Rahum karam loai barie yaa, Eibayai basaya rai Jannath Usmunl orr orthu bail orr fororr doail anarar owrothu fororr for'nsiedi dibow.

⁷⁹ Balkai eibarai ziba anndar are morth orr sabarth mazai boaish shai eithararai forr dibow, Tharfor anararai shanthir rasthar ozu forn'sie dali bow, Wahi mazin hoaiyai.

⁸⁰ Fuwa, donor auai yourai daimug orla auai ireshaim, Thai dasai Israel allor Zahair noaithai jangle'orth thakithow.