གསུང་མགུར 11 - Tibetan Old Testament 2011

གཙོ་བོ་དཀོན་མཆོག་ལ་བློ་བཅོལ་ཞུ་བ།

¹ སྲུང་སྐྱོབ་ཆེད་དུ་ང་ནི་གཙོ་བོ་དཀོན་མཆོག་ལ་བློ་བཅོལ་ལོ། ཅིའི་ཕྱིར་གླེན་གཏམ་སྨྲ་ཞིང་འདི་སྐད་དུ། འདབ་ཆགས་བཞིན་དུ་འཕུར་ནས་རི་ཁར་སོང་།

² གང་ལགས་ཟེར་ན་མི་ངན་རྣམས་ཀྱིས་ནི། སྐྱེ་བོ་བཟང་པོར་ཚད་ནས་རྒྱབ་པའི་ཕྱིར། མུན་པར་རང་གི་མདའ་གཞུ་གྲ་སྒྲིགས་བྱེད།

³ གང་ཅིའི་ཐད་ནས་ལས་དོན་མ་འགྲུབ་པར། གནས་སྟངས་ཚང་མ་རྒྱབ་འགལ་འགྱུར་བའི་སྐབས། སྐྱེ་བོ་བཟང་པོ་བྱ་ཐབས་ཀུན་ལས་བྲལ།

⁴ གཙོ་བོ་དཀོན་མཆོག་རང་གི་མཆོད་ཁང་དམ་པར་བཞུགས། ཁོང་གི་བཞུགས་ཁྲི་མཐོ་རིས་གནས་སུ་ཡོད། ཁོང་གིས་ག་ས་ག་ལ་མི་ཚོར་གཟིགས་པ་དང། དེ་ཚོས་བྱེད་པའི་ལས་རྣམས་མཁྱེན།

⁵ བཟང་ངན་གཉིས་ཀར་ཁོང་གིས་བརྟག་དཔྱད་མཛད། ཚུལ་མིན་ཁྲིམས་འགལ་རྣམས་ལ་ཁོང་གིས་ཐུགས་ནས་སྡང་བར་དྲག་པོ་གནང་བར་མཛད།

⁶ མི་ངན་རྣམས་ཀྱི་ཐོག་ཏུ་ཁོང་ཉིད་ཀྱིས། མེ་དང་མུ་ཟི་གནམ་ནས་འདེབས་པར་མཛད། རླུང་ཚ་པོས་དེ་ཚོར་ཉེས་ཆད་གནང་།

⁷ གཙོ་བོ་དཀོན་མཆོག་ཐུགས་གཤིས་དྲང་པོ་ལགས། ཁོང་ནི་ལས་བཟང་མཁོ་ནར་ཐུགས་མཉེས་པས། བཟང་པོ་བྱེད་མཁན་ཁོང་གི་སྤྱན་སྔ་རུ། གསོན་པོར་འཚོ་ཞིང་གནས་པར་འགྱུར་ལགས་སོ༎