གསུང་མགུར 6 - Tibetan Old Testament 2011

དཀའ་ངལ་དུས་སུ་སྐྱབས་གྲོགས་ཞུ་བའི་སྨོན་ལན།

¹ གཙོ་བོ་དཀོན་མཆོག་ཁྱེད་ཀྱི་ཐུགས་ཁྲོའི་ནང་། ཉིད་ཀྱིས་ང་ལ་བཀའ་བཀྱོན་མ་གནང་ཞིག། ཉིད་ཀྱི་ཐུགས་ཁྲོའི་ངང་དུ་ང་ལ་ནི། ཉེས་ཆད་གནང་བར་མ་མཛད་ཅིག།

² ང་ནི་ཉམ་ཞིང་ཡིད་ཐང་ཆད་པས་ན། ཀྱེ་གཙོ་བོ་དཀོན་མཆོག་ང་ལ་ཐུགས་རྗེས་གཟིགས། ང་ཡི་ལུས་སྟོབས་ཡོངས་སུ་ཉམ་པས་ན། ཁྱེད་ཀྱིས་ང་ལ་སྟོབས་ཤུགས་གནང་བར་མཛོད།

³ ང་ཡི་ལུས་སྲོག་དཀའ་ངལ་ནང་དུ་ཚུད། ཀྱེ་གཙོ་བོ་དཀོན་མཆོག་ཁྱོད་ཉིས་ཀྱིས། ག་དུས་བར་དུ་ང་ལ་རོགས་བྱེད་པར་གོར་རམ།

⁴ གཙོ་བོ་དཀོན་མཆོག་ཕེབས་ནས་ང་ལ་སྐྱོབ་པར་མཛོད། ཁྱེད་ཀྱི་སྙིང་རྗེའི་གཟིགས་པ་ཆེན་པོ་ཡིས། ང་ལ་འཆི་བ་ལས་ནི་སྐྱབས་པར་མཛོད།

⁵ འཆི་བའི་ཡུལ་ནང་ནས་སུས་ཀྱང་ཁྱེད་མི་དྲན། གནས་དེར་སུས་ཀྱང་ཁྱེད་ལ་བསྟོད་མི་ཐུབ།

⁶ མྱ་ངན་དབང་གིས་ང་ནི་ཡིད་ཐང་ཆད། མཚན་མོ་རེ་བཞིན་ང་ཡི་མལ་ཆས་ནི། ང་ཡི་མིག་ཆུས་ཡོངས་སུ་འབང་བར་བྱས། དེ་བཞིན་ང་ཡི་སྔས་འབོལ་མིག་ཆུས་སྦང་།

⁷ ང་ནི་མིག་མཐོང་མི་ཐུབ། ང་ཡི་དགྲ་བོས་རྐྱེན་ངུས་པ་ཡིན་ཙང། ང་ཡི་མིག་ནི་སྐྲངས།

⁸ མི་ངན་ཁྱོད་ཚོ་ང་ནས་ཕར་སོང་ཞིག། གཙོ་བོ་དཀོན་མཆོག་གིས་ནི་ང་ཡི་ངུ་འབོད་གསན་པས་མཛོད།

⁹ ང་ཡིས་སྐྱབས་གྲོགས་ཞུས་པའི་ངུ་འབོད་ལ། ཁོང་གིས་གསན་གནང་མཛད་དེ་བཀའ་ལན་གནང་།

¹⁰ ང་ཡི་དགྲ་བོར་ཕམ་གུད་བྱུང་བར་བརྟེན། དེ་ཚོ་ངོ་ཚ་དགོས་པའི་གནས་སུ་ཚུད། གློ་བུར་དུ་མགོ་འཐོམ་པའི་ངང་དེ་ཚོར་མཐར་སྐྲོད་མཛད་པར་འགྱུར༎