ལེགས་བཤད 17 - Tibetan Old Testament 2011

¹ རྙོག་ཁྲས་ཁེངས་པའི་ཁང་པའི་ནང་གི་གསོལ་སྟོན་ཟ་བ་ལས། སེམས་ནང་ཞི་བདེའི་ངང་བག་ལེབ་སྐམ་པོ་ཟ་བ་ལེགས་པ་ཡིན།

² སྦྱིན་བདག་གི་བུ་ཕན་མེད་དེ་ཐོག་གཡོག་པོ་དྲུང་པོ་ཞིག་ལ་དབང་ཆ་ཐོབ་པ་དང་ཁོ་ལ་ནོར་སྐལ་རྒྱི་ཆ་ཤས་ཐོབ་པར་འགྱུར་རོ།

³ གསེར་དངུལ་ལ་མེས་རྟགས་དཔྱད་བྱེད་པ་ལྟར ་མིའི་སེམས་ལ་གཙོ་བོ་དཀོན་མཆོག་གིས་རྟགས་དཔྱད་གནང་ངོ་།

⁴ མི་ངན་རྣམས་ཀྱི་བསམ་འཆར་ངན་པར་ཉན་པ་དང་། རྫུན་ཤོད་མཁན་གྱིས་རྫུན་གྱི་གཏམ་ལ་ཉན།

⁵ ཁྱོད་ཀྱིས་དབུལ་པོར་གད་མོ་ཤོར་བ་ཡིན་ན། དེ་ཚོར་བཀོད་མཁན་དཀོན་མཆོག་ཁོང་ལ་དམའ་འབེབས་བྱེད་བཞིན་ཡོད། སུ་ཞིག་གི་སྡུག་བསྔལ་ལ་དགའ་བ་བྱེད་པ་ཡིན་ན། ཁྱོད་ལ་ཆད་པ་གཏོང་བར་འགྱུར།

⁶ ཕྲུ་གུ་ཚོས་རང་གི་ཕ་མ་ཚོར་སྤོབས་པ་བྱེད་པ་ལྟར། རྒས་པོ་ཚོས་རང་གི་ཚ་བོ་ཚ་མོ་ཚོར་སྤོབས་པ་བྱེད་དོ།

⁷ གུས་ཞབས་ཅན་གྱི་མི་ཚོས་རྫུན་གཏམ་མི་ཤོད་དོ། གླེན་པ་ཚོ་ལ་དོན་གནད་ཡོད་པའི་སྐད་ཆ་གང་ཡང་ཤོད་རྒྱུད་མེད།

⁸ ལྐོག་རྔན་གྱི་ལས་ཚང་མ་རྫུ་འཁྲུལ་ལྟར་བྱེད་བཞིན་ཡོད་པ་དང་། དེ་ལས་ལས་ཚང་མ་ལམ་ལྷོང་ཡོང་ཟེར་མི་འགའ་ཤས་ཀྱིས་བསམ་བཞིན་ཡོད།

⁹ མི་ཡིས་ཁྱོད་ལ་དགའ་བར་བྱ་འདོད་ན། དེ་ཚོས་ནོར་འཁྲུལ་བྱ་སྐབས་བཟོད་གསོལ་བྱོས། ནོར་འཁྲུལ་དེ་ལ་བསམ་ནས་བསྡད་པ་ཡིན་ན། གྲོགས་པོའི་འབྲེལ་བ་དེ་ཆད་པར་འགྱུར།

¹⁰ གླེན་པ་ཞིག་ལ་ཐེངས་བརྒྱ་ཐམ་པ་ཉེས་བརྡུང་བཏང་ན་ཡང་སྦྱངས་མི་ཐུབ། མི་རིགས་པ་སྤྱང་པོ་ཞིག་ལ་གཤེ་གཤེ་ཐེངས་གཅིག་བཏང་ན་ལྷག་པར་སྦྱངས་པར་བྱེད་དོ།

¹¹ མི་ངན་རྟག་ཏུ་རྙོག་ཁྲ་སློང་མཁན་ལ། སྡུག་རྩུབ་ཅན་གྱི་བང་ཆེན་བཞིན་དུ་འཆི་བ་སླེབས།

¹² གླེན་པའི་འཆར་གཞི་ཡོད་མཁན་གླེན་པར་འཕྲད་པ་ལས། དོམ་ཕྲུག་ཤོར་བའི་དོམ་མ་དང་འཕྲད་པ་ལེགས་སོ།

¹³ ཁྱོད་ཀྱིས་བཟང་ལན་ངན་པས་འཇལ་བ་ཡིན་ན། ཁྱོད་ཀྱི་ཁྱིམ་ནས་ངན་པ་ནམ་ཡང་འདེད་མི་ཐུབ་བོ།

