གསུང་མགུར 146 - Tibetan Old Testament 2011

སྐྱབས་མགོན་དཀོན་མཆོག་ལ་བསྟོད་པ།

¹ གཙོ་བོ་དཀོན་མཆོག་ཁོང་ལ་བསྟོད་པར་གྱིས་ཤིག། ང་ཡི་སྲོག་གཙོ་བོ་དཀོན་མཆོག་ལ་བསྟོད་ཅིག།

² ང་ནི་གསོན་རིང་ཁོང་ལ་བསྟོད་རྒྱུ་ཡིན། ང་ནི་ཚེ་གང་དཀོན་མཆོག་ཁོང་ལ་མགུར་མ་ལེན་རྒྱུ་ཡིན།

³ མི་ཡི་འགོ་བྱེད་རྣམས་ལ་བློ་གཏད་མ་བྱེད་ཅིག། མི་རྟག་པ་མིས་ཁྱོད་ལ་སྐྱབས་མི་ཐུབ།

⁴ དེ་ཚོ་འཆི་དུས་ཐལ་བའི་ནང་དུ་ཕྱིར་ལོག་པ་དང་། དེ་ཉིན་དེ་ཚོའི་འཆར་གཞི་ཡོངས་སུ་མེད་པར་འགྲོ།

⁵ ཡ་ཀོབ་དཀོན་མཆོག་ཁོང་ནས་སྐྱབས་རོགས་ཐོབ་མཁན་ཚོ་དང། གཙོ་བོ་དཀོན་མཆོག་དེ་ཚོའི་དཀོན་མཆོག་ལ་བློ་གཏད་བྱེད་མཁན་བདེའོ།

⁶ མཐོ་རིས་ས་གཞི་རྒྱ་མཚོ་དང་ནི་དེའི་ནང་ཡོད་པ་ཐམས་ཅད། བཀོད་པར་མཛད་མཁན་དེ་ནི་དཀོན་མཆོག་ཁོང་རང་ཡིན། ཁོང་གིས་རྒྱུན་དུ་དམ་བཅའ་ཆ་ཚང་སྒྲུབ།

⁷ མནར་པ་རྣམས་ཀྱི་ཚབ་ཏུ་ཁོང་གིས་ཁྲིམས་གཅོད་མཛད་པ་དང་། ལྟོགས་པ་རྣམས་ལ་ཁོང་གིས་ཁ་ཟས་གནང་། གཙོ་བོ་དཀོན་མཆོག་གིས་བརྩོན་པ་རྣམས་ལ་རང་དབང་དུ་གཏོང་བ་དང།

⁸ ལོང་བ་ལ་མིག་གནང་ཞིང་། འགྱེལ་བ་རྣམས་ཁོང་གིས་བསླང་བ་དང། ཁོང་གིས་རང་གི་དྲང་བདེན་གྱི་མི་ཚོར་བྱམས་པར་མཛད།

⁹ ཁོང་གིས་ཡུལ་དུ་གནས་པའི་ཕྱི་པ་རྣམས་ལ་སྲུང་། དྭ་ཕྲུག་མོ་ཧྲེལ་མ་ཚོར་ཁོང་གིས་མགོན་སྐྱབས་གནང་། འོན་ཀྱང་ངན་པའི་བྱུས་ལ་དོན་མེད་བཟོས་བར་འགྱུར།

¹⁰ གཙོ་བོ་དཀོན་མཆོག་ནི་དུས་རྒྱུན་གྱི་ཆེད་དུ་རྒྱལ་པོ་ཡིན། ཀྱེ་ཛི་ཡོན་ཁྱོད་ཀྱི་དཀོན་མཆོག་དུས་རྒྱུན་ཕྱིར་རྒྱལ་སྲིད་སྐྱོང་། གཙོ་བོ་དཀོན་མཆོག་ལ་བསྟོད་བསྔོགས་ཤིག།