ཡེར་མི་ཡཱ 7 - Tibetan Old Testament 2011

ཡེར་མི་ཡཱས་མཆོད་ཁང་དུ་ཆོས་བཤད་པ།

^1-3 གཙོ་བོ་དཀོན་མཆོག་གིས་ང་ལ་ཡ་ཧུ་དཱའི་མི་རྣམས་མཆོད་འབུལ་བྱེད་སའི་མཆོད་ཁང་གི་རྒྱལ་སྒོར་བཏང་གནང་བྱུང་། ཁོང་གིས་ང་དེར་ལངས་ནས་དེ་ཚོ་ལ་ཀུན་དབང་ཅན་གྱི་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གིས་བཀའ་གནང་བ་འདི་ལྟར་གསལ་སྒྲགས་བྱོས་ཤིག་གསུངས་བྱུང་། ཁྱོད་ཚོའི་སྡོད་སྟངས་དང་ལས་ཀ་བྱེད་སྟངས་ལ་བསྒྱུར་བ་གཏོང་ཞིག་དང་། ངས་ཁྱོད་ཚོ་འདིར་གནས་བཅུག་རྒྱུ་ཡིན་ནོ།

⁴ ང་ཚོ་བརྟན་པོ་ཡོད། འདི་གཙོ་བོ་དཀོན་མཆོག་གི་མཆོད་ཁང་ཡིན། འདི་གཙོ་བོ་དཀོན་མཆོག་མཆོག་གི་མཆོད་ཁང་ཡིན། འདི་གཙོ་བོ་དཀོན་མཆོག་གི་མཆོད་ཁང་རེད་ཅེས་པར་བླུ་འཁྲིད་ཀྱི་གཏམ་དེ་ཚོ་ལ་ཡིད་ཆེས་བྱ་རྒྱུ་མཚམས་འཇོགས་བྱོས་ཤིག

⁵ ཁྱོད་ཚོའི་སྡོད་སྟངས་ལ་བསྒྱུར་བ་དང་ཁྱོད་ཚོས་བྱེད་བཞིན་པའི་བྱ་བ་རྣམས་མཚམས་འཇོགས་བྱོས་ཤིག ཁྱོད་ཚོས་གཅིག་གིས་གཅིག་ལ་ཁྲིམས་དྲང་པོ་བྱོས་ཤིག།

⁶ ཕྱི་རྒྱལ་བ་དང་དྭ་ཕྲུག་དང་ཡུག་མོ་རྣམས་མཐོང་ཆུང་བྱ་རྒྱུ་མཚམས་འཇོགས་བྱོས་ཤིགལ་འདིར་མི་སྐྱོན་མེད་གསོད་རྒྱུར་མཚམས་འཇོགས་བྱེད་དགོས། ལྷ་གཞན་ལ་མཆོད་རྒྱུར་མཚམས་འཇོགས་བྱེད་དགོས། དེས་ཁྱོད་ཚོ་མེད་པར་བཟོས་ཡོང་།

⁷ ཁྱོད་ཀྱིས་ལས་ལ་བསྒྱུར་བ་བཏང་བ་ཡིན་ན་ངས་ཁྱོད་ཚོའི་ཕ་མེས་ཚོར་གཏན་གྱི་ཆེད་དུ་བདག་པར་སྤྲད་པའི་ཡུལ་འདིར་ཁྱོད་ཚོ་སྡོད་དུ་འཇུག་རྒྱུ་ཡིན་ནོ།

⁸ ལྟོས་དང་ཁྱོད་ཚོས་བསླུ་འཁྲིད་ཀྱི་གཏམ་ལ་བློ་བཅོལ་བ་དང་།

⁹ ཁྱོད་ཀྱིས་རྐུས་པ་དང་མི་གསོད་པ་དང་ལོག་གཡེམ་དང་རྫུན་གྱི་མནའ་སྐྱེལ་བ་དང་། བྷལ་ལ་དམར་མཆོད་ཕུལ་བ་དང་སྔོན་ལ་མ་ཤེས་པའི་ལྷ་ལ་མཆོད་པ་བཅས་བྱས་ཡོད།

¹⁰ ཁྱོད་ཀྱིས་ངས་མི་དགའ་བ་འདི་ཚོ་བྱེད་ཅིང་དེ་ནས་ཡོང་ནས་ངའི་མཆོད་ཁང་དུ་ངའི་དྲུང་དུ་ལངས་ནས་ང་ཚོ་བརྟེན་པོ་ཡོད་ཅེས་སོ།

