ལེགས་བཤད 11 - Tibetan Old Testament 2011

¹ དྲང་པོ་མ་ཡིན་པའི་རྒྱ་མ་བེད་སྤྱོད་བྱ་མཁན་གྱི་མི་ལ་གཙོ་བོ་དཀོན་མཆོག་སྡང་བ་དང་། ཁོང་ནི་ལྗིད་ཚད་དྲང་པོ་ལ་མཉེས་པ་ཡིན་ནོ།

² སྤོབ་པ་ཅན་གྱི་མི་ཚོས་མགྱོགས་པོར་དམའ་འབེབས་བྱེད་པ་དང་། དམའ་ས་བཟུང་མཁན་ནི་ཤེས་རབ་དང་ལྡན་པ་ཡིན།

³ ཁྱོད་བཟང་པོ་ཡིན་ན་དྲང་བདེན་གྱིས་ཁྱོད་ལ་ལམ་སྟོན་བྱེད་ཡོང་། བློས་མི་འཁེལ་བའི་མི་རྣམས་ནི་རང་གི་དྲང་མིན་གྱིས་འཇིགས་པར་བྱེད་དོ།

⁴ ཁྱོད་འཆི་བ་དང་འཕྲད་སྐབས་སུ་རྒྱུ་ནོར་གྱིས་ཕན་མི་ཐོག། འོན་ཀྱང་དྲང་པོས་ཁྱོད་ཀྱི་སྲོག་སྐྱོབ་པར་བྱེད་དོ།

⁵ དྲང་བདེན་གྱི་མི་བཟང་པོའི་མི་ཚེ་ལས་སླ་བ་བཟོ་བ་དང་། མི་ངན་པས་རང་རྒུད་པར་བྱེད་དོ།

⁶ དྲང་བདེན་གྱི་མི་དྲང་པོ་སྐྱོབ་པར་བྱེད་དོ། འོན་ཀྱང་བློས་བཀལ་མི་ཐུབ་པའི་མི་འབའ་ཞིག་རང་ཉིད་ཀྱི་སེར་ནའི་རྙི་ནང་འཚུད་པར་བྱེད་དོ།

⁷ མི་ངན་པ་འཆི་སྐབས་ཁོའི་རེ་བ་ཡང་འཆི་བར་འགྱུར། ནོར་ལ་བློས་བཀལ་བས་ཕན་མི་ཐོག་གོ།

⁸ དྲང་བདེན་རྣམས་དཀའ་ངལ་ལས་སྐྱབས་ཡོད་པ་དང་། དེའི་ཚབ་ཏུ་དཀའ་ངལ་དེ་ངན་པར་ཕོག་པར་འགྱུར་རོ།

⁹ དཀོན་མཆོག་ཡོད་པ་ཁས་མི་ལེན་མཁན་གྱི་མིའི་གཏམ་གྱིས་ཁྱོད་འཇིགས་པར་བྱེད་དོ། འོན་ཀྱང་དྲང་བདེན་གྱི་ཤེས་རབ་ཀྱིས་ཁྱོད་སྐྱབས་པར་བྱེད་དོ།

¹⁰ མི་དྲང་པོ་ཚོ་དབང་ཐང་ཡག་པོ་ཡོད་སྐབས་གྲོང་ཁྱེར་ཞིག་དགའ་བདེར་འགྱུར་བ་དང་། མི་ངན་པ་འཆི་སྐབས་དགའ་བའི་སྐད་འབོད་བྱེད་དོ།

¹¹ མི་དྲང་པོ་ཚོས་བྱིན་རླབས་སྤྲད་སྐབས་གྲོང་ཁྱེར་ཞིག་བརླབས་ཆེན་དུ་འགྱུར་རོ། འོན་ཀྱང་མི་ངན་པའི་གཏམ་གྱིས་གྲོང་ཁྱེར་འཇིགས་པར་བྱེད་དོ།

