གསུང་མགུར 149 - Tibetan Old Testament 2011

བསྟོད་པའི་མགུར་མ།

¹ གཙོ་བོ་དཀོན་མཆོག་ལ་ནི་བསྟོད་ཅིང་བསྔོགས་པར་གྱིས། གཙོ་བོ་དཀོན་མཆོག་ལ་མགུར་མ་གསར་པ་ཞིག་ལེན་ཞིག། ཁོང་གི་དམ་ཚིག་ལྡན་པའི་མི་འབངས་ཀྱི་ཚོགས་ནང་ཁོང་ལ་བསྟོད་བསྔོགས་ཤིག།

² ཨིསི་རཱཨེལ་རང་གི་བཀོད་པ་པོའི་ཕྱིར་དགའ་བར་བྱོས། ཛི་ཡོན་པ་ཚོ་ཁྱོད་ཀྱི་རྒྱལ་པོའི་ཕྱིར་དུ་དགའ་སྤྲོ་གྱིས།

³ ཞབས་བྲོ་ཁྲབ་ཅིང་ཁོང་གི་མཚན་ལ་བསྟོད་བསྔོགས་ཤིག། རྔ་དང་པི་ཝང་རྣམས་གཏོང་བཞིན་ཁོང་ལ་བསྟོད་བསྔོགས་ཤིག།

⁴ གཙོ་བོ་དཀོན་མཆོག་ཁོང་གིས་རང་གི་མི་འབངས་ཚོར་མཉེས་པོ་གནང་བ་དང་། ཁོང་གིས་ཉམ་ཆུང་རྣམས་ལ་རྒྱལ་ཁ་གནང་ནས་གུས་ཞབས་གནང་།

⁵ དཀོན་མཆོག་ཁོང་གི་མི་འབངས་རྒྱལ་བར་དགའ་བ་དང་། དགའ་བའི་སྒོ་ནས་མཚན་གང་མགུར་མ་ལེན་བཅུག་ཅིག།

⁶ དཀོན་མཆོག་ལ་བསྟོད་སྐབས་དེ་ཚོས་སྐད་ཤུགས་རྒྱབ་པར་ཤོག། དེ་ཚོའི་ལག་ཏུ་རྣོ་བའི་རལ་གྲི་རྣམས་འཁུར་ནས།

⁷ མི་རིགས་ཚོར་ཕམ་པར་ཤོག། མི་ཚོར་ཉེས་ཆད་གཏོང་བར་ཤོག།

⁸ དེ་ཚོའི་རྒྱལ་པོར་ལྕགས་སྒྲོག་གིས་ནི་བསྡམས་པར་ཤོག། དེ་ཚོའི་འགོ་བྱེད་ཚོར་ལྕགས་སྒྲོག་གིས་ནི་བསྡམས་པར་ཤོག།

⁹ དཀོན་མཆོག་ཁོང་གི་བཀའ་བཞིན་མི་རིགས་ཚོར་ཉེས་ཆད་གཏོང་བར་ཤོག། འདི་ནི་དཀོན་མཆོག་ཁོང་གི་མི་འབངས་ཀྱི་རྒྱལ་ཁ་ཡིན། གཙོ་བོ་དཀོན་མཆོག་ཁོང་ལ་བསྟོད་ཅིང་བསྔོགས་པར་གྱིས༎