གྲངས་ཀ 2 - Tibetan Old Testament 2011སྒར་གྱི་ནང་དུ་སྡེ་རིགས་སོ་སོའི་སྒར་བརྒྱབ་ཕྱིར་གོ་སྒྲིགས་བྱས་པ། 1 གཙོ་བོ་དཀོན་མཆོག་གིས་མོ་ཤེ་དང་ཨ་རོན་གཉིས་ལ་གཤམ་གསལ་ལྟར་བཀའ་བསྒོས་གནང་བ་ནི། 2 ཨིསི་རཱཨེལ་པ་ཚོས་སྒར་རྒྱབ་སྐབས། མི་ཚང་མས་རང་རང་སོ་སོའི་རུ་ཁག་དང་རིགས་རུས་སོ་སོའི་དར་ཆའི་འོག་ཏུ་གནས་སྡོད་བྱེད་དགོས། དེ་བཞིན་དེ་ཚོས་རང་གི་སྒར་ཡང་དབུ་གུར་དམ་པའི་མཐའ་བསྐོར་དུ་རྒྱབ་དགོས་སོ། 3-9 ཤར་ཕྱོགས་སུ་ཡ་ཧུ་དཱའི་རུ་ཁག་གི་དར་ཆའི་འོག་ཏུ་གཤམ་གསལ་ལྟར་རང་རང་སོ་སོའི་རུ་དཔོན་གྱི་མངའ་ཁོངས་སུ་སྒར་རྒྱབ་ནས་བསྡད་དགོས་སོ། སྡེ་རིགས། འགོ་དཔོན། གྲངས་འབོར། ཡ་ཧུ་དཱ། ཨམ་མི་ན་དྷབ་ཀྱི་བུ་ནཱ་ཤོན། ༧༤,༦༠༠ ཨི་ས་ཀར། ཛུ་ཨར་གྱི་བུ་ནེ་ཐ་ནེལ། ༥༤,༤༠༠ ཛེ་བུ་ལུན། ཧེ་ལོན་གྱི་བུ་ཨེ་ལི་ཨབ། ༥༧,༤༠༠ བསྡོམས: ༡༨༦,༤༠༠ ཡ་ཧུ་དཱའི་རུ་ཁག་ནི་དང་པོ་འགྲོ་དགོས། སྡེ་རིགས། འགོ་དཔོན། གྲངས་འབོར། 10-16 ལྷོ་ཕྱོགས་སུ་རུ་བྷེན་གྱི་རུ་ཁག་གི་དར་ཆའི་འོག་ཏུ་གཤམ་གསལ་ལྟར་རང་རང་སོ་སོ་སོའི་རུ་དཔོན་གྱི་མངའ་ཁོངས་སུ་སྒར་རྒྱབ་ནས་བསྡད་དགོས་སོ། སྡེ་རིགས། འགོ་དཔོན། གྲངས་འབོར། རུ་བྷེན། ཤེ་དྷུར་གྱི་བུ་ཨེ་ལི་ཛུར། ༤༦,༥༠༠ སིམ་ཨོན། ཛུ་རི་ཤད་དྷེའི་བུ་ཤེ་ལུ་མི་ཨེལ། ༥༩,༣༠༠ གྷཌ། ཌུ་ཨེལ་གྱི་བུ་ཨེལ་ཡ་སཱཕ། ༤༥,༦༥༠ བསྡོམས: ༡༥༡,༤༥༠ རུ་བྷེན་གྱི་རུ་ཁག་ནི་གཉིས་པར་འགྲོ་དགོས། སྡེ་རིགས། འགོ་དཔོན། གྲངས་འབོར། 17 མདུན་དུ་འགྲོ་བའི་རུ་ཁག་གཉིས་དང་རྒྱབ་ཏུ་ཡོང་བའི་རུ་ཁག་གཉིས་ཀྱི་བར་ལ་ལེ་ཝི་པ་ཚོས་དབུ་གུར་དམ་པ་དེ་འཁྱེར་ནས་འགྲོ་དགོས་ཤིང་། རུ་ཁག་སོ་སོའི་སྒར་གྱི་ནང་དུ་བསྡད་པ་བཞིན་གྲལ་རིམ་སྒྲིག་ནས་རང་གི་དར་ཆའི་འོག་ཏུ་འགྲོ་དགོས་སོ། 