ཡེར་མི་ཡཱ 8 - Tibetan Old Testament 2011

¹ དུས་སྐབས་དེར་ཡ་ཧུ་དཱའི་རྒྱལ་པོ་ཚོ་དང་ལས་བྱེད་པ་ཚོ་དང་བླ་མ་ཚོ་དང་ལུང་སྟོན་པ་ཚོ་དང་གཞན་མི་མང་ཡེ་རུ་ཤ་ལེམ་དུ་སྡོད་པ་རྣམས་ཀྱི་རུས་པ་དུར་ཁང་ནས་འདོན་པར་བྱེད་དོ།

² དེ་ཚོ་བསྡུས་ནས་སྦས་རྒྱུའི་ཚབ་ལ་དེ་ཚོའི་རུས་པ་སའི་སྟེང་དུ་ལུད་ལུས་པ་ལྟར་འགྱུར། དེ་ཚོ་མི་མང་ཚོས་བརྩེ་བ་དང་ཞབས་ཕྱི་ཞུས་པ་དང་དེ་ཆོས་ཐུགས་བརྟག་ཞུས་པ་དང་། མཆོད་པའི་ཉི་མ་དང་ཟླ་བ་དང་སྐར་ཚོགས་ཀྱི་མདུན་དུ་བཀྲམ་པར་བྱའོ།

³ མི་རིགས་ངན་པ་འདིའི་མི་མང་ཚེ་ཐར་བ་རྣམས་ངས་དེ་ཚོ་བཀྲམ་པའི་གནས་སུ་སྡོད་མཁན་ཚོ་གསོན་པོར་སྡོད་པ་ལས་འཆི་བ་ལ་དགའོ། ང་གཙོ་བོ་དཀོན་མཆོག་ཀུན་དབང་ཅན་གྱིས་སྨྲས་པ་ཡིན་ནོ༎

སྡིག་པ་དང་ཉེས་ཆད།

⁴ གཙོ་བོ་དཀོན་མཆོག་གིས་ང་ལ། ཁོང་གི་མི་མང་ལ་འདི་ལྟར་ཤོད་ཅིག་གསུངས་སོ། མི་ཞིག་འགྱེལ་སྐབས་ཡར་ལངས་ཀྱི་མ་རེད་དམ། མི་ཞིག་གིས་ལམ་ནོར་བ་ཡིན་ན། ཕྱི་བལྟས་བྱེད་ཀྱི་མ་རེད་དམ།

⁵ དེ་ལྟར་བས་ན་ངའི་མི་མང་ཚོ་ང་ལ་ཕྱི་བལྟས་ཙམ་མ་བྱས་པར་ང་ལས་ཅིའི་ཕྱིར་ངོ་ལོག་པ་ཡིན་ནམ། ཁྱོད་ཚོ་ཁྱོད་ཚོའི་སྐུ་འདྲར་འཇུས་ནས་ངའི་སར་ཅི་ནས་མི་ལོག་པ་ཡིན་ནམ།

⁶ ངས་ཟབ་ཟབ་བྱས་ནས་ཉན་ན་ཡང་ཁྱོད་ཚོས་བདེན་པ་མི་སྨྲའོ། ཁྱོད་ཚོ་སུ་ཡང་རང་གི་སྤྱོད་ངན་ལ་འགྱོད་པ་མི་བྱེད་དོ། ཁྱོད་ཚོ་སུས་ཀྱང་ངས་ནོར་འཁྲུལ་ཅི་བྱས་ཡོད་ད་ཞེས་མ་འདྲིའོ། དམག་སར་རྟག་རྒྱུག་པ་ལྟར་ཚང་མ་རང་གི་ལམ་དུ་རྒྱུག་གོ།

⁷ བྱ་ཁྲུང་ཁྲུང་གིས་ཀྱང་ཕྱིར་ལོག་པའི་དུས་ཚོད་ཤེས་པ་དང་། ཕུག་རོན་དང་ཁུག་རྟ་དང་ཐི་བ་བཅས་ཀྱིས་གནས་སྤོ་བའི་དུས་ཚོས་ཤེས་སོ། འོན་ཀྱང་ངའི་མི་མང་ཚོ་ཁྱོད་ཚོས་ངས་ཁྱོད་ཚོར་རྒྱལ་སྲིད་སྐྱོངས་བའི་བཀའ་ཁྲིམས་མི་ཤེས་སོ།

