གསུང་མགུར 141 - Tibetan Old Testament 2011

དགོང་དྲོའི་སྨོན་ལམ།

¹ གཙོ་བོ་དཀོན་མཆོག་ང་ཡིས་ཁྱེད་ལ་འབོད་ཀྱི་ཡོད། ད་ལྟ་ཉིད་དུ་ང་ལ་མགོན་སྐྱབས་མཛད་དུ་གསོལ། ང་ཡིས་ཁྱེད་ལ་འབོད་དུས་ང་ལ་གསན་དུ་གསོལ།

² ང་ཡི་འདེབས་པའི་སྨོན་ལམ་བདུག་སྤོས་ལྟར། ང་ཡིས་འདེགས་པའི་ལག་པ་དགོང་དྲོའི་དམར་མཆོད་ལྟར་བཞེས་ཤིག།

³ ང་ཡི་ཁ་ལ་སྲུང་མཁན་འཇོག་ཅིག་གཙོ་བོ་དཀོན་མཆོག། ང་ཡི་མཆུ་ལྟོའི་སྒོར་སྒོ་སྲུང་གཅིག་ནི་འཇོག་པར་མཛོད།

⁴ ང་ལ་ངན་ལས་བྱེད་པའི་འདོད་སེམས་དང། མི་ངན་པའི་ངན་ལས་ལ་ལག་འབྲེལ་བྱེད་པ་ལས་སྐྱོབ་ཏུ་གསོལ། ང་ནི་དེ་ཚོའི་ཐུགས་སྤྲོར་ནམ་ཡང་མི་བསྡད་ཤོག།

⁵ མི་བཟང་པོས་ང་ལ་སྙིང་རྗེ་སྒོ་ནས་ཉེས་ཆད་བཀལ་བ་དང་བཀའ་སྐྱོན་གནང་ཡོང། འོན་ཀྱང་མི་ངན་ནས་ང་ནམ་ཡང་གུས་ཞབས་ལེན་མི་ཡོང་། གང་ལགས་ཟེར་ན་དེ་ཚོས་ལས་ངན་གྱི་རྒྱབ་རྒལ་དུ། ང་ནི་རྒྱུན་དུ་སྨོན་ལམ་བཏབ་བཞིན་ཡོད།

⁶ དེ་ཚོའི་སྲིད་སྐྱོང་པ་རྣམས་བྲག་ངོས་གཟར་པོ་ནས་སྐྱུར་བའི་དུས། ང་ཡི་གཏམ་རྣམས་བདེན་ཟེར་མི་ཚོས་བརྗོད་པར་འགྱུར།

⁷ ཤིང་གཤགས་ནས་དུམ་བུར་བཟོས་པ་ལྟར། དུར་གྱི་འགྲམ་དུ་དེ་ཚོའི་རུས་པ་རྣམས་གཏོར་ཡོད་དོ།

⁸ འོན་ཀྱང་ང་ནི་ཁྱེད་ལ་བློ་བཅོལ་བཞིན་བསྡད་ང་ཡི་བླ་མེད་གཙོ་བོ་དཀོན་མཆོག། ང་ནི་ཁྱེད་ཀྱི་སྲུང་སྐྱོབ་བཙལ་བཞིན་ཡོད། ང་འཆི་རུ་མ་འཇུག་ཅིག།

⁹ དེ་ཚོས་ངའི་ཕྱིར་བཙུགས་པའི་རྙི་ལས། ལས་ངན་བྱེད་མིས་ཞགས་པའི་རྙི་རྣམས་ལས་ང་སྲུང་ཤིག།

¹⁰ ངན་པས་བཙུགས་པའི་རྙི་ནང་རང་ཉིད་ཚུད་པར་ཤོག། ང་ནི་གནོད་པ་མེད་པར་ཐར་བར་ཤོག།