ལེགས་བཤད 31 - Tibetan Old Testament 2011

རྒྱལ་པོ་ལ་བསླབ་བྱ།

¹ རྒྱལ་པོ་ལེ་མུ་ཨེལ་གྱི་ཡུམ་གྱིས་ཁོང་ལ་སྙིང་ཐག་པ་ནས་གསུངས་པའི་གཏམ་རྣམས་འདི་ལྟར་ཡིན།

² ང་ཡི་བརྩེ་བའི་བུ་ཁྱོད་ངའི་སྨོན་ལམ་གྱི་ལེན་དེ་ཡིན་ནོ། ངས་ཁྱོད་ལ་ཅི་ཤོད་དམ།

³ ཁྱོད་ཀྱི་སྟོབས་ཤུགས་དེ་འདོད་ཆགས་དང་དངུལ་རྣམས་བུད་མེད་ལ་མ་གཏོང་ཞིག དེ་ཚོས་རྒྱལ་པོ་ཚོ་ཡང་འཇིགས་པར་བྱས་ཡོད།

⁴ ལེ་མུ་ཨེལ་ཉོན་ཞིག། རྒྱལ་པོ་ཚོས་རྒུན་ཆང་འཐུང་མི་རུང་ལ་ཆང་རག་ལ་འདོད་པ་ཆེན་པོ་བྱེད་མི་རུང་།

⁵ དེ་ཚོས་འཐུང་སྐབས་བཀའ་ཁྲིམས་རྣམས་བརྗེད་པ་དང་། མི་མང་གི་དགོས་ངེས་ཀྱི་ཐོབ་ཐང་ལ་བརྩི་མེད་བྱེད་དོ།

⁶ ཆང་རག་ནི་སྐྱེ་བོ་འཆི་གྲབ་ཡོད་པ་ཚོ་དང་སྡུག་བསྔལ་ནང་ཡོད་པའི་སྐྱེ་བོ་ཚོའི་ཆེད་དུ་ཡིན་ནོ།

⁷ དེ་ཚོ་ལ་འཐུང་འཇུག་ལ། དེ་ཚོས་རང་གི་དབུལ་འཕོང་དང་དཀའ་སྡུག་བརྗེད་པར་འགྱུར།

⁸ སྐྱེ་བོ་སྨྲ་མི་ཐུབ་མཁན་ཚོའི་ཆེད་དུ་སྨྲོས་ཤིག། སྐྱབས་དང་མགོན་མེད་པ་ཚོའི་ཆེད་དུ་སྲུང་སྐྱོབ་གྱིས་ཤིག

⁹ དེ་ཚོས་ཆེད་དུ་སྨྲོས་ལ། ཁྲིམས་དཔོན་དྲང་བདེན་གྱིས་ཤིག། དབུལ་པོ་དང་དཀའ་སྡུག་ཅན་ཚོའི་ཐོབ་ཐང་ལ་སྲུང་སྐྱོབ་གྱིས་ཤིག།

ཆུང་མ་འབྱོན་པོ་ནི།

¹⁰ ཆུང་མ་འབྱོན་པོ་ཞིག་འཚོལ་རྒྱུར་ཇི་ལྟར་དཀའ་ལས་ཁག་པོ་ཡོད། མོ་ནི་རིན་པོ་ཆེའི་ནོར་རྒྱན་ལས་ཧ་ཅང་ལྷག་པ་ཡོད་པ་དང་།

¹¹ མོའི་ཁྱོ་ཡིས་མོ་ལ་བློས་བཀལ་བ་དང་ཁོ་ནི་ནམ་ཡང་དབུལ་པོར་མི་འགྱུར།

¹² མོ་འཚོ་བའི་རིང་མོས་ཁོ་ལ་ཡག་པོ་བྱེད་པ་དང་ནམ་ཡང་གནོད་པ་མི་བྱེད་དོ།

¹³ མོས་བལ་དང་ཀ་ཅིའི་རས་ཀྱིས་གྱོན་གོས་བཟོས་པར་རང་ཉིད་བྲེལ་ཚབ་ནང་མཛོག་གོ

¹⁴ ཚོང་པའི་གྲུ་ལྟར་མོས་ཐག་རིང་གནས་ནས་ནང་དུ་ཁ་ཟས་འཁྱེར་ཡོང་ངོ་།

¹⁵ མོས་ཁྱིམ་ཚང་གི་ཁ་ལག་བཟོ་བའི་ཆེད་ནམ་མ་ལངས་གོང་ལ་ལངས་ནས། བུ་མེད་གཡོག་མོར་ཇི་བྱེད་དགོས་བསླབ་བྱ་བྱེད་དོ།

