ལེགས་བཤད 26 - Tibetan Old Testament 2011

¹ གླེན་པ་ལ་བསྟོད་བསྔགས་བྱ་རྒྱུ་ནི། དབྱར་དུས་ཀྱི་ཁ་བ་དང་སྟོན་ཐོག་རྔ་བའི་སྐབས་ཀྱི་ཆར་པ་དང་འདྲའོ།

² ཁྱོད་ལ་འོས་བབས་མེད་ན་དམོད་པས་ཁྱོད་ལ་མི་གནོད་དོ། དེ་ནི་འཕུར་བའི་བྱིའུ་ནམ་ཡང་མ་བབས་མཁན་ལྟ་བུ་ཡིན་ནོ།

³ ཁྱོད་ཀྱིས་རྟ་ལ་རྟ་ལྕགས་ཞུས་པ་དང་། བོང་བུ་ལ་སྲབ་བེད་སྤྱོད་བྱེད་པ་དང་། གླེན་པ་ལ་ཉེས་བརྡུང་གཏོང་དགོས་སོ།

⁴ ཁྱོད་ཀྱིས་གླེན་པའི་དྲིས་བ་ལ་ལན་འདེབས་བྱས་པ་ཡིན་ན། སྐད་ཆ་འདི་འདྲི་མཁན་དེ་ལྟར་ཁྱོད་ཀྱང་གླེན་པ་ཡིན་ནོ།

⁵ གླེན་པའི་དྲི་བ་ལ་གླེན་པའི་ལན་འདེབས་གྱིས་ཤིག་དང་། འདྲི་བ་བྱེད་མཁན་དེས་ཁོའི་བསམ་པ་ལྟར་ཁོ་རང་སྤྱང་པོ་མ་ཡིན་པ་རྟོགས་པར་འགྱུར།

⁶ ཁྱོད་ཀྱིས་གླེན་པ་ལ་ལན་བསྐྱེལ་དུ་བཅུག་པ་ཡིན་ན། ཁྱོད་རང་ཉིད་ཀྱི་རྐང་པ་འབྲེག་པ་ལྟ་བུ་ཡིན། ཁྱོད་ཀྱིས་དཀའ་རྙོག་ལ་འབོད་བཞིན་ཡོད་དོ།

⁷ གླེན་པ་ཞིག་གིས་ལེགས་བཤད་བེད་སྤྱོད་བྱེད་པ་དེ། མི་ཞ་བོས་རང་གི་རྐང་པ་བེད་སྤྱོད་བྱེད་ཐབས་བྱེད་པ་ལྟ་བུ་ཡིན།

⁸ གླེན་པ་ལ་བསྟོད་བསྔགས་བྱེད་རྒྱུ་ནི། ཨུར་རྡོའི་ནང་རྡོ་སྡམ་པ་ལྟ་བུ་ཡིན་ནོ།

⁹ གླེན་པས་ཤེས་རབ་ལྡན་པའི་གཏམ་དཔེ་སྨྲ་བ་དེས། མི་ར་བཟི་ཅན་གིས་རང་གི་ལག་པ་ནས་ཚེར་མ་བཏོན་ཐབས་བྱེད་པ་ལྟ་བུ་ཡིན།

¹⁰ ལས་བསྐུལ་མཁན་གིས་གླེན་པ་ཡང་ན་འགྲུལ་པ་ལ་གླས་པ་ཡིན་ན། འབྲེལ་ཡོད་ཚང་མ་མནར་བར་བྱེད་དོ།

¹¹ གླེན་པས་བྱ་བ་གླེན་པ་ཐེངས་གཉིས་པ་བྱས་པ་ནི། ཁྱིས་རང་གི་སྐྱུགས་པ་རང་གིས་བཟས་པ་ལྟ་བུ་ཡིན་ནོ།།

¹² རང་ཉིད་ཤེས་རབ་ཅན་མ་ཡིན་པར་ཡིན་བསམ་མཁན་ལས། གླེན་ལྐུག་ཆེ་ཤོས་དེས་ལེགས་པ་ཡིན་ནོ།

¹³ ལེ་ལོ་ཅན་གྱི་མི་རང་གི་ཁྱིམ་ནས་ཕྱིར་ཅི་ལ་མི་ཐོན་པ་ཡིན་ནམ། ཁོ་སུ་ལ་འཇིགས་ཀྱི་ཡོད་པ་རེད་དམ། སེང་གེ་ལ་འཇིགས་ཀྱི་ཡོད་པ་རེད་དམ།