18-24 ནུབ་ཕྱོགས་སུ་ཨེཕ་ར་ཡིམ་གྱི་རུ་ཁག་གི་དར་ཆའི་འོག་ཏུ་གཤམ་གསལ་ལྟར་རང་རང་སོ་སོའི་རུ་དཔོན་གྱི་མངའ་ཁོངས་སུ་སྒར་རྒྱབ་ནས་བསྡད་དགོས་སོ། སྡེ་རིགས། འགོ་དཔོན། གྲངས་འབོར། ཨེཕ་ར་ཡིམ། ཨམ་མི་ཧུད་ཀྱི་བུ་ཨེ་ལི་ཤ་མ། ༤༠,༥༠༠ མ་ནསེ་སཱེ། པེ་དཱ་ཛུར་གྱི་བུ་གྷ་མ་ལི་ཨེལ། ༣༢,༢༠༠ བྷེན་ཡ་མིན། གྷིད་ཨོ་ནིའི་བུ་ཨ་བྷི་དན། ༣༥,༤༠༠ བསྡོམས: ༡༠༨,༡༠༠ ཨེཕ་ར་ཡིམ་གྱི་རུ་ཁག་ནི་གསུམ་པར་འགྲོ་དགོས། སྡེ་རིགས། འགོ་དཔོན། གྲངས་འབོར། 25-31 བྱང་ཕྱོགས་སུ་དཱན་གྱི་རུ་ཁག་གི་དར་ཆའི་འོག་ཏུ་གཤམ་གསལ་ལྟར་རང་རང་སོ་སོའི་རུ་དཔོན་གྱི་མངའ་ཁོངས་སུ་སྒར་རྒྱབ་ནས་བསྡད་དགོས་སོ། སྡེ་རིགས། འགོ་དཔོན། གྲངས་འབོར། དཱན། ཨམ་མི་ཤ་དྷེའི་བུ་ཨ་ཧི་ཨེ་ཛར། ༦༢,༧༠༠ ཨ་ཤེར། ཨོག་རན་གྱི་བུ་པ་གྷི་ཨེལ། ༤༡,༥༠༠ ནཕ་ཏ་ལི། ཨེ་ནན་གྱི་བུ་ཨ་ཧི་ར། ༥༣,༤༠༠ བསྡོམས: ༡༥༧,༦༠༠ དཱན་གྱི་རུ་ཁག་ནི་མཐའ་མར་འགྲོ་དགོས་པ་ཡིན་ནོ། སྡེ་རིགས། འགོ་དཔོན། གྲངས་འབོར། 32 རུ་ཁག་སོ་སོར་བྱས་ཏེ་མིང་ཐོར་བཀོད་པའི་ཨིསི་རཱཨེལ་པ་ཚོའི་སྡོམ་གྲངས་འབོར་ནི། ༦༠༣,༥༥༠ ཡོད་པ་དང་། 33 གཙོ་བོ་དཀོན་མཆོག་གིས་མོ་ཤེ་ལ་བཀའ་བསྒོས་གནང་བ་བཞིན་ལེ་ཝི་པ་རྣམས་ཀྱི་མིང་ནི་ཨིསི་རཱཨེལ་པ་བྱིངས་དང་མཉམ་དུ་མིང་ཐོར་བཀོད་མེད་པ་ཡིན་ནོ། 34 དེ་ལྟར་གཙོ་བོ་དཀོན་མཆོག་གིས་མོ་ཤེ་ལ་བཀའ་བསྒོས་ཇི་ལྟར་གནང་བ་བཞིན་ཨིསི་རཱཨེལ་པ་ཚོས་དེ་བཞིན་ཚང་མ་བྱས་སོ། རང་རང་སོ་སོའི་དར་ཆའི་འོག་ཏུ་སྒར་ས་རྒྱབ་ནས་བསྡད་ཀྱི་ཡོད་དོ། ཕྱོགས་ཐོན་བྱེད་སྐབས་ཀྱང་རང་རང་སོ་སོའི་རིགས་རུས་ཀྱི་ཁོངས་སུ་འགྲོ་བསྐྱོད་བྱེད་ཀྱི་ཡོད་དོ༎ |
Tibetan Old Testament © Bible Society of Nepal, 2011.
Nepal Bible Society