གསུང་མགུར 143 - Tibetan Old Testament 2011

རོགས་རམ་གྱི་ཆེད་དུ་སྨོན་ལམ།

¹ གཙོ་བོ་དཀོན་མཆོག་ང་ཡི་སྨོན་ལམ་གསན་རོགས་གནང་། ཁྱེད་ཀྱི་དྲང་བདེན་ངང་ང་ཡི་ཞུ་བར་གསན། རང་གི་དམ་ཚིག་ལྡན་ཚུལ་ནང་ང་ལ་བཀའ་ལན་གནང་དུ་གསོལ།

² ཁྱེད་ཀྱི་བྲན་གཡོག་ང་ལ་ཚོད་ལྟ་མ་གནང་ཞིག། ཁྱེད་ཀྱི་གཟིགས་སྣང་ལ་ནི་སུའང་ཉེས་མེད་མེད།

³ ང་ཡི་དགྲ་བོས་ང་ལ་དེད་ནས་བཟུང་ནས་ཡོད། ང་ལ་ཆ་ཚང་ཕམ་ཡོད་དོ། དེ་ཚོས་ང་ལ་བརྩོན་ཁང་ནག་ཁུང་ནང་དུ་བཅུག་ཡོད་པ་དང། ང་ནི་དུས་ཡུན་རིང་པོའི་སྔོན་ནས་འཆི་མཁན་ཚོ་ལྟར་འདྲ།

⁴ དེ་འདྲ་སོང་ཙང་ང་ནི་མི་ཚེ་སྤངས་པར་གྲ་སྒྲིགས་ཡོད། ང་ནི་ཧ་ཅང་ཡིད་མུག་ཡོད།

⁵ ངས་འདས་པའི་ཉིན་མ་དེ་ཚོ་དྲན་གྱི་ཡོད། ཁྱེད་ཀྱི་མཛད་པ་ཚང་མ་ངས་བསམ་བློ་གཏོང་གི་ཡོད། ཁྱེད་ཀྱི་མཛད་པ་ཚང་མ་ངས་སེམས་ནང་དྲེན་གྱི་ཡོད།

⁶ ངས་སྨོན་ལམ་འདེབས་སྐབས་ཁྱེད་ཕྱོགས་ངའི་ལག་པ་འདེགས་པར་བྱེད། སྐམ་པའི་ས་བཞིན་ངའི་སྲོག་ཁྱེད་ཕྱིར་སྐོམ་ནས་ཡོད།

⁷ ད་ལྟ་ང་ལ་བཀའ་ལན་གནོང་ཞིག་གཙོ་བོ་དཀོན་མཆོག། ང་ཡིས་རེ་བ་ཚང་མ་བྲལ་ནས་ཡོད། རང་ལ་ང་ལས་སྦེད་མ་གནང་རོགས་གནང་། དེ་མིན་ང་ནི་འཆི་བའི་ཡུལ་དུ་འགྲོ་མཁན་ཁྲོད་དུ་སླེབས་པར་འགྱུར།

⁸ སྔ་དྲོ་རེ་བཞིན་ང་ལ་ཁྱེད་ཀྱི་རྒྱུན་ལྡན་ཐུགས་བརྩེ་དྲན་གསོ་མཛོད། གང་ལགས་ཟེར་ན་ང་ནི་ཁྱེད་ལ་བློ་བཅོལ་གྱི་ཡོད། ང་ཡི་སྨོན་ལམ་ཁྱེད་ཀྱི་དྲུང་དུ་སླེབས་ཀྱི་ཡོད། ང་ཡི་འགྲུལ་བའི་ལམ་དེ་ང་ལ་བསྟན་དུ་གསོལ།

⁹ གཙོ་བོ་དཀོན་མཆོག་ང་ལ་སྲུང་སྐྱོབ་ཆེད་དུ་ཁྱེད་རྩར་ཡོང་གི་ཡོད། ང་ཡི་དགྲ་བོ་རྣམས་ལས་ང་ལ་སྐྱོབ་ཏུ་གསོལ།

¹⁰ ཁྱེད་ནི་ང་ཡི་དཀོན་མཆོག་ཡིན། ང་ལ་ཁྱེད་ཀྱི་ཐུགས་དགོངས་བཞིན་དུ་འགྲུལ་བར་སླབ་རོགས་གནང། ང་ཡི་སྟེང་དུ་ཁྱེད་ཀྱིས་བཟང་པོ་མཛོད། བདེ་བའི་ལམ་དུ་ང་ལ་འཁྲིད་པར་མཛད་དུ་གསོལ།

¹¹ གཙོ་བོ་དཀོན་མཆོག་རང་གི་དམ་བཅའ་བཞིན་དུ་ང་ལ་སྐྱོབ་ཏུ་གསོལ། ཁྱེད་ཀྱི་དྲང་བདེན་ངང་ང་ལ་དཀའ་ངལ་རྣམས་ལས་སྐྱོབ་ཏུ་གསོལ།

¹² ཁྱེད་ཀྱི་བྱམས་པའི་རྐྱེན་གྱིས་ང་ཡི་དགྲ་རྣམས་གསོད། ང་ལ་གནར་གཅོད་གཏོང་མཁན་ཚང་མ་ཚར་གཅོད་ཅིག། གང་ལགས་ཟེར་ན་ང་ནི་ཁྱེད་ཀྱི་བྲན་གཡོག་ཡིན༎