¹⁴ བཀབ་སྦྱར་ལ་སྒོ་ཕར་ཚུར་གྱུག་པ་བཞིན་མི་ལེ་ལོ་ཅན་ཉལ་ཁྲིའི་སྟེང་ཨ་ལོག་བརྒྱབ་བོ།

¹⁵ མི་འགའ་ཤས་རང་གི་ཁའི་ནང་ཁ་ཟས་བླུག་རྒྱུར་ཡང་ཧ་ཅང་ལེ་ལོ་བྱེད་དོ།

¹⁶ མི་ལེ་ལོ་ཅན་ཞིག་གིས་ཁོའི་རང་གི་བསམ་བློར། གནད་དོན་གྱི་བསམ་ཚུལ་བཟང་པོ་བརྗོད་ཐུབ་མཁན་བདུན་ལས་ཁོ་རང་ཤེས་རབ་ལྡན་པ་ཡིན་བསམ་པར་བྱེད་དོ།

¹⁷ གཞན་གྱི་རྩོད་རྙོག་ལ་ལག་པ་འཇུས་རྒྱུ་ནི། རྒྱ་ལམ་དུ་སོང་ནས་ཁྱིའི་རྣ་བ་བཟུང་བ་ལྟ་བུ་ཡིན་ནོ།

^18-19 མི་ཞིག་ལམ་ལོག་ཏུ་འཁྲིད་དེ་དེ་ནས་ཁོས་བསྟན་བཤིག་བྱེད་པ་ཡིན་ཟེར་མཁན་ནི། ཉེན་ཁ་ཅན་གྱི་མཚོན་ཆ་དང་རྩེད་མོ་རྩེད་མཁན་སྨྱོན་པ་ལྟ་བུ་ཡིན་ནོ།

²⁰ ཤིང་མེད་ན་མེ་ཤི་བར་འགྱུར། དོན་མེད་ཀྱི་དཀྲོག་གཏམ་མེད་ན་འཁོན་འཁྲུགས་མཚམས་ཆད་དོ།

²¹ སོལ་བས་མེ་སྤུངས་འཚེར་བར་བྱེད་པ་དང་། ཤིང་གི་མེ་འབར་རུ་འཇུག་པ་དང་། རྙོག་ཟིང་སློང་མཁན་གྱིས་རྩོད་གླེང་སློང་བར་བྱེད་དོ།

²² དཀྲོག་གཏམ་ནི་ཧ་ཅང་བྲོ་བ་ཆེན་པོ་ཡོད་པ་དང་། ང་ཚོ་དེ་གྱུར་མིག་གཏོང་བ་ཇི་འདྲ་དགའམ།

²³ ལྷག་བསམ་བྲལ་བའི་གཏམ་གྱིས་ཁྱོད་ཀྱི་སེམས་ཀྱི་བསམ་བློ་ངན་པ་འགེབས་རྒྱུ་ནི། རྫ་སྣོད་དངུལ་གྱི་བཏུམ་ནས་ཡིད་དུ་འོང་བ་ལྟ་བུ་ཡིན་ནོ།

²⁴ མི་ཟོག་པོ་ཞིག་གིས་ཁོའི་སྡང་བ་དེ་དཔེ་ལས་ཀྱི་གཏམ་ནང་སྦས་པར་བྱེད་དོ།

²⁵ ཁོའི་གཏམ་དེ་ལེགས་པར་མཐོས་ན་ཡང་ཁོ་ལ་ཡིད་ཆེས་མ་བྱེད་ཅིག གང་ལགས་ཟེར་ན། ཁོའི་སེམས་སྡང་པོས་ཁེངས་ཡོད།

²⁶ ཁོ་རང་གི་སྡང་བ་དེ་བཀབ་ཡོད་ན་ཡང་། ཚང་མས་ཁོས་ངན་ལས་གྱིས་པ་རྣམས་མཐོང་བར་འགྱུར་རོ།

²⁷ མི་གཞན་ལ་རྙི་རྒྱབ་མཁན་ཚོ་རང་ཉིད་རྙི་དེར་འཚུར་བར་འགྱུར། གཞན་གྱི་ཐོག་རྡོ་ལྷུང་མཁན་ཚོ་རང་ཉིད་བསྣུན་པར་འགྱུར་རོ།

²⁸ རྫུན་བཤད་མཁན་གྱིས་རང་གི་རྫུན་ནས། གནོད་མཁན་དེ་ལ་སྡང་བར་བྱེད་དོ། ལྷག་བསམ་མེད་པའི་གཏམ་གྱིས་འཇིག་པ་མ་གཏོགས་གང་ཡང་འཁྱེར་མི་ཡོང་ངོ་༎