¹⁴ འཁྲུགས་པ་འགོ་ཚུགས་པ་དེ་ཆུ་རགས་གིས་སེར་ཁ་གས་པ་ལྟ་བུ་ཡིན་ནོ། གས་པ་དེ་ཆེ་རུ་འགྲོ་བའི་སྔོན་མཚམས་འཇོག་གྱིས་དགོས་སོ།

¹⁵ སྣོང་མེད་ལ་ཁྲིམས་གཅོད་བྱེད་པ་དང་། སྤྱོད་ངན་ལ་གློད་བཀྲོལ་བཏང་བ་གཉིས་ཀར་གཙོ་བོ་དཀོན་མཆོག་གིས་སྡང་བར་མཛད་དོ།

¹⁶ གླེན་པ་ཞིག་གིས་སློབ་སྦྱོང་ལ་དངུལ་འགྲོ་སོང་བཏང་བ་ཕན་མི་ཐོག། གང་ལགས་ཟེར་ན། ཁོ་ལ་སྤྱིར་ལྟངས་ཀྱི་ཤེས་བྱ་མེད་དོ།

¹⁷ གྲོགས་པོ་ཚོས་རྟག་ཏུ་བརྩེ་བ་བསྟོན་པ་དང་། སྤུན་ཚོས་དཀའ་སྡུག་སྐབས་སུ་ཕན་ཐོག་བྱེད་ཡོང་།

¹⁸ མི་བསམ་ཤེས་མེད་པ་གཅིག་པུས་གཞན་གྱི་བུ་ལོན་ལ་འགན་ལེན་བྱེད་དོ།

¹⁹ སྡིག་པར་དགའ་བ་དེས་སྡུག་བསྔལ་བཟོ་རྒྱུར་དགའ་བ་ཡིན། ཁྱོད་ཀྱིས་རྟག་ཏུ་འབོར་ཤོད་བཤད་པ་དེས་ཁྱོད་ཀྱིས་དཀའ་སྡུག་འབོད་བཞིན་ཡོད།

²⁰ ངན་པ་བསམ་ཞིང་ངན་པ་སྨྲ་མཁན་གྱིས་རྐྱེན་ངན་མ་གཏོགས་གཞན་བཟང་པོ་གང་ཡང་མི་ཐོབ་བོ།

²¹ བུ་གླེན་པའི་བྱ་བ་བྱེད་མཁན་གྱིས་རང་གི་ཕ་མ་ལ་བློ་ཕམ་དང་སྡུག་བསྔལ་མ་གཏོགས་གང་ཡང་མི་སྤྲད་དོ།

²² སྐྱིད་ཉམས་དོད་པོར་གནས་པས་ཁྱོད་བདེ་ཐང་ངང་འཇོག། རྟག་ཏུ་ཡིད་མུག་པའི་སེམས་ཀྱིས་དལ་པོར་འཆི་བ་འཁྱེར་ཡོང།

²³ ཁྲིམས་དཔོན་དྲང་མིན་གྱིས་གསང་བའི་ལྐོག་རྔན་ལེན་པ་དང་དེས་དྲང་པོ་མི་བྱེད་དོ།

²⁴ མི་རིགས་པ་སྤྱང་པོ་ཞིག་གིས་ཤེས་རབ་ཀྱི་བྱ་བར་དམིགས་པར་བྱེད་པ་དང་། འོན་ཀྱང་གླེན་པ་ཞིག་གིས་ཕྱོགས་མང་པོར་འགོ་འཛུག་གོ

²⁵ ཕྲུ་གུ་གླེན་པ་ཚོས་རང་ཕ་ལ་དཀའ་ངལ་སྤྲད་པ་དང་། མ་ལ་ཧ་ཅང་བློ་ཕམ་ཆེན་པོ་སྤྲད་དོ།

²⁶ མི་སྣོང་མེད་ཞིག་ལ་རྒུན་ཚབ་མཛལ་བཅུག་རྒྱུ་དེ་དྲང་པོ་མ་ཡིན། མི་བཟང་པོར་ཉེས་ཆད་བཏང་བ་ཡིན་ན། ཁྲིམས་བཅོད་ལོག་པར་གྱིས་པ་ཡིན་ནོ།

²⁷ ཤེས་རབས་ལྡན་པའི་མི་ཞིག་དུས་རྟག་ཏུ་གཏམ་གླེང་མི་བྱེད་དོ། ལྷོད་པོར་སྡོད་མཁན་དེ་ལ་ནང་དོན་རྟོགས་པའི་ནུས་པ་ཡོད་དོ།

²⁸ གལ་སྲིད་མི་གླེན་པ་ཞིག་གིས་ཁུ་སིམ་མེར་བསྡད་པ་ཡིན་ན། ཁོ་ཤེས་རབ་དང་ལྡན་པ་ཡིན་པ་མཐོང་ངོ༎