ལེགས་བཤད 19 - Tibetan Old Testament 2011

¹ གླེན་པ་རྫུན་ཤོད་མཁན་ལས་དབུལ་པོ་དྲང་པོ་ལེགས་པ་ཡིན་ནོ།

² ཡོན་ཏན་མེད་པའི་གདུང་ཤུགས་དེ་ཡག་པོ་མ་ཡིན། བྲལ་བས་ཁྱོད་ལ་དཀའ་ངལ་ནང་ཚུད་བཅུག་གོ

³ མི་འགའ་ཤས་རང་གི་གླེན་པའི་བྱ་སྤྱོད་ཀྱིས་རང་ཉིད་མེད་པར་བཟོས་པ་དང་། དེ་ནས་གཙོ་བོ་དཀོན་མཆོག་ལ་ཁ་དཀྲི་སྐྱལ་ལོ།

⁴ མི་ཕྱུག་པོ་ཚོས་རྟག་ཏུ་གྲོགས་པོ་གསར་པ་རྙེད་པ་དང་། འོན་ཀྱང་དབུལ་པོ་ཚོ་ལ་གྲོགས་པོའི་འགའ་ཤས་ཡོད་ཀྱང་བདག་པོ་བྱེད་མི་ཐུབ་བོ།

⁵ ཁྱོད་ཀྱིས་ཁྲིམས་ཁང་ནང་དུ་རྫུན་བཤད་པ་ཡིན་ན། ཁྱོད་ལ་ཉེས་ཆད་བཏང་བ་དང་ཁྱོད་ཐར་མི་ཐུབ་བོ།

⁶ མི་ཚང་མས་མི་གཙོ་ཆེ་ཁག་ནས་ཐུགས་རྗེ་ཐོབ་ཐབས་བྱེད་པ་དང་། ཚང་མས་རྔན་པ་སྤྲོད་མཁན་དང་འབྲེལ་བ་བྱེད་དོ།

⁷ དབུལ་པོ་ལ་སྤུན་གྱིས་ཀྱང་སྤང་བ་དང་། དེ་བས་ན་ཁོ་ལ་གྲོགས་པོ་ཡང་མེད་དོ། ཁོས་ཐབས་ཤེས་གང་ཡོང་བྱས་ཀྱང་ཁོ་ལ་གང་ཡང་མི་ཐོབ་བོ།

⁸ རང་གིས་རང་ལ་རོགས་གྱིས་དགོས་པ་དེ་ཁྱོད་ཀྱིས་གང་ཐུབ་སྦྱོངས་ཤིག་དང་། དེ་ནས་ཁྱོད་ཀྱིས་སྦྱངས་པ་རྣམས་དྲན་པ་གྱིས་ལ་ཁྱོད་ལ་འཕེལ་རྒྱས་ཡོང་ངོ་།

⁹ ཁྲིམས་ཁང་དུ་རྫུན་ཤོད་མཁན་དེ་སུ་ཡང་ཉེས་ཆད་ནས་མི་ཐར་ཞིང་། ཁོ་ནི་འཇིགས་པར་འགྱུར་རོ།

¹⁰ གླེན་པ་ཚོ་ལོངས་སྤྱོད་ངང་མི་བསྡད་པ་དང་། ཚེ་གཡོག་ཚོས་སྐུ་དྲག་གི་ཐོག་དབང་བསྒྱུར་བྱེད་མི་རུང་ངོ་།

¹¹ ཁྱོད་ལ་བསམ་ཤེས་ཡོད་པ་ཡིན་ན་རང་གི་ཁོང་ཁྲོ་འཇོམས་པར་བྱེད་དགོས། སུ་ཞིག་གིས་ཁྱོད་ལ་ནོར་འཁྲུལ་བྱས་པ་ཡིན་ན། ཁྱོད་ཀྱིས་དེ་བརྩི་མེད་བྱ་རྒྱུ་ནི་བཟང་པོ་ཞིག་ཡིན།

¹² རྒྱལ་པོའི་ཁྲོ་བ་ནི་སེང་གེའི་ངར་སྐད་ལྟ་བུ་ཡིན་ལ། ཁོང་གི་ཐུགས་རྗེ་ནི་ཆར་པ་ལེགས་པ་ལྟ་བུ་ཡིན་ནོ།

¹³ ཕྲུ་གུ་གླེན་པ་ཚོས་རང་གི་ཕ་མ་ལ་འཇིགས་པ་འཁྱེར་ཡོང་བ་དང་། ཆུང་མ་སུན་པོ་ནི་ཐིག་པ་ཟག་པའི་ཆུ་ལྟ་བུ་ཡིན་ནོ།

¹⁴ ལ་རང་གི་ཕ་མའི་ཁང་པ་དང་རྒྱུ་ནོར་གྱི་ཤུལ་ཐོབ་སྲིད་དོ། འོན་ཀྱང་གཙོ་བོ་དཀོན་མཆོག་རང་གྱིས་དེས་ལ་བསམ་ཤེས་ཡོད་པའི་ཆུང་མ་གནང་ཐུབ་བོ།

¹⁵ ཁྱོད་རང་ལེ་ལོ་བྱེད་འདོད་ཡོད་ན་བྱོས་ཤིག གཉིད་ལོག་ནས་སྡོད་ཅིག། འོན་ཀྱང་ཁྱོད་ལྟོགས་པར་གནས་པར་འགྱུར་རོ།

