གསུང་གླུ 8 - Tibetan Old Testament 2011

¹ ང་ཡི་མ་ཡི་ཁྱོད་ལ་ནུ་མ་སྟེར། འཚོ་སྐྱོང་གྱིས་པའི་ཁྱོད་དང་ང་གཉིས་ནི། སྤུན་ཞིག་ཡིན་པ་ཡིན་ན་ཅི་མ་རུང་། ཁྱོད་དང་ང་གཉིས་རྒྱ་ལམ་དུ་འཕྲད་སྐབས། གལ་སྲིད་ང་ཡི་ཁྱོད་ལ་ཁ་སྐྱེལ་ན། གཞན་གྱི་དེ་ལ་དོ་སྣང་མི་བྱེད་དོ།

² ང་ཡི་ཨ་མའི་ཁང་པར་ཁྱོད་འཁྲིད་ཡོང། ཁྱོད་ཀྱི་ང་ལ་དེ་རུ་བརྩེ་བ་བྱེད་སླབ་ཐུབ་ཡོང། སྨན་ན་རྒྱབ་པའི་རྒུན་ཆང་དང་སེ་འབྲུའི་ཆང་། ང་ཡིས་ཁྱོད་ལ་འཐུང་བའི་ཆེད་དུ་བྱིན།

³ ཁྱེད་ཀྱི་ཕྱག་གཡོན་ང་ཡི་མགོའི་འོག་ཡོད། ཕྱག་གཡས་ང་ལ་བརྩེ་བས་ཞུ་ཞུ་བྱེད།

⁴ ང་ཚོའི་བརྩེ་བར་བར་ཆད་མི་བྱེད་ཅིང་། ཡེ་རུ་ཤ་ལེམ་བུད་མེད་དམ་བཅའ་བྱོས།

གསུང་གླུ་དྲུག་པ། བུད་མེད་རྣམས།

⁵ རང་གི་བརྩེ་ལྡན་ལ་ལག་པ་བཏང་ནས། བྱེ་ཐང་ནང་ནས་ཡོང་བཞིན་ཡོད་པ་དེ་ནི་སུ་རེད་དམ། ཁྱོད་ཉིད་སྐྱེས་སའི་ས་ཁུལ་གྱི་ནང་དུ། ཀུ་ཤུའི་སྡོང་འོག་ང་ཡིས་ཁྱོད་གཉིས་སད།

བུད་མེད།

⁶ ང་རང་མ་གཏོགས་གཞན་གྱི་བརྩེ་བ་ལ། ཚང་མར་ཁྱེད་ཀྱི་སེམས་ཀྱི་སྒོ་རྒྱོབ་ཅིག། ང་རང་མ་གཏོགས་གཞན་ལ་ལག་མ་འཐམས། བརྩེ་བ་འཆི་བ་ལྟར་སྟོབས་ཤུགས་ལྡན། འདོད་ཆགས་འཆི་བ་ལྟར་ནུས་སྟོབས་ཆེ། དེ་མེ་ལྕེ་ལྟར་འབར། ཁྲོ་བའི་མེ་ལྟར་འཚིག།

⁷ ཆུ་ཡིས་ཀྱང་ནི་དེ་ལ་གསོད་མི་ཐུབ། ཆུ་ལོག་གིས་ཀྱང་དེ་ལ་ནུབ་མི་ནུས། འོན་ཀྱང་ནོར་གྱིས་བརྩེ་བ་ཉོ་ཐབས་གྱིས་ན། དེ་ལ་དམའ་འབེབས་གཅིག་པུ་ཐོབ་པར་འགྱུར།

བུད་མེད་ཀྱི་སྤུན་ཚོ།

⁸ ང་ཚོ་ལ་གཅུང་མོ་ཡོད་པའི་ནུ་མ་ཆུང་། ན་གཞོན་གཉེན་སྒྲིགས་ཡོང་སྐབས་ཅི་བྱེད་དམ།

⁹ གལ་ཏེ་མོ་ནི་ལྕགས་རི་ཞིག་ཡིན་པ་ཡིན་ན། ང་ཚོས་མོ་ལ་དངུལ་གྱི་ལྕོག་མཁར་བཟོ། འོན་ཀྱང་གལ་སྲིད་མོ་ནི་རྒྱལ་སྒོ་ཞིག་ཡིན་པ་ཡིན་ན། ང་ཚོས་མོ་ལ་འགྱམ་ཤིང་སྤང་ལེབ་ཀྱིས། བཙན་པོར་བཟོས་ནས་སྲུང་སྐྱོབ་བྱེད་པར་འགྱུར།

བུད་མེད།

¹⁰ ང་ནི་ལྕགས་རི་ཞིག་ཡིན་པ་དང་། ང་ཡི་ནུ་མ་རྣམས་ནི་དེའི་ལྕོག་མཁར་རྣམས། ང་ལ་ཁོ་མཉམ་སྙིང་ཚིམ་པ་དང་། ཞི་བདེ་ཡོང་བ་ང་ཡི་བརྩེ་ལྡན་གྱིས་ཤེས་སོ།

སྐྱེས་པ།

¹¹ བྷལ་ཧ་མོན་ཞེས་པའི་ས་གནས་སུ། སོ་ལོ་མོན་ལ་རྒུན་ཚལ་ཞིག་ཡོད་དོ། དེ་ནི་ཁོང་ནས་གཡར་མཁན་ཞིང་པ་རེས། དངུལ་གྱི་ཊམ་ཀ་ཆིག་སྟོང་རེ་སྤྲོད་དོ།

¹² སོ་ལོ་མོན་གྱིས་ནི་ཊམ་ཀ་ཆིག་སྟོང་འཁྱེར་བཅུག། ཞིང་པ་རང་གི་སྐལ་བ་ཉིས་བརྒྱ་དེས། ང་ལ་ནི་རང་གི་རྒུན་ཚལ་ཞིག་ཡོད་དོ།

¹³ ང་ཡི་བརྩེ་ལྡན་ཁྱོད་ཀྱི་སྐད་དེ་ལྡུམ་ར་ནས་ང་ལ་ཐོས་འཇུག། ཁྱོད་སྐད་ཉན་པའི་ཆེད་ང་ཡི་རོགས་པ་ཚོ་ནི་སྒུག་ནས་ཡོད།

བུད་མེད།

¹⁴ ང་ཡི་བརྩེ་ལྡན་ཁྱོད་ནི་སྨན་སྣ་སྐྱེས་པའི་རིར། གནའ་བ་ཤ་གཞོན་ལྟ་བུར་ངའི་རྩར་ཤོག།