⁸ ཁྱོད་ཚོ་ཤེས་རབ་ཅན་དང་ངའི་བཀའ་ཁྲིམས་ཤེས་མཁན་ཡིན་ཞེས་ཇི་ལྟར་བརྗོད་ཐུབ་བམ། ལྟོས་དང་བཀའ་ཁྲིམས་རྣམས་དྲང་བདེན་མེད་པའི་རྩིས་པ་རྣམས་ཀྱིས་བསྒྱུར་བཅོས་བཏང་ཡོད།

⁹ ཁྱོད་ཚོས་མི་ཤེས་རབ་ཅན་རྣམས་ངོ་ཚ་རུ་འཇུག་ཡོད། དེ་ཚོ་མགོ་འཐོམས་པ་དང་རྙི་ནང་ཚུད་ཡོད་དོ། དེ་ཚོས་ངའི་བཀའ་རྣམས་ལ་སྤངས་ཡོད་དོ། ད་ཆ་དེ་ཚོ་ལ་ཤེས་རབ་ཇི་འདྲ་ཞིག་ཡོད་དམ།

¹⁰ དེར་བརྟེན་ངས་དེ་ཚོའི་ཞིང་ཀ་རྣམས་བདག་པོ་གསར་པ་དང་། ཆུང་མ་ཚོ་ཁྱོ་གཞན་ཚོར་སྤྲད་དོ། ཆེ་ཆུང་ཚང་མས་དྲང་བདེན་མིན་པར་དངུལ་གསོག་འཇོག་བྱེད་དོ། ལུང་སྟོན་པ་དང་བླ་མ་ཚོས་ཀྱང་མི་མང་ལ་མགོ་བསྐོར་བཏང་ངོ་།

¹¹ དེ་ཚོས་ངའི་མི་མང་གི་རྨ་རྣམས་སྦར་ཤས་རྒྱབ་ཤུལ་གཅིག་པོ་ཡིན་པ་ལྟར་བྱེད་དོ། དེ་ཚོས་ཚང་མ་ལེགས་པར་མེད་ན་ཡང་ལེགས་པར་ཡོད་ཅེས་ཟེར་རོ།

¹² ངའི་མི་མང་ཚོ་ཁྱོད་ཚོས་སྐྱུག་བྲོའོ་ལས་འདི་ཚོ་བྱས་རྐྱེན་ངོ་ཚ་བཞིན་མི་འདུག་གམ། ཏན་ཏན་ཁྱོད་ཚོ་རྩ་བ་ནས་ངོ་ཚ་མེད་པ་མ་ཟད། ཁྱོད་ཚོས་ངོ་ཇི་ལྟར་ཚ་བ་ཡང་མི་ཤེས་སོ། དེར་བརྟེན་གཞན་ཚོ་འགྱེལ་བ་ལྟར་ཁྱོད་ཚོ་ཡང་འགྱེལ་བར་འགྱུར། ངས་ཁྱོད་ཚོར་ཉེས་པ་གཏོང་སྐབས་དེ་ནི་ཁྱོད་ཚོའི་མཐའ་མ་ཡིན་ཞེས་ང་གཙོ་བོ་དཀོན་མཆོག་གིས་སྨྲས་པ་ཡིན་ནོ།

¹³ སོ་ནམ་པ་ཞིག་གིས་སྟོན་ཐོག་བསྡུ་བ་ལྟར་ངས་ངའི་མི་མང་རྣམས་བསྡུ་འདོད་ཡོད། འོན་ཀྱང་དེ་ཚོ་རྒུན་འབྲུམ་མེད་པའི་རྒུན་ཤིང་དང་སེ་ཡབ་མེད་པའི་སེ་ཡབ་ཤིང་འདྲ་བ་དང་ལོ་མ་ཡང་རྙིད་ཡོད་དོ། དེ་འདྲ་སོང་ཙང་ངས་ཕྱི་མི་རྣམས་དེ་ཚོའི་ཡུལ་ལེན་དུ་བཅུག་པ་ཡིན་ནོ།

¹⁴ དཀོན་མཆོག་གི་མི་མང་ཚོས་དྲིས་པ། ང་ཚོ་ད་དུང་ཅི་ལ་འདིར་སྡོད། ང་ཚོ་གྲོང་ཁྱེར་བཙན་པོར་བཟོས་པ་ཚོའི་ནང་ལ་བྲོས་ནས་དེར་འཆིའོ། ང་ཚོའི་དཀོན་མཆོག་གཙོ་བོ་དཀོན་མཆོག་གིས་ང་ཚོར་འཆི་བར་ཁྲིམས་གཅོད་གནང་ཡོད། ཁོང་གིས་ང་ཚོར་འཐུང་བའི་དུག་གནང་ཡོད། གང་ལ་ཟེར་ན། ང་ཚོས་ཁོང་གི་སྤྱན་སྔར་སྡིག་པ་གྱིས་ཡོད་དོ།

