ལེགས་བཤད 29 - Tibetan Old Testament 2011

¹ ཁྱོད་ལ་བཅུན་སྐབས་ཁྱོད་གྱོང་པོ་བྱས་པ་ཡིན་ན། ཉིན་ཞིག་ཁྱོད་འཇིག་པ་དང་ནམ་ཡང་སྐྱར་གསོ་མི་ཐུབ་བོ།

² དྲང་ལྡན་མི་ཡིས་དབང་གྱུར་སྐབས། མི་མང་རྣམས་དགའ་སྐྱིད་བྱེད་དོ། ངན་པས་དབང་གྱུར་སྐབས། མི་མང་རྣམས་སྡུག་བསྔལ་མྱོང་ངོ།

³ ཁྱོད་ཀྱིས་ཤེས་རབ་ལ་དགའ་ངོམ་བྱས་པ་ཡིན་ན། ཁྱོདཀྱི་ཕ་ཡིས་སྤོབས་པ་བྱེད་དོ། སྨད་ཚོང་མ་ལ་དངུལ་ཆུ་ཟོས་སུ་གཏོང་མཁན་དེ་ནི་གླེན་པ་ཡིན་ནོ།

⁴ རྒྱལ་པོས་ཁྲིམས་དྲང་བདེན་ལ་དོ་འཁུར་གནང་བ་ཡིན་ན། རྒྱལ་ཁབ་སྟོབས་ཤུགས་ཅན་དུ་འགྱུར་རོ། འོན་ཀྱང་ཁོང་གིས་དངུལ་གཅིག་པུ་ལ་དོ་འཁུར་བྱས་པ་ཡིན་ན་ཡུལ་དེ་འཇིག་པར་བྱེད་དོ།

⁵ ཁྱོད་ཀྱིས་རང་གི་གྲོགས་པོར་དཔལ་ལས་བཤད་པ་ཡིན་ན། ཁྱོད་རང་རང་ཉིད་ཀྱི་ཆེད་དུ་རྙི་ཀྲམ་པ་ཡིན་ནོ།

⁶ མི་ངན་པ་རྣམས་རང་གི་སྡིག་པའི་ནང་ཚུད་པ་དང་། མི་དྲང་ལྡན་རྣམས་དགའ་སྐྱིད་དང་རང་དབང་དུ་གནས་པར་བྱེད་དོ།

⁷ མི་བཟང་པོ་ཞིག་གིས་དབུལ་པོའི་ཐོབ་ཐང་ཤེས་པ་དང་། འོན་ཀྱང་མི་ངན་པ་ཚོས་དེ་ལྟར་རྟོགས་པར་མི་བྱེད།

⁸ སྐྱེ་བོ་གཞན་ལ་བཙི་མཐོང་མ་བྱེད་མཁན་ཚོས་གྲོང་ཁྱེར་ཡོངས་རྫོགས་རྙོག་ཟིང་སློང་བར་བྱེད་པ་དང་། ཤེས་རབ་ལྡན་པ་ཚོས་ཞི་བདེ་བཟོ་བར་བྱེད་དོ།

⁹ ཤེས་རབ་དང་ལྡན་པ་ཞིག་གིས་གླེན་པ་ཞིག་ལ་ཁ་མཆུ་རྒྱབ་པ་ཡིན་ན། གླེན་པ་དེས་གད་མོ་གད་པར་བྱེད་པ་དང་སྐད་ཆེན་པོ་དང་སྨའ་འབེབས་བྱ་མཁན་དུ་འགྱུར་རོ།

¹⁰ སྲོག་གཅོད་པ་ཚོས་མི་དྲང་པོར་མི་དགའ་བ་བྱེད་པ་དང་། འོན་ཀྱང་དྲང་བདེན་ཚོས་མི་དྲང་པོའི་སྲོག་སྐྱོབས་པར་བྱེད་དོ།

¹¹ མི་གླེན་པ་ཚོས་རང་གི་ཁོང་ཁྲོ་མངོན་གསལ་གྱི་འདོན་པར་བྱེད་དོ། འོན་ཀྱང་བསམ་ཤེས་ཡོད་མཁན་གྱིས་བཟོད་སྲན་བྱེད་པ་དང་དེ་འགོག་པར་བྱེད་དོ།

¹² སྲིད་སྐྱོངས་བ་ཞིག་གིས་གནས་ཚུལ་རྫུན་མ་ལ་དོ་སྣང་བྱས་པ་ཡིན་ན། ཁོང་གི་ལས་བྱེད་པ་ཚང་མ་རྫུན་གཤོད་མཁན་ཡིན་པར་འགྱུར།

¹³ མི་དབུལ་པོ་ཞིག་དང་དེ་ལ་མནར་གཅོད་བྱ་མཁན་གཉིས་ཀར་འདྲ་མཚུངས་ཡོད་པ་ནི། གཙོ་བོ་དཀོན་མཆོག་གིས་དེ་ཚོར་མིག་གནང་ཡོད་པ་ཡིན་ནོ།

¹⁴ རྒྱལ་པོ་ཞིག་གིས་དབུལ་པོའི་ཐོབ་ཐང་ལ་སྲུང་སྐྱོབས་གནང་བ་ཡིན་ན། ཁོང་གི་རྒྱལ་སྲིད་ཡུན་རིང་པོ་གནས་ཐུབ་བོ།