¹¹ ཁྱོད་ཚོའི་བསམ་བློར་ངའི་མཆོད་ཁང་འདི་ཇག་པ་ཡིབ་པའི་ས་གནས་རེད་བསམ་གྱི་འདུག་གམ། ཁྱོད་ཚོས་ཇི་ལྟར་བྱས་པ་ངས་མཐོང་ཡོད།

¹² ངས་འདམས་པའི་མཆོད་ཡུལ་དང་པོར་ཤི་ལཱོར་སོང་ལ། ངིའ་མི་མང་ཨིསི་རཱཨེལ་གི་སྡིག་པའི་རྐྱེན་གྱིས་ངས་དེར་ཇི་འདྲ་བྱས་ཡོད་པར་ལྟོས་ཤིག

¹³ ཁྱོད་ཚོས་སྡིག་པ་འདི་ཚོ་ཚང་མ་བྱས་པ་དང་། ངས་ཁྱོད་ཚོར་ཡང་ཡང་གཏམ་གླེང་བྱས་ན་ཡང་ཁྱོད་ཚོས་ཉན་མེད། ངས་བོས་སྐབས་ཁྱོད་ཚོས་ལན་འདེབས་བྱེད་མེད་དོ།

¹⁴ དེ་འདྲ་སོང་ཙང་ངས་ཤི་ལཱོ་ལ་ཇི་ལྟར་བྱས་པ་ལྟར་ཁྱོད་ཚོས་བློ་བཅོལ་བྱ་ཡུལ་ངའི་མཆོད་ཁང་འདིར་ཡང་དེ་ལྟར་བྱ་རྒྱུ་ཡིན། ངས་ཁྱོད་ཚོའི་ཕ་མེས་ཚོ་དང་ཁྱོད་ཚོར་སྤྲད་པའི་གནས་འདིར་ངས་ཤི་ལོར་བྱ་པ་ལྟར་བྱ་རྒྱུ་ཡིན་ནོ།

¹⁵ ངས་ཁྱོད་ཚོའི་སྤུན་ཨིསི་རཱཨེལ་གྱི་མི་མང་རྣམས་ངའི་མཐོང་ཡུལ་ནས་ཕྱིར་འབུད་བྱས་པ་ལྟར་ཁྱོད་ཚོ་ཡང་ངའི་མཐོང་ཡུལ་ནས་ཕྱིར་འབུད་བྱ་རྒྱུ་ཡིན་ཞེས། ང་གཙོ་བོ་དཀོན་མཆོག་གིས་སྨྲས་པ་ཡིན་ནོ༎

བཀའ་ལ་མི་ཉན་པའི་མི་མང།

¹⁶ གཙོ་བོ་དཀོན་མཆོག་གིས། ཡེར་མི་ཡཱ་ཁྱོད་ཀྱིས་མི་མང་འདི་ཚོའི་ཆེད་དུ་སྨོན་ལམ་མ་འདེབས་ཤིག་གསུངས་སོ། དེ་ཚོའི་ཆེད་དུ་སྨྲེ་ངག་འདོན་པ་དང་སྨོན་ལམ་མ་འདེབས་ཤིག ཁྱོད་ཀྱིས་ང་ལ་ཞུ་བ་མ་འབུལ་ཞིག་ངས་ཁྱོད་ཀྱི་ཞུ་བ་ལ་ཉན་རྒྱུ་མིན་ནོ།

¹⁷ ཁྱོད་ཀྱིས་དེ་ཚོས་ཡ་ཧུ་དཱའི་གྲོང་ཁྱེར་ནང་དང་། ཡེ་རུ་ཤ་ལེམ་གྱི་རྒྱ་ལམ་གྱི་སྟེང་ཇི་འདྲ་བྱེད་བཞིན་པ་མི་མཐོང་ངམ།

¹⁸ དེ་ཚོས་མཐོ་རིས་ཀྱིི་རྒྱལ་མོ་ཞེས་འབོད་པའི་ལྷ་མོར་བག་ལེབ་བཟོ་བའི་ཆེད་དུ་ཕྲུ་གུ་ཚོས་མེ་ཤིང་སྒྲུག་པ་དང་ཁྱོད་ཚོས་མེ་སྤར་བ་དང་བུད་མེད་ཚོས་གྲོ་ཞིབ་བརྫིའོ། དེ་ཚོས་ང་ལ་གནོད་བསྐྱལ་བའི་ཆེད་ལྷ་གཞན་ལ་རྒུན་ཆང་གི་མཆོད་པ་ཡང་འབུལ་ལོ།