¹⁵ ང་ཚོས་ཞི་བདེ་དང་གསོ་བའི་དུས་ཤིག་རེ་བ་ཡོད་ན་ཡང་དེ་ཕན་པ་མེད་པར་དེའི་ཚབ་ལ་འཇིགས་སྐྲག་སླེབས་ཡོད་དོ།

¹⁶ ང་ཚོའི་དགྲ་བོ་རྣམས་དཱན་གྱི་གྲོང་ཁྱེར་ནང་སླེབས་ཡོད། ང་ཚོས་དེ་ཚོའི་རྟ་སྐད་ཐོས་པར་འགྱུར། དེ་ཚོའི་རྟ་སྐད་ཀྱིས་ཡུལ་ཚང་མ་གཡོའོ། ང་ཚོའི་དགྲ་བོ་ཚོས་ང་ཚོའི་ཡུལ་དང་དེའི་ནང་ཡོད་པ་ཚང་མ་གྲོང་ཁྱེར་དང་དེའི་མི་མང་བཅས་པར་མེད་པར་བཟོ་བར་ཡོང་ངོ་།

¹⁷ གཙོ་བོ་དཀོན་མཆོག་གིས་ལྟོས་ཤིག། ངས་ཁྱོད་ཚོའི་ཁྲོད་དུ་དུག་སྦྲུལ་སྔགས་ཀྱིས་འདུལ་མི་ཐུབ་མཁན་གཏོང་རྒྱུ་དང་། དེ་ཚོས་ཁྱོད་ཚོར་སོ་རྒྱབ་ཡོང་གསུངས་སོ༎

ཁོང་གི་མི་མང་གི་དོན་ལ་ཡེར་མི་ཡཱའི་སྡུག་བསྔལ།

¹⁸ ང་ཡི་སྡུག་བསྔལ་གསོ་བར་བྱེད་མི་ཐུབ། ང་ཡི་སེམས་ཉིད་དེ་ནི་ནད་པ་ཡིན།

¹⁹ ཡུལ་ཁམས་ཡོངས་རྫོགས་ལེགས་པར་ཉོན་ཞིག་དང་། ང་ཡིས་མི་མང་རྣམས་ནི་ངུ་བ་གོ། ཛི་ཡོན་དུ་ནི་གཙོ་བོ་དཀོན་མཆོག་མེད་ཡིན་ནམ། ཛི་ཡོན་གྱི་རྒྱལ་པོ་ད་དེར་མེད་ཡིན་ནམ། གཙོ་བོ་དཀོན་མཆོག་དེ་ཚོའི་རྒྱལ་པོས་ལན་གནང་བ། ཁྱོད་ཚོས་ཁྱོད་ཚོའི་སྐུ་འདྲར་མཆོད་བཞིན་དུ། ཕ་མེས་ཕྱི་རྒྱལ་ལྷ་མདུན་ཕྱག་འཚལ་ཞིང་། ང་ལ་ཅི་ཕྱིར་ཁྱོད་ཚོའི་ཁྲོ་འཇུག་གམ།

²⁰ མི་མང་རྣམས་ནས་ངུ་འབོད་བྱས་པ་ལ། དབྱར་དུས་ཡོལ་ནས་སྟོན་ཐོག་རྔས་ཟིན་པས། ང་ཚོ་ཚང་མ་ལ་ནི་སྐྱོབས་པར་འགྱུར་མེད་དོ།

²¹ ངའི་སེམས་འཐོར་ཞིག་སོང་ཡོད་གང་ལ་ཟེར་ན། ང་ཡི་མི་མང་རྣམས་འཐོར་ཞིག་སོང་ཡོད་དོ། མྱ་ངན་བྱེད་ཅིང་ང་ལ་ཡིད་མུག་ཡོད།

²² གྷིལ་ཨད་ནང་དུ་སྨན་ཞིག་མེད་རེད་དམ། དེ་རུ་ཨེམ་ཆི་ཡོད་པ་མ་རེད་དམ། དེ་བས་ང་ཡི་མི་མང་ཅི་ཕྱིར་དྲག་མེད་དོ༎