ལེགས་བཤད 27 - Tibetan Old Testament 2011

¹ སང་ཉིན་གྱི་དོན་དུ་ནམ་ཡང་འབོར་ཤོས་མ་གཤོད་ཅིག ད་ལྟ་དང་སང་ཉིན་གྱི་དབར་ལ་ཇི་ཡོང་ཁྱོད་ཀྱི་མི་ཤེས་སོ།

² མི་གཞན་དང་ངོ་མི་ཤེས་པ་ཚོས་ཀྱང་ཁྱོད་ལ་བསྟོད་རུ་འཇུག་ཅིག རང་གི་རང་ལ་ནམ་ཡང་དེ་ལྟར་མ་བྱེད་ཅིག

³ རྡོ་དང་བྱེ་མའི་ལྗིད་ཚད་དང་བསྡུར་ན་གླེན་པས་བཟོས་པའི་དཀའ་སྡུག་དེ་ལས་ལྗིད།

⁴ ཁོང་ཁྲོད་ནི་སྡུག་རྩུབ་དང་སྟོར་བཤིགས་ཅན་ཡིན། འོན་ཀྱང་ཕྲག་དོག་དང་བསྡུར་བ་ཡིན་ན་དེ་ནི་གང་ཡང་མིན།

⁵ གསང་བའི་བྱམས་བརྩེ་ལས་གསལ་བའི་འཤེ་འཤེ་ལེགས་པ་ཡིན།

⁶ གྲོགས་པོའི་སྤྲད་པའི་རྨ་ཡི་གནོད་སྐྱོན་མི་བྱེད་དོ། འོན་ཀྱང་དགྲ་བོས་ལག་པས་འཐམས་པ་ཡིན་ན་ཟབ་ཟབ་གྱིས་ཤིག

⁷ ཁྱོད་འགྲངས་ཡོད་ན་སྦྲང་རྩི་ཡང་མི་ཟའོ། འོན་ཀྱང་ཁྱོད་ལྟོགས་ཡོད་ན་ཁ་ཟས་ཁ་ཏིག་ལ་ཡང་མངར་བའི་རོ་ཡོད་དོ།

⁸ སུ་ཞིག་ཁྱིམ་ནས་ཐག་རིང་ཡོད་པ་ནི། བྱ་རང་གི་ཚང་ནས་ཐག་རིང་ཡོད་པ་ལྟ་བུ་ཡིན།

⁹ དྲི་བཟང་དང་དྲི་མངར་གྱི་སྣུམ་གྱིས་ཁྱོད་དགའ་བར་བྱེད་དོ། འོན་ཀྱང་དཀའ་རྙོག་གིས་ཁྱོད་ཀྱི་སེམས་ཞི་བདེ་བསིལ་བུར་སྟོར་རོ།

¹⁰ ཁྱོད་ཀྱི་གྲོགས་པོ་ཚོའམ་ཡང་ན་ཁྱོད་ཀྱི་ཕའི་གྲོགས་པོ་ཚོ་ལ་མ་རྗེད་པར་གྱིས་ཤིག ཁྱོད་ལ་དཀའ་ངལ་ཡོད་སྐབས་ཁྱོད་ཀྱི་སྤུན་ལ་རོགས་རམ་གྱི་འབོད་བསྐུལ་མ་བྱེད་ཅིག ཁྱོད་ཀྱི་ཉེ་འགྲམ་གྱི་ཁྱིམ་མཚེས་ཀྱི་ཐག་རིང་གི་སྤུན་ལས་ལྷག་པའི་རོགས་བྱེད་ཐུབ་བོ།

¹¹ ངའི་བུ་ཤེས་རབ་དང་ལྡན་པ་གྱིས་ན་ང་དགའ་བར་འགྱུར། ང་ལ་སྐྱོན་བརྗོད་བྱ་མཁན་ཚང་མར་ངས་ལན་འདེབས་བྱ་རྒྱུ་ཡོད།

¹² བསམ་ཡོད་ཀྱི་སྐྱེ་བོ་ཚོས་དཀའ་རྙོག་མཐོང་བ་དང་དེ་ལས་གཡོལ་བར་བྱེད་དོ། འོན་ཀྱང་བསམ་ཤེས་མེད་པའི་སྐྱེ་བོ་ཚོས་ཐད་ཀར་དེའི་ནང་འགྲོ་བ་དང་རྗེས་སུ་འགྱོད་པ་བྱེད་དོ།