¹⁹ འོན་ཀྱང་དེ་ཚོས་ང་ལ་དངོས་འབྲེལ་གནོད་བསྐྱལ་གི་ཡོད་པ་རེད་དམ། མ་ཡིན། དེ་ཚོ་རང་གིས་རང་ལ་གནོད་བསྐྱལ་བ་དང་དེ་ཚོ་རང་གི་ཐོག་ཏུ་ངོ་ཚ་འབེབས་པ་ཡིན་ནོ།

²⁰ དེ་བས་ན་བླ་ན་མེད་པའི་གཙོ་བོ་དཀོན་མཆོག་གིས། མཆོད་ཁང་འདིའི་སྟེང་ངའི་ཁོང་ཁྲོ་དྲག་པོ་འབེབས་རྒྱུ་ཡིན་ནོ། ངས་དེ་ལྟར་མི་དང་སེམས་ཅན་དང་ཤིང་སྡོང་དང་སྟོན་ཐོག་ཚོའི་ཐོག་ལ་ཡང་འབེབས་རྒྱུ་ཡིན། ངའི་ཁྲོ་བ་དེ་མེ་འབར་བ་ལྟར་སུས་ཀྱང་གསོད་མི་ཐུབ་བོ།

²¹ ངའི་མི་མང་ཚོ་དམར་མཆོད་འགའ་ཤས་ཁྱོད་ཚོས་མཆོད་ཁྲིའི་སྟེང་ཆ་ཚང་སྲེག་པ་དང་། འགའ་ཤས་ཁྱོད་ཚོས་ཟ་ཆོག་པ་ཡིན། འོན་ཀྱང་ང་གཙོ་བོ་དཀོན་མཆོག་གིས་བརྗོད་རྒྱུར་དེ་ཚོ་ཚང་མ་ཁྱོད་ཚོ་རང་གི་ཟ་ཞིག

²² ངས་ཁྱོད་ཚོ་ཕ་མེས་ཚོ་ཨི་ཇིབ་ནས་འདོན་སྐབས་ངས་ཁོ་ཚོར་སྦྱིན་སྲེག་གི་མཆོད་པ་དང་ཡང་ན་གཞན་དམར་མཆོད་ཁག་སྐོར་བཀའ་གང་ཡང་སྤྲད་མེད་དོ།

²³ འོན་ཀྱང་ངས་དེ་ཚོ་ལ་ང་དེ་ཚོའི་དཀོན་མཆོག་དང་། དེ་ཚོ་ངའི་མི་མང་ལ་འགྱུར་བའི་ཆེད་ངའི་བཀའ་ལ་ཉན་དགོས་པའི་བཀའ་བཏང་ཡོད། དེ་ཚོའི་བྱ་བ་ལམ་འགྲོ་ཡོང་བའི་ཆེད་ངས་དེ་ཚོ་ལ་བཀའ་བཏང་བ་ལྟར་འཚོ་དགོས་ལུགས་བཤད་ཡོད་དོ།

²⁴ འོན་ཀྱང་དེ་ཚོས་མ་ཉན་པ་མ་ཟད་དོ་སྣང་ཡང་བྱས་མེད་དོ། དེ་ལས་ལྡོག་ཏེ་དེ་ཚོས་སེམས་གྱོང་པོ་དང་ངན་སེམས་ཀྱིས་ཇི་ལྟར་བརྗོད་པ་ལྟར་བྱས་ཡོད་པ་དང་། དེ་ཚོ་ལེགས་པའི་ཚབ་ལ་ངན་པར་འགྱུར་ཡོད།

²⁵ ཁྱོད་ཚོའི་ཕ་མེས་ཚོ་ཨི་ཇིབ་ནས་ཐོན་པའི་ཉིན་མ་ནས་དུས་དེ་རིང་གི་བར་དུ་ངས་ངའི་ཞབས་ཕྱི་ལུང་སྟོན་པ་ཚོ་མུ་མཐུད་ཁྱོད་ཚོའི་སར་བཏང་ཡོད།

²⁶ འོན་ཀྱང་སུས་ཀྱང་ཉན་མེད་པ་དང་དོ་སྣང་བྱས་མེད། དེའི་ཚབ་ལ་ཁྱོད་ཚོ་ཁྱོད་ཚོའི་ཕ་མེས་ཚོ་ལས་ལྷག་པའི་གྱོང་པོ་དང་ངོ་ལོག་མཁན་དུ་འགྱུར་ཡོད་དོ།

