གསུང་མགུར 23 - Tibetan Old Testament 2011

གཙོ་བོ་དཀོན་མཆོག་ང་ཚོའི་རྫི་བོ།

¹ གཙོ་བོ་དཀོན་མཆོག་ང་ཡི་རྫི་བོ་ཡིན། ང་ལ་དགོས་མཁོ་ཆ་ཚང་ཡོད།

² ཉིད་ཀྱིས་རྩྭ་ཁ་བཟང་པོའི་སྤང་ཐང་དུ། ང་ལ་ངལ་གསོ་བྱེད་དུ་འཇུག་པར་མཛད། ཆུ་གཙང་ལྡན་པ་རྫིང་བུ་ཁུ་སིམ་པོའི་གནས་སུ། ཁོང་གིས་ང་ལ་དབུ་འཁྲིད་མཛད་གནང་ངོ།

³ ཁོང་གིས་ང་ལ་སྟོབས་ཤུགས་གསར་པ་གནང་། ཇི་ལྟར་ཉིད་ཀྱིས་ཞལ་བཞེས་གནང་བ་བཞིན། འགྲུལ་ལམ་དྲང་པོར་ང་ལ་འཁྲིད་པར་མཛད།

⁴ མུན་ནག་སྡུག་པོའི་ནང་དུ་འགྲུལ་དགོས་ཀྱང་། གཙོ་བོ་དཀོན་མཆོག་ང་ནི་མི་འཇིགས་སོ། གང་ལ་ཟེར་ན་ཁྱེད་ནི་ང་དང་མཉམ་དུ་ཡོད། ཉིད་ཀྱི་རྫི་བོ་འཁར་དང་དབྱུག་པས་ང་ལ་སྲུང་སྐྱོབ་མཛད།

⁵ ང་ཡི་དགྲ་བོ་རྣམས་ཀྱི་མིག་ངོ་རུ། ཁྱེད་ཀྱིས་ངའི་དོན་མགྲོན་བཤམས་མཛད། ང་ལ་སྐུ་མགྲོན་བཞིན་དུ་བསུ་བར་མཛད། ང་ཡི་ཕོར་པ་ཁ་ནས་མ་ལུད་བར། ལྟེམ་མེར་གང་བར་མཛད་པ་གནང་།

⁶ ཁྱེད་ཀྱི་བཟང་བ་ཉིད་དང་བྱམས་པ་དེ། ཚེ་གང་ང་མཉམ་གནས་པ་ང་ཡི་ཤེས། ཁྱེད་ཀྱི་བཞུགས་གནས་དེ་ཚེ་གང་ང་ཡི་སྡོད་གནས་ཤིག་ཏུ་འགྱུར༎