¹⁵ བཅུན་པ་དང་སྒྲིགས་ལམ་ནི་བུ་ཕྲུག་ཚོའི་ཆེད་དུ་ལེགས་པ་ཡིན་ནོ། ཕྲུ་གུ་ཞིག་གིས་རང་འདོད་བྱེད་ཀྱི་ཡོད་ན་ཁོས་རང་གི་མ་ལ་ངོ་ཚ་བ་བཟོའོ།

¹⁶ མི་ངན་པ་ཚོར་དབང་ཆ་ཡོད་རིང་ཁྲིམས་འགལ་འཕེལ་བ་དང་། འོན་ཀྱང་མི་དྲང་བདེན་ཚོས་ངན་པར་མ་རྒུད་བྱུང་བ་མཐོང་བར་གསོན་པོ་གནས་པར་འགྱུར།

¹⁷ ཁྱོད་ཀྱིས་རང་གི་བུ་ཕྲུག་ཚོ་ལ་སྒྲིགས་ལམ་སློབ་པ་ཡིན་ན། ཁྱོད་ཀྱིས་ཁོ་ཚོར་རྟག་ཏུ་སྤོབས་པ་བྱེད་ཐུབ་པ་དང་། ཁོ་ཚོས་ཁྱོད་ལ་ངོ་ཚ་དགོས་པའི་རྐྱེན་མི་སྤྲད་དོ།

¹⁸ དཀོན་མཆོག་གི་ལམ་སྟོན་མེད་པའི་རྒྱལ་ཁབ་དེ་ཁྲིམས་ལུགས་མེད་པའི་རྒྱལ་ཁབ་ཡིན་ནོ། དཀོན་མཆོག་གི་བཀའ་ཁྲིམས་སྲུང་མཁན་དེ་ནི་དགའ་སྐྱིད་ལྡན་པ་ཡིན་ནོ།

¹⁹ ཁྱོད་ཀྱིས་གཡོག་པོ་ཞིག་ལ་སྐད་ཆ་བཤད་ནས་བཅུན་མི་ཐུབ། ཁོས་དེ་རྟོགས་ན་ཡང་དོ་སྣང་མི་བྱེད་དོ།

²⁰ བསམ་བློ་མ་བཏང་བར་གཏམ་གླེང་བྱ་མཁན་ལས། གླེན་པ་ཞིག་ལ་རེ་བ་ཆེའོ།

²¹ ཁྱོད་ཀྱིས་གཡོག་པོ་ཞིག་ལ་ཁོའི་ཕྲུ་གུའི་སྐབས་ནས་གང་འདོད་ཚང་མ་སྤྲད་པ་ཡིན་ན། ཉིན་ཞིག་ཁོས་ཁྱོད་ལ་བདག་པ་ཚང་མ་འཁྱེར་བར་འགྱུར་རོ།

²² མི་སྤྲོ་ཐུང་ཞིག་གིས་འཁོན་འཁྲུགས་དང་དཀའ་སྡུག་ཚད་མེད་བཟོ་བར་བྱེད་པ་དང་།

²³ སྤོབ་པས་ཁྱོད་ལ་ཉམ་རྒུད་ཡོང་བར་བྱེད་དོ། འོན་ཀྱང་ཁྱོད་ཉམ་ཆུང་ཡིན་ན་ཁྱོད་ལ་གུས་བཀུར་བྱེད་པར་འགྱུར་རོ།

²⁴ རྐུན་པོའི་རོགས་པ་བྱེད་རྒྱུ་ནི་རང་གི་དགྲ་བོ་སྡུག་ཤོས་དེ་ཡིན། ཁོས་ཁྲིམས་ཁང་དུ་དྲང་པོ་བཤད་པ་ཡིན་ན་ཁོ་ལ་ཉེས་ཆད་གཏོང་བར་བྱེད་དོ། ཁོས་དེ་ལྟར་མ་བྱས་པ་ཡིན་ན། དཀོན་མཆོག་གིས་ཁོ་ལ་དམོད་པར་མཛད་དོ།

²⁵ གཞན་གྱིས་ཁྱོད་ལ་ཇི་ལྟར་བསམ་གྱི་ཡོད་པར་དོ་སྣངབྱེས་པ་ཡིན་ན་ཉེན་ཁ་ཆེན་པོ་ཡོད་དོ། འོན་ཀྱང་གཙོ་བོ་དཀོན་མཆོག་ལ་བློས་བཅོལ་ན་ཁྱོད་སྲུང་སྐྱོོབས་དུ་གནས་པར་འགྱུར།

²⁶ ཚང་མས་སྲིད་སྐྱོངས་ཀྱི་ཐུགས་རྗེ་ཐོབ་འདོད་པ་དང་། འོན་ཀྱང་གཙོ་བོ་དཀོན་མཆོག་ནས་གཅིག་པོ་ཁྱོད་ལ་ཁྲིམས་དྲང་པོ་ཐོབ་པར་འགྱུར་རོ།

²⁷ དྲང་བདེན་གྱིས་ངན་པར་སྡང་བར་བྱེད་པ་དང་། ངན་པས་དྲང་བདེན་ལ་སྡང་བར་བྱེད་དོ༎