¹² གཞན་ཚོར་བརྙས་བཅོས་ཀྱི་གཏམ་གླེང་བྱ་རྒྱུ་དེ་གླེན་པ་ཡིན་པ་དང་། ཁྱོད་རང་བསམ་ཤེས་ཡོད་ན་ཁྱོད་ཁ་རོག་དགོས་སོ།

¹³ ཁབ་ལས་ཤོད་མཁན་མི་ལ་གསང་གཏམ་དེ་བློས་བཀལ་ནས་ཤོད་མི་ཐུབ་བོ། འོན་ཀྱང་ཡིད་ཆེས་ཅན་ལ་སྙིང་གཏམ་བློས་བཀལ་ཐུབ།

¹⁴ རྒྱལ་ཁབ་ཞིག་ལ་ལམ་སྟོན་བྱ་མཁན་མེད་ན་རྒུད་པར་འགྱུར། སློབ་སྟོན་པ་མང་བ་དེ་སྲུང་སྐྱོབ་ཡིན་ནོ།

¹⁵ ཁྱོད་ཀྱིས་ངོ་མི་ཤེས་པའི་མི་ཞིག་གི་བུ་ལོན་སྤྲོད་རྒྱུར་ཁས་ལེན་བྱས་པ་ཡིན་ན། ཁྱོད་འགྱོད་པ་སྐྱེས་པར་འགྱུར། ཁྱོད་ཀྱིས་དེ་དང་འབྲེལ་བ་མ་བྱས་པར་གནས་ཐུབ་ན་ཧ་ཅང་ལེགས་པ་ཡིན་ནོ།

¹⁶ བཀའ་དྲིན་ཅན་བུད་མེད་ལ་གུས་ཞབས་བྱེད་དོ། འོན་ཀྱང་བུད་མེད་སྤྱོད་ལམ་བཟང་པོ་མེད་མཁན་དེ་ཞབས་འདྲེན་པ་ཡིན་ནོ། ལེ་ལོ་ཅན་གྱི་མི་ལ་དངུལ་ནམ་ཡང་མི་ཡོང་བ་དང་། འོན་ཀྱང་མི་ཨུ་ཚུགས་ཚ་པོ་ཕྱུག་པོར་འགྱུར་རོ།

¹⁷ ཁྱོད་སྙིང་རྗེ་ཅན་ཡིན་ན་རང་ལ་ཕན་ཐོག་བྱེད་བཞིན་ཡོད་པ་དང་། ཁྱོད་སྡུག་རྩུབ་ཅན་ཡིན་ན་ཁྱོད་རང་ཉིད་ལ་གནོད་སྐྱོན་བཏང་བར་འགྱུར་རོ།

¹⁸ མི་ངན་པ་ལ་དན་དམ་དུ་ཕན་ཐོག་གང་ཡང་ཐོབ་མི་ཡོང། འོན་ཀྱང་དྲང་བདེན་གྱིས་པ་ཡིན་ན། ཏན་ཏན་ཁྱོད་ལ་གསོལ་རས་ཐོབ་པར་འགྱུར།

¹⁹ སུ་ཞིག་དྲང་པོ་བྱ་རྒྱུར་ཐག་ཆོད་བྱས་ན་འཚོ་བར་འགྱུར་རོ། འོན་ཀྱང་སུ་ཞིག་གིས་ནོར་འཁྲུལ་བྱ་རྒྱུར་ནན་བསྐུལ་བྱས་ན་འཆི་བར་འགྱུར།

²⁰ གཙོ་བོ་དཀོན་མཆོག་གིས་ངན་སེམས་ཡོད་མཁན་ཚོར་སྡང་བར་མཛད་པ་དང་། དྲང་པོ་བྱ་མཁན་ཚོར་ཐུགས་བརྩེ་བར་མཛད་དོ།

²¹ སྐྱེ་བོ་ངན་པ་ཚོར་ཉེས་ཆད་གཏོང་རྒྱུར་ཁྱོད་རང་ཡིད་ཆེས་བྱེད་ཆོག འོན་ཀྱང་སྐྱེ་བོ་དྲང་ལྡན་ཚོ་ཐར་བར་འགྱུར་རོ།

