ལེགས་བཤད 15 - Tibetan Old Testament 2011

¹ ལན་འཇམ་པོ་ཞིག་གིས་ཁོང་ཁྲོ་ཞི་བར་བྱེད་པ་དང་། འོན་ཀྱང་ལན་རྩུབ་པོ་ཞིག་གིས་ཁོང་ཁྲོ་སླང་བར་བྱེད་དོ།

² མི་ཤེས་རབ་དང་ལྡན་པས་གཏམ་སྨྲ་སྐབས་དེས་ཡོན་ཏན་འཕེལ་བར་བྱེད་དོ། འོན་ཀྱང་གླེན་པས་དོན་མེད་ཀྱི་གཏམ་ཤུགས་ཀྱིས་འཐོན་པར་བྱེད་དོ།

³ གཙོ་བོ་དཀོན་མཆོག་གིས་གང་སར་ཇི་བྱུང་བ་ཚང་མ་གཟིགས་པ་དང་། ཁོང་གིས་ང་ཚོས་བཟང་པོ་དང་ངན་པ་བྱས་པ་ཚང་མ་གཟིགས་བཞིན་ཡོད་དོ།

⁴ སྙིང་རྗེའི་གཏམ་གྱིས་མི་ཚེ་བྱིན་པ་དང་། སྡུག་རྩུབ་ཅན་གྱི་གཏམ་གྱིས་ཁྱོད་ཀྱི་སེམས་སྐྱོ་པོ་བཟོའོ།

⁵ ཁྱོད་ཀྱི་ཕས་སློབ་སྟོན་གང་གནང་བ་ལ་བརྩི་མེད་བྱ་རྒྱུ་དེ་གླེན་པ་ཡིན། བཅུན་པ་ལ་ཁས་ལེན་བྱ་རྒྱུ་དེ་ནི་ཤེས་རབ་དང་ལྡན་པ་ཡིན་ནོ།

⁶ མི་དྲང་བདེན་གྱི་རང་གི་རྒྱུ་ནོར་ལ་བདག་པོ་བྱེད་པ་དང་། འོན་ཀྱང་མི་ངན་པ་ལ་དཀའ་སྡུག་བྱུང་སྐབས་དེ་ཚོའི་ནོར་ཚང་མ་བརླག་པར་བྱེད་དོ།

⁷ ཤེས་རབ་ལྡན་པས་མིས་ཡོན་ཏན་སྤེལ་བར་བྱེད་པ་དང་། འོན་ཀྱང་གླེན་པས་དེ་ལྟར་མི་བྱེད་དོ།

⁸ སྐྱེ་བོ་བཟང་པོས་སྨོན་ལམ་རྒྱབ་སྐབས་གཙོ་བོ་དཀོན་མཆོག་ཐུགས་མཉེས་པར་འགྱུར། འོན་ཀྱང་མི་ངན་གྱིས་ཁོང་ལ་འཁྱེར་ཡོང་བའི་དམར་མཆོད་ལ་ཁོང་སྡང་བར་འགྱུར།

⁹ གཙོ་བོ་དཀོན་མཆོག་མི་ངན་པ་ཚོའི་སྤྱོད་ལམ་ལ་སྡང་ངོ་། འོན་ཀྱང་དྲང་བདེན་བྱ་མཁན་ཚོ་ལ་ཁོང་གིས་བྱམས་པར་མཛད་དོ།

¹⁰ ཁྱོད་ཀྱིས་ནོར་འཁྲུལ་བྱེད་པ་ཡིན་ན། ཁྱོད་ལ་ཉེས་ཆད་ཚབ་ཆེ་གཏོང་བར་འགྱུར། ཁྱོད་རང་ཉིད་ཀྱིས་བཅུན་པར་མ་ཉན་ན་ཁྱོད་འཆི་བར་འགྱུར་རོ།

¹¹ དམྱལ་མཁམས་ཀྱིས་ཀྱང་དེ་གའི་གཏམ་རྣམས་གཙོ་བོ་དཀོན་མཆོག་ནས་བཀག་མི་ཐུབ། དེ་བས་ན་མི་ཞིག་གིས་རང་གི་བསམ་བློ་དེ་དཀོན་མཆོག་ལས་ཇི་ལྟར་བཀག་ཐུབ་བམ།

¹² ང་རྒྱལ་ཅན་གྱི་སྐྱེ་བོས་བཅུན་པ་ལ་མི་དགའ་བ་དང་། དེ་ཚོས་ཤེས་རབ་ཆེ་བ་ཚོ་ལས་བསླབ་བྱ་ནམ་ཡང་མི་ལེན་ནོ།

¹³ མི་ཚོ་དགའ་ན་འཛུམ་སྟོན་བྱེད་པ་དང་། འོན་ཀྱང་དེ་ཚོ་སྐྱོ་སྐབས་ཡིད་སྨུག་མཐོང།

¹⁴ རིགས་པ་ཅན་གྱི་མི་རྣམས་ནི་སྦྱངས་འདོད་ཡོད། འོན་ཀྱང་མི་གླེན་པ་རྣམས་ནི་རྨོངས་པར་འཚིམ་པར་འགྱུར་རོ།

¹⁵ དབུལ་པོའི་མི་ཚེ་དེ་བཞིན་གཏན་གྱི་འཐབ་རྩོད་ཞིག་ཡིན་པ་དང་། འོན་ཀྱང་དགའ་སྐྱིད་ལྡན་པའི་མི་ནི་རྟག་ཏུ་མི་ཚེར་དགའ་སྤྲོ་བྱེད་དོ།