¹⁶ མོས་ས་ཆར་བལྟས་ནས་ཉོ་བར་བྱས་པ་དང་བསགས་པའི་དངུལ་གྱིས་རྒུན་ཚལ་འདེབས་པར་བྱེད་དོ།

¹⁷ མོ་ནི་ལས་ཀ་ཧུར་པོ་བྱ་མཁན་དང་། སྟོབས་ཤུགས་ཅན་དང་གྲུང་པོ་ཡིན་ནོ།

¹⁸ མོས་གང་བཟོས་པ་རྣམས་ཀྱི་རིན་ཐང་ཤེས་པ་དང་། མཚན་ཕྱི་པོའི་བར་དུ་ཡང་ལས་ཀ་བྱེད་དོ།

¹⁹ མོས་རང་གི་སྤུན་དོག་འཁེལ་བ་དང་རས་གོས་ཐག་པར་བྱེད་དོ།

²⁰ མོ་དབུལ་པོ་དང་དཀའ་སྡུག་ཅན་ཚོ་ལ་གཏོང་ཕོད་ཅན་གྱི་སྤྲད་དོ།

²¹ མོས་གངས་རྒྱབ་སྐབས་སེམས་ཁྲལ་མི་བྱེད་དོ། གང་ལགས་ཟེར་ན། མོའི་ནང་མི་ཚོར་གྱོན་གོས་དྲོ་པོ་གྱོན་ཡག་ཡོད།

²² མོས་ཉལ་ཁྲིའི་ཁེབས་བཟོ་བ་དང་། མུ་མེན་མདོ་གི་རས་སྤུ་ལེགས་ཀྱི་གོས་གྱོན་པར་བྱེད་དོ།

²³ མོའི་ཁྱོ་ནི་ཡུལ་གྱི་གནས་ཡོད་མི་སྣ་སྐད་གྲགས་ཅན་ཞིག་ཡིན་ནོ།

²⁴ མོས་རས་དང་སྐེ་རག་བཟོས་ནས་དེ་ཚོ་ཚོང་པ་ཚོ་ལ་ཚོང་བར་བྱེད་དོ།

²⁵ མོ་ནི་ནུས་ཤུགས་ཅན་དང་གུས་ཞབས་ལྡན་པ་དང་། མོ་འོངས་པར་མི་འཇིགས་མཁན་ཞིག་ཡིན་ནོ།

²⁶ མོས་ཞི་འཇམ་གྱིས་ཤེས་རབ་ལྡན་པའི་ཐོག་སྨྲ་བར་བྱེད་དོ།

²⁷ མོ་རྟག་ཏུ་བྲེལ་བ་ཚ་པོ་ཡོད་པ་དང་། རང་གི་ཁྱིམ་ཚང་གི་དགོས་མཁོ་སྒྲུབ་པར་བྱེད་དོ།

²⁸ མོའི་བུ་ཕྲུག་ཆོས་རང་གི་མའི་བཀའ་དྲིན་དྲེན་པ་དང་། མོའི་ཁྱོ་ཡིས་མོ་ལ་བསྟོད་པར་བྱེད་དོ།

²⁹ ཁོས་བུད་མེད་མང་པོ་ཆུང་མ་བཟང་མོ་ཡོད་ན་ཡང་། ཁྱོད་ནི་དེ་ཚོ་ཚང་མ་ལས་ལྷག་པ་ཡིན་ནོ།

³⁰ མཚར་སྡུག་ཅན་ནི་བསླུ་འཁྲིད་ཅན་ཡིན་པ་དང་། མཛེས་སྡུག་ཅན་ནི་ཡལ་བར་བྱེད་དོ། འོན་ཀྱང་གཙོ་བོ་དཀོན་མཆོག་ལ་གུས་བརྩི་ཞུས་མཁན་བུད་མེད་ལ་བསྟོད་དགོས་སོ།

³¹ མོས་གྱིས་པའི་ཚང་མའི་མཁེ་སང་མོ་ལ་སྤྲོད་ཅིག མོ་ལ་ཚང་མས་གུས་ཞབས་བྱེད་འོས་པ་ཡིན་ནོ༎