²² བློ་གྲོས་བཟང་པོ་མེད་པའི་བུད་མེད་ཀྱི་མཛེས་སྡུག་ནི། ཕག་པའི་སྣ་ལ་གསེར་གྱི་ཨ་ལོང་བཏག་པ་ལྟ་བུ་ཡིན་ནོ།

²³ མི་བཟང་པོ་ཚོས་འདོད་པའི་མཐའ་མ་དེ་འབྲས་བུ་རྟག་ཏུ་བཟང་པོ་བྱུང་བ་དང་། འོན་ཀྱང་ངན་པ་ཚོ་ལ་ཁོས་འདོད་པ་ལྟར་བྱུང་བ་ཡིན་ན། ཚང་མ་ཁྲོ་བར་འགྱུར་རོ།

²⁴ སྐྱེ་བོ་འགའ་ཞིག་གིས་དངུལ་འཕང་མེད་འགྲོ་སོང་བཏང་ན་ཡང་ད་དུང་ཕྱུག་པོར་འགྲོ་བཞིན་ཡོད། གཞན་ཚོས་སེར་སྣ་བྱས་ན་ཡང་ད་དུང་དབུལ་བར་འགྱུར།

²⁵ གཏོང་ཕོད་ཅན་གྱི་ཁྱོད་ལ་འཕེལ་རྒྱས་ཡོང་བ་དང་། གཞན་ལ་རོགས་གྱིས་པ་ཡིན་ན་ཁྱོད་ལ་ཡང་རོགས་ཐོབ་པར་འགྱུར་རོ།

²⁶ བཟའ་བཅའི་འབྲུ་གསོགས་འཇོག་གྱིས་རིང་གོང་མཐོ་པོའི་ཆེད་དུ་སྒུག་མཁན་ཚོ་ལ་མི་མང་གིས་དམོད་པར་བྱེད་དོ། འོན་ཀྱང་དེ་ཚོར་རྒྱུར་འདོན་མཁན་ཚོ་ལ་བསྟོད་པར་བྱེད་དོ།

²⁷ ཁྱོད་ཀྱི་དམིགས་ཡུལ་དེ་བཟང་པོ་ཡོན་ན་ཁྱོད་ལ་གུས་ཞབས་བྱེད་དོ། འོན་ཀྱང་ཁྱོད་ཀྱིས་དཀའ་ངལ་འཚོལ་བ་ཡིན་ན་ཁྱོད་ལ་དེ་ལྟར་ཐོབ་པར་འགྱུར།

²⁸ རང་གི་རྒྱུ་ནོར་ལ་བློས་འགེལ་མཁན་ཚོ་སྟོན་ཀའི་ལོ་མ་ལྟར་མར་ཟག་པར་འགྱུར། འོན་ཀྱང་དྲང་བདེན་རྣམས་ནི་དབྱར་གྱི་ལོ་མ་ལྟར་འཕེལ་རྒྱས་འགྲོའོ།

²⁹ རང་གི་ཁྱིམ་ལ་དཀའ་སྡུག་བཟོ་མཁན་དེ་ཚོ་མཐའ་མར་གང་ཡང་མེད་པར་འགྱུར། མི་གླེན་པ་ནི་རྟག་ཏུ་ཤེས་རབ་ལྡན་པའི་གཡོག་པོར་འགྱུར་རོ།

³⁰ དྲང་བདེན་གྱིས་སྲོག་བྱིན་ན་ཡང་དྲག་པོས་དེ་འཁྱེར་བར་བྱེད་དོ།

³¹ བཟང་པོ་ཡིན་པ་ཚོར་ས་གཞིར་བྱ་དགའ་བྱིན་པ་དང་། དེ་བས་ན་ཁྱོད་ཀྱིས་ངན་པ་དང་སྡིག་ཅན་ལ་ཉེས་ཆད་གཏོང་རྒྱུ་ཡིན་པར་ངེས་གཏན་བྱོས་ཤིག།