གསུང་མགུར 144 - Tibetan Old Testament 2011

རྒྱལ་པོས་རྒྱལ་ཁའི་ཆེད་དུ་དཀོན་མཆོག་ལ་གཏང་རག་འབུལ་བ།

¹ ང་ཡི་སྲུང་སྐྱོབ་གཙོ་བོ་དཀོན་མཆོག་ཁོང་ལ་བསྟོད་བསྔོགས་ཤིག། ཁོང་གིས་ང་ལ་འཐབ་ཕྱིར་སློབ་སྦྱོངས་སྤྲད་པ་དང་། དམག་གི་ཕྱིར་དུ་ང་ལ་གྲ་སྒྲིགས་བཟོས་གནང་ངོ་།

² ཁོང་ནི་ང་ལ་སྲུང་ཞིང་སྐྱོབ་པ་གནང་མཁན་ཡིན། ཁོང་ནི་ང་ཡི་སྐྱབས་གནས་དང་ནི་སྐྱབས་མགོན་ཡིན། བརྟན་ཆའི་ཕྱིར་ཁོང་ལ་བློ་གཏད་བྱེད་ཀྱིས་ཡོད། ཁོང་གིས་མི་རིགས་ཚོར་འདུལ་གནང་ནས་དེ་དག་ང་ཡི་དབང་འོག་གནང་བ་ཡིན།

³ གཙོ་བོ་དཀོན་མཆོག་མི་རྟག་པའི་མི་ཚོ་ནི་ཇི་ཡིན་ཁྱེད་ཀྱིས་དེ་ཚོར་དོ་སྣང་གནང་ངམ། མི་རྟག་པའི་མི་ཚོར་ཅིའི་ཕྱིར་ཐུགས་བསམ་བཞེས་ཀྱི་ཡོད་དམ།

⁴ དེ་ཚོ་ནི་དབུགས་སྦར་བ་གང་དང་འདྲ་བ་ཡོད། དེ་ཚོའི་ཉིན་རྣམས་ཡོལ་བའི་གྲིབ་ནག་བཞིན་དུ་ཡོད།

⁵ ནམ་མཁའ་ཧྲལ་ནས་ཁྱེད་མར་ཕེབས་ཤིག་ཀྱེ་གཙོ་བོ་དཀོན་མཆོག། རི་བོ་རྣམས་ལ་འཆང་ཤིག་དང་དེ་ལས་དུ་བ་ཐོན།

⁶ གློག་འཁྱུག་བཏང་ནས་རང་གི་དགྲ་རྣམས་ཐོར་རུ་བཅུག། ཕྱག་མདའ་རྒྱབ་ནས་དེ་ཚོ་དེད་པར་མཛད་དུ་གསོལ།

⁷ མཐོ་སར་ནས་ཁྱེད་ཀྱིས་ཕྱག་མར་སྙོབ་རོགས་གནང་། ང་ལ་གཏིང་རིང་ཆུ་ལས་འཐེན་ནས་བཏོན་པར་མཛོད། ཕྱི་རྒྱལ་པ་ཚོས་སྟོབས་ལས་ང་ལ་སྐྱོབ་པར་མཛོད།

⁸ དེ་ཚོས་ནམ་ཡང་དྲང་གཏམ་མ་བཤད་ཅིང་། དེ་ཚོས་མནའ་སྐྱེལ་ཡང་རྫུན་གཏམ་བཤད།

⁹ ཀྱེ་དཀོན་མཆོག་ང་ནི་ཁྱེད་ལ་མགུར་མ་གསར་པ་འབུལ་གྱི་ཡིན། ང་ནི་པི་ཝང་བཏང་ནས་ཁྱེད་ལ་མགུར་མ་འབུལ་གྱི་ཡིན།

¹⁰ ཁྱེད་ཀྱིས་རྒྱལ་པོ་རྣམས་ལ་རྒྱལ་ཁ་གནང་ཞིང་། རང་གི་བྲན་གཡོག་དཱ་བིད་ལ་ནི་སྐྱོབས་གནང་ངོ།

¹¹ ང་ཡི་སྡུག་ཙུབ་ཅན་གྱི་དགྲ་བོ་རྣམས་ནས་ང་སྐྱོབ་ཅིག། དྲང་ཏམ་མི་ཤོད་མཁན་དང་མནའ་སྐྱེལ་ཡང་རྫུན་གཏམ་ཤོད་མཁན་གྱི། ཕྱི་རྒྱལ་པ་ཚོའི་སྟོབས་ལས་ང་ལ་སྐྱོབ་པར་མཛོད།

¹² ང་ཚོའི་བུ་ཕྲུག་རྣམས་ནི་གཞོན་དུས། བརྟན་པོར་སྐྱེས་པའི་རྩི་ཤིང་འདྲ་བ་བྱུང་ཤོག། ཕོ་བྲང་གི་ཟུར་དུ་མཛེས་པའི་བཀོད་རྒྱན་གྱིས། ཀ་བ་འདྲ་བ་ང་ཚོའི་བུ་མོ་རྣམས་བྱུང་ཤོག།

¹³ ང་ཚོའི་འབྲུ་ཁང་དུ་སྟོན་ཐོག་འདྲ་མིན་གང་བར་ཤོག། ང་ཚོའི་ལུག་ཚོའི་བེའུ་སྟོང་སྟོང་སྐྱེས་བར་ཤོག།

¹⁴ མངལ་ནས་སྦྲུམ་ཤིང་མ་འཆི་བར་ང་ཚོའི་ཕྱུགས་ཟོག་གིས་མང་པོ་བསྐྱར་དུ་སྐྲུན་པར་ཤོག། ང་ཚོའི་སྲང་ལམ་ཁག་ཏུ་སྡུག་སྐད་མ་ཐོས་ཤོག།

¹⁵ སྦྱིན་རླབས་འདི་ལྟར་ཐོབ་པའི་མི་ཚོ་བདེའོ། སུ་ཡི་དཀོན་མཆོག་ནི་གཙོ་བོ་དཀོན་མཆོག་ཡིན་པ་མི་ཚོ་བདེའོ༎