གསུང་མགུར 138 - Tibetan Old Testament 2011

གཏང་རག་གི་སྨོན་ལམ།

¹ གཙོ་བོ་དཀོན་མཆོག་ང་རང་གི་སེམས་ཀྱི་གཏིང་ནས་ཁྱེད་ལ་གཏང་རག་འབུལ་གྱི་ཡོད། ལྷ་རྣམས་མདུན་དུ་ང་ཡིས་ཁྱེད་ལ་བསྟོད་དབྱངས་འབུལ་གྱི་ཡོད།

² ཁྱེད་ཀྱི་རྒྱུན་ལྡན་ཐུགས་བརྩེ་དང་དམ་ཚིག་ལྡན་ཚུལ་གྱི་རྐྱེན་གྱིས་ནི། ཁྱེད་ཀྱི་དམ་པའི་མཆོད་ཁང་ཕྱོགས་སུ་ང་ཁ་བལྟས་ཡོད། ཁྱེད་ལ་ཕྱག་འཚལ་བྱ་ཞིང་ཁྱེད་མཚན་བསྟོད་ཀྱི་ཡོད། གང་ལགས་ཟེར་ན་ཁྱེད་ཀྱི་རང་གི་མཚན་དང་། བཀའ་རྒྱ་རྣམས་ཆེ་ཤོས་ཡིན་ཟེར་ཁྱེད་ཀྱིས་སྟོན་པར་མཛད་གནང་ཡོད།

³ ང་ཡིས་འབོད་སྐབས་ཁྱེད་ཀྱིས་བཀའ་ལན་གནང་བ་དང་། ཁྱེད་ཀྱིས་ནུས་པས་ང་ལ་སྟོབས་ཆེན་བཟོས་གནང་ངོ་།

⁴ གཙོ་བོ་དཀོན་མཆོག་ས་གཞི་ནང་གི་རྒྱལ་པོ་ཚང་མས་ཁྱེད་ལ་བསྟོད་པ་འབུལ་བར་འགྱུར། གང་ལགས་ཟེར་ན་དེ་ཚོས་ཁྱེད་ཀྱི་ཞལ་ཆེ་རྣམས་ཐོས་ཡོད།

⁵ ཁྱེད་ཀྱི་གནང་བའི་མཛད་པ་རྣམས་དང་། ཁྱེད་ཀྱི་གཟི་བརྗིད་རླབས་ཆེན་སྐོར་ལ་དེ་ཚོས་མགུར་མ་ལེན།

⁶ ཁྱེད་ནི་འདི་འདྲ་མཐོན་པོར་བཞུགས་ཡོད་ན་ཡང་། ཉམས་ཐག་ཅན་ཚོར་ཁྱེད་ཀྱིས་ཐུགས་འཁུར་བཞེས་པ་དང་། ང་རྒྱལ་ཅན་རྣམས་ཁྱེད་ཀྱི་ཕྱོགས་ནས་གབ་མི་ཐུབ།

⁷ དཀའ་ངལ་རྣམས་ཀྱིས་ང་ལ་བསྐོར་ནས་ཡོད་སྐབས། ཁྱེད་ཀྱིས་ང་ལ་ཁམས་བཟང་འཇོག་པ་གནང་ངོ་། ང་ལ་ཁྲོ་མཁན་དགྲ་བོའི་ཐོག་ཏུ་ཁྱེད་ཀྱིས་རྒོལ་བ་དང་། ཁྱེད་ཀྱི་ནུས་པས་ང་ལ་སྐྱོབ་པར་མཛད།

⁸ རང་གི་དམ་བཅའ་གནང་བ་རྣམས་ནི་སྒྲུབ་པར་འགྱུར། གཙོ་བོ་དཀོན་མོཆ་ཁྱེད་ཀྱི་བྱམས་པ་དེ་ནི་རྒྱུན་དུ་གནས། རང་གི་འགོ་ཚུགས་པ་ཡི་ལས་རྣམས་ཆ་ཚང་སྒྲུབ་པར་མཛད༎