¹⁶ ཕྱུག་པོར་འགྱུར་ནས་དཀའ་སྡུག་ཅན་ནང་ཚུད་པ་ལས། དབུལ་ཞིང་གཙོ་བོ་དཀོན་མཆོག་ལ་འཇིགས་རྒྱུ་དེ་ནི་ལེགས་པ་ཡིན་ནོ།

¹⁷ སྡང་པོས་ཁེངས་སར་ལེགས་ཤོས་ཤ་ཟ་བ་ལས། ཁྱོད་ཀྱིས་བརྩེ་བའི་མི་མཉམ་ངོ་ཚལ་ཟ་བ་དེ་ལེགས།

¹⁸ རླུང་ལངས་པོས་རྩོད་པ་བཟོ་བ་དང་། འོན་ཀྱང་བཟོད་སེམས་ཅན་གྱིས་ཞི་བདེ་བྱིན།

¹⁹ ལེ་ལོ་ཅན་ལ་གང་སར་དཀའ་ངལ་འཕྲད། འོན་ཀྱང་དྲང་ལྡན་ཅན་ལ་དཀའ་སྡུག་མི་འཕྲད་དོ།

²⁰ ཤེས་རབ་ལྡན་པའི་བུ་ཡི་རང་གི་ཕ་ལ་དགའ་བདེར་འཇོག། རང་གི་མ་ལ་བརྙས་བཅོས་བྱེད་མཁན་དེ་གླེན་པ་ཡིན།

²¹ སྐྱེ་བོ་གླེན་པ་ཚོ་ཡིས་རང་གི་གླེན་སྤྱོད་དེ་ལ་དགའ། འོན་ཀྱང་ཤེས་རབ་ལྡན་པས་དྲང་པོ་ཇི་ཡིན་བྱེད་པར་འགྱུར།

²² བསླབ་བྱ་ཇི་ཡོད་ལེན་ན་ཁྱོད་ལ་ལམ་ལྷོང་ཡོང་། བསླབ་བྱ་མེད་ན་བསམ་དོན་གྲུབ་མི་ཡོང་།

²³ འོས་པའི་དུས་སུ་འོས་པའི་གཏམ་ཚིག་རྙེད་པ་དེར། དགའ་བ་ཧ་ཅང་ཆེན་པོ་ཡོད་དོ།

²⁴ ཤེས་རབ་ལྡན་པའི་མི་ཚོ་ཡར་ཕྱོགས་སུ་འགྲོ་བའི་ལམ་འགྲོ་བ་ལས། མར་ཕྱོགས་སུ་འཆི་བའི་ལམ་དུ་འཁྲིད་སར་མི་འགྲོའོ།

²⁵ སྐྱེ་བོ་ང་རྒྱལ་ཅན་ཚོའི་ཁྱིམ་རྣམས་ནི། གཙོ་བོ་དཀོན་མཆོག་ཁོང་གིས་འཇིགས་པར་མཛད། འོན་ཀྱང་ཡུག་མོའི་རྒྱུ་ནོར་སྐྱབས་པར་མཛད།

²⁶ གཙོ་བོ་དཀོན་མཆོག་ཁོང་གིས་བསམ་བློ་ངན་པར་སྡང་། འོན་ཀྱང་མཛའ་བརྩེའི་གཏམ་ལ་ཁོང་ཐུགས་མཉེས།

²⁷ ཁྱོད་ཀྱིས་དྲང་མིན་མཁེ་སང་ལེན་པར་ཐབས་བྱས་ན་ཁྱོད་ཀྱི་ཁྱིམ་ཚང་དཀའ་སྡུག་ངང་དུ་འཚུད། ལྐོག་རྔན་མ་ལངས་ཁྱོད་ནི་ཚེ་རིང་གནས་པར་འགྱུར།

²⁸ བཟང་པོའི་མི་ཚོས་ལན་འདེབས་སྔོན་དུ་བསམ་བློ་བཏང་། ངན་པ་ཚོས་ལན་མགྱོགས་པོ་སྤྲད་ན་ཡང་དེས་དཀའ་སྡུག་བཟོའོ།

²⁹ བཟང་པོའི་མི་ཚོས་སྨོན་ལམ་བཏབ་པ་དེ། གཙོ་བོདཀོན་མཆོག་ཁོང་གིས་གསན་པར་མཛད། འོན་ཀྱང་ཁོང་གིས་ངན་པར་སྣང་མེད་མཛད།

³⁰ དགའ་ངོམ་ཅན་གྱི་གདོང་པས་ཁྱོད་ནི་དགའ་བར་བྱེད། འཕྲིན་བཟང་གི་ཁྱོད་བློ་བདེ་བར་བཟོའོ།

³¹ ཁྱོད་ལ་བཅུན་སྐབས་དོ་སྣང་བྱས་པས་ན། ཁྱོད་ཤེས་རབ་དང་ལྡན་པ་ཡིན།

³² ཁྱོད་ཀྱིས་སྦྱོང་རྒྱུར་ཁས་ལེན་མ་བྱས་པ་ཡིན་ན། ཁྱོད་ཀྱིས་རང་ལ་རྨས་བཞིན་ཡོད། ཁྱོད་ལ་བཅུན་པར་ངོས་ལེན་བྱས་པས་ན། ཁྱོད་ཤེས་རབ་ཅན་དང་ལྡན་པར་འགྱུར།

³³ གཙོ་བོ་དཀོན་མཆོག་ལ་མོས་གུས་ཞུ་བ་དེ་ནི་སློབ་སྦྱོང་ཞིག་ཡིན་ནོ། ཁྱོད་ལ་གུས་བཀུར་ཐོབ་པའི་སྔོན་དུ་ཁྱོད་རང་ཉམ་ཆུང་བྱ་དགོས་སོ༎