¹⁶ དཀོན་མཆོག་གི་བཀའ་ཁྲིམས་སྲུང་ཞིག་དང་ཁྱོད་ཚེ་རིང་པོ་འཚོ་བར་འགྱུར། ཁྱོད་ཀྱིས་དེ་ལ་བརྩི་མེད་བྱས་ན་ཁྱོད་འཆི་བར་འགྱུར་རོ།

¹⁷ ཁྱོད་ཀྱིས་དབུལ་པོར་སྦྱིན་པ་ཡིན་ན། དེ་ནི་གཙོ་བོ་དཀོན་མཆོག་ལ་གཡར་བ་ལྟ་བུ་ཡིན་པ་དང་། གཙོ་བོ་དཀོན་མཆོག་གིས་ཁྱོད་ལ་ཧཡ།ིན་པ་གནང་ངོ་།

¹⁸ རང་གི་བུ་ཕྲུག་ན་ཆུང་སྦྱངས་པའི་དུས་ལ་སླེབས་པ་དང་སྒྲིགས་ལམ་སློབ་ཅིག དེ་ལྟར་མ་བྱས་པ་ཡིན་ན། ཁྱོད་ཀྱིས་དེ་ཚོ་མེད་པར་བྱ་རྒྱུར་རོགས་བྱེད་ཀྱི་ཡོད་དོ།

¹⁹ སུ་ཞིག་རླུང་ལངས་པོ་ཡད་ན་ཁོ་ལ་དེའི་འབྲས་བུ་དཀའ་ངལ་མྱོང་དུ་འཇུག་ཅིག གལ་སྲིད་ཁྱོད་ཀྱིས་ཁོ་ལ་དཀའ་ངལ་དེ་ལས་ཐེངས་གཅིག་སྐྱབས་པ་ཡིན་ན་ཁྱོད་ཀྱིས་ཡང་ཡང་དེ་ལྟར་བྱེད་དགོས་སོ།

²⁰ ཁྱོད་ཀྱིས་བསླབ་བྱ་ལ་ཉན་ནས་སྦྱོངས་འདོད་ཡོད་ན། ཉིན་ཞིག་ཁྱོད་ཤེས་རབ་ཅན་དུ་འགྱུར་སྲིད་དོ།

²¹ མི་ཚོས་འཆར་གཞི་འདྲ་མིན་མང་པོ་བཀོད་པར་བྱེད་དོ། འོན་ཀྱང་གཙོ་བོ་དཀོན་མཆོག་གི་ཐུགས་དགོངས་བཞིན་དུ་འགྲུབ་པར་འགྱུར་རོ།

²² འདོད་རྔམ་བྱ་རྒྱུ་ནི་ཞབས་འདྲེན་ཞིག་ཡིན་ནོ། རྫུན་ཤོད་མཁན་ལས་དབུལ་པོ་ཚོ་ལེགས་པ་ཡིན་ནོ།

²³ གཙོ་བོ་དཀོན་མཆོག་གི་བཀའ་ལ་ཉན་པ་ཡིན་ན། ཁྱོད་ཚེ་རིང་པོ་འཚོ་བ་དང་འདོད་པ་ཁེངས་པ་དང་གནོད་འཚེ་ལས་འདེ་བར་གནས་པར་འགྱུར་རོ།

²⁴ མི་འགའ་ཤས་རང་གི་ཁའི་ནང་དུ་ཁ་ཟས་ལག་བླུག་རྒྱུར་ཡང་ཧ་ཅང་ལེ་ལོ་བྱེད་དོ།

²⁵ ང་རྒྱལ་ཅན་ལ་ཉེས་ཆད་གཏོང་དགོས་སོ། དེ་བས་ན་མི་གང་ཡང་མི་ཤེས་མཁན་ཚོས་བསླབ་བྱ་ལེན་པར་བྱེད་དོ། ཁྱོད་ཤེས་རབ་ཅན་ཡིན་ན་ཁྱོད་ལ་བཅུན་སྐབས་ཁྱོད་ཀྱིས་སྦྱོང་བར་བྱེད་དོ།

²⁶ མི་ངོ་ཚ་མེད་པ་དང་ཞབས་འདྲེན་ཞུས་མཁན་དེ་རང་གི་ཕ་ལ་སྡུག་པོ་གཏོང་བ་དང་། རང་གི་མ་ཡང་ཁྱིམ་ནས་ཕྱིར་འབུར་བྱེད་དོ།

²⁷ བུ་ཁྱོད་ཀྱིས་སྦྱོངས་རྒྱུར་མཚམས་འཇོག་བྱེད་སྐབས་སུ། ཁྱོད་ཀྱིས་མགྱོགས་པོར་རང་གི་ཤེས་པ་རྣམས་ལ་དོ་སྣང་མི་བྱེད་དོ།

²⁸ དཔང་པོས་སུ་ཞིག་ལ་གནོད་འཚེ་བྱ་རྒྱུའི་ཐག་གཅོད་བྱེད་པ་ཡིན་ན་དེ་ལ་དྲང་བདེན་མེད་དོ། མི་སྤྱོད་ངན་ཚོ་བྲོ་བ་ངན་པ་ལ་བརྩེ་བར་བྱེད་དོ།

²⁹ ང་རྒྱལ་ཅན་གྱི་གླེན་པ་ལ་ཉེས་བརྡུང་ངེས་པར་ཕོག་པར་འགྱུར་རོ༎