¹³ སུ་ཞིག་མི་ངོ་མི་ཤེས་པའི་བུ་ལོན་གྱི་འགན་ལེན་གྱུའི་དམ་བཅའ་འཇོག་མཁན་གླེན་པ་དེའི་རྒྱུ་དངོས་རྣམས་བུ་ལོན་འཇལ་རྒྱུའི་གཏའ་མར་འོས་པ་ཡིན་ནོ།

¹⁴ ཁྱོད་ཀྱིས་རང་གི་གྲོགས་པོ་ལ་ཞོག་པ་སྔ་པོར་སྐད་ཤུགས་ཆེན་པོས་ཤིས་པ་བརྗོད་པ་ཡིན་ན་དམོད་པར་བྱེད་དོ།

¹⁵ ཆུང་མ་སུན་པོ་ནི་ཆར་དུས་སྐབས་ཀྱི་ཆུ་ཐིག་ཟག་པ་ལྟ་བུ་ཡིན།

¹⁶ ཁྱོད་ཀྱིས་མོ་ལ་ཇི་ལྟར་ཁ་བཅུམ་ཐུབ་བམ། ཁྱོད་ཀྱིས་ལྷག་པ་འགོག་ཐབས་དང་། སྣུམ་སྦར་ར་གང་བཟུང་ཐབས་བྱེད་མྱོང་ངམ།

¹⁷ ལྕགས་ཀྱིས་ལྕགས་རྣོ་བར་བྱེད་པ་ལྟར་མིས་གཅིག་གིས་གཅིག་ནས་སྦྱོངས་ཐུབ་བོ།

¹⁸ ཁྱོད་ཀྱི་སེ་ཡབ་ཤིང་ལ་བདག་པོ་གྱིས་ལ་ཁྱོད་ལ་སེ་ཡབ་ཟ་རྒྱུ་ཡོང་། རང་གི་སྦྱིན་བདག་ལ་བལྟ་རྟོགས་བྱ་མཁན་གཡོག་པོ་ཚོས་གུས་ཞབས་ཐོབ་བོ།

¹⁹ ཆུའི་ནང་རང་གི་མདོང་འོད་འཕྲོད་པ་ལྟར། མིའི་སེམས་ནང་ཁོའི་རང་གི་སྤྱོད་ལམ་མཐོང་བར་འགྱུར།

²⁰ མིའི་འདོད་པ་ནི་དམྱལ་ཁམས་ལྟ་བུ་ནམ་ཡང་འཚིམ་པར་མི་འགྱུར་རོ།

²¹ མེས་ནང་གསེར་དང་དངུལ་ལ་རྟགས་དཔྱད་བྱས་པ་ལྟར། མི་ཞིག་གི་སྙན་གྲགས་ལ་ཡང་རྟགས་དཔྱད་བྱེད་ཐུབ་ཡོང་།

²² ཁྱོད་ཀྱིས་གླེན་པ་ཞིག་ལ་མ་ཤི་ཙམ་བརྡུང་བ་ཡིན་ན་ཡང། ཁྱོད་ཀྱིས་ཁོའི་གླེན་རྟགས་དེ་ཁོ་ལས་བརྡུང་སྟེ་བཏོན་མི་ཐུབ་བོ།

²³ ཁྱོད་ཀྱིས་ལུག་དང་ཕྱུགས་རྣམས་ལ་གང་ཟབ་ཟབ་བལྟ་རྟོགས་གྱིས་ཤིག།

²⁴ གང་ལགས་ཟེར་ན། རྒྱུ་ནོར་ནི་གཏན་དུ་གནས་མཁན་མ་ཡིན་པ་དང་། རྒྱལ་ཁབ་ཚོ་ཡང་གཏན་དུ་གནས་པར་མི་འགྱུར་རོ།

²⁵ སྔོན་དུ་སོག་མ་བཅད་ནས་དེ་རྗེས་སུ་རི་ཁུལ་དུ་རྩ་བཅད་དུས་སྟོན་ཏོག་རྗེས་མའི་སོག་མ་སྐྱེ་ བཞིན་ཡོད་པ་བྱུང་ཡོང་།

²⁶ ཁྱོད་ཀྱི་ལུག་གི་བལ་གྱི་གྱོན་གོས་བཟོས་ཐུབ་པ་དང་། ཁྱོད་ཀྱི་ར་འགའ་ཤས་ཚོང་ནས་དེའི་དངུལ་གྱི་ས་ཆ་ཉོ་ཐུབ་བོ།

²⁷ ར་ལྷག་འཕྲོས་ཀྱིས་ཁྱོད་ཀྱི་ཁྱིམ་ཚང་དང་གཡོག་མོ་བཅས་པར་འོ་མ་སྤྲད་པར་བྱེད་དོ༎