²⁷ དེར་བརྟེན་ཡེར་མི་ཡཱ་ཁྱོད་ཀྱིས་གཏམ་འདི་རྣམས་ཚང་མ་ངའི་མི་མང་ལ་བཤད་ན་ཡང་དེ་ཚོས་ཁྱོད་ལ་མི་ཉན། ཁྱོད་ཀྱིས་དེ་ཚོ་ལ་འབོད་ན་ཡང་ལན་འདེབས་མི་བྱེད་དོ།

²⁸ ཁྱོད་ཀྱིས་དེ་ཚོ་ལ་སྨྲོས་ཤིག། དེ་ཚོས་མི་མང་གི་དེ་ཆོའི་དཀོན་མཆོག་གཙོ་བོ་དཀོན་མཆོག་ང་ལ་མི་ཉན་པ་དང་། དེ་ཚོའི་ཉེས་ཆད་ལས་བསླབ་བྱ་མི་ལེན་བརྗོད་དོ། དམ་ཚིག་དང་ལྡན་པ་འཆི་ཡོད། སུས་ཀྱང་དེའི་སྐོར་མི་བཤད་དོ༎

ཧིན་ནོམ་གྱི་ལུང་གཤོང་དུ་བྱེད་པའི་སྡིག་པའི་ལས་རྣམས།

²⁹ ཡེ་རུ་ཤ་ལེམ་པ་ཚོ་མྱ་ངན་བྱོས་ཤིག། རང་གི་སྐྲ་དེ་བྲེག་ནས་ཕར་དབྱུགས་ཤིག། རི་སྟེང་རོ་འདོན་པའི་མགུར་མ་འདོན། གང་ཡིན་ཟེར་ན་ང་ནི་གཙོ་བོ་དཀོན་མཆོག་ཁྲོ་བཞིན་ཡོད་པ་དང། ང་ཡི་མི་མང་རྣམས་ལ་སྤངས་བ་ཡིན།

³⁰ ཡ་ཧུ་དཱའི་མི་མང་རྣམས་ནས་ངན་པའི་བྱ་བ་ཞིག་བྱས་ཡོད། དེ་ཚོས་ངས་སྡང་བར་བྱེད་པའི་དེ་ཚོའི་སྐུ་འདྲ་ངའི་མཆོད་ཁང་ནང་བཞག་པ་དང་དེ་མི་གཙང་བ་བཟོས་ཡོད་དོ།

³¹ དེ་ཚོས་དེ་ཚོའི་བུ་དང་བུ་མོ་ཚོ་མེ་ལ་དམར་མཆད་འབུལ་བའི་ཆེད། ཧིན་ནོམ་གྱི་ལུང་གཤོང་དུ་དེ་ཚོས་མཆོད་ཁྲི་ཏོ་ཕེད་ཟེར་བ་ཞིག་བརྩིགས་སོ། ངས་དེ་ཚོ་ལ་དེ་ལྟར་བྱེད་དགོས་པའི་བཀའ་བཏང་མེད། དེ་ལྟར་ངའི་སེམས་ལ་ཡང་འཁོར་མ་བྱུང་།

³² དེ་བས་ན་དེ་ལ་ཏོ་ཕེད་དམ་ཧིན་ནོམ་གྱི་ལུང་གཤོང་ཞེས་མིང་འབོད་པར་མི་འགྱུར། འོན་ཀྱང་སྲོག་གཅོད་ཀྱི་ལུང་གཤོང་ཞེས་འབོད་པའི་དུས་ཤིག་ཡོང་། དེ་ཚོས་མི་མང་དེར་སྦས་པར་བྱེད་དོ། གང་ལ་ཟེར་ན། སྦས་པའི་ས་ཁུལ་གཞན་གང་དུ་ཡང་མེད་པ་ཡིན་ནོ།

³³ རོ་རྣམས་བྱ་དང་གཅན་གཟན་གྱི་ཟས་སུ་འགྱུར་བ་དངདེར་དེ་ཚོ་དཀྲོག་མཁན་སུ་ཡང་མེད་དོ།

³⁴ ཡུལ་དེ་ལུང་སྟོང་ཞིག་ཏུ་འགྱུར་ཡོང་། ངས་ཡ་ཧུ་དཱའི་གྲོང་ཁྱེར་ཁག་ནང་དང་ཡེ་རུ་ཤ་ལེམ་གྱི་རྒྱ་ལམ་སྟེང་སྐྱིད་པ་དང་དགའ་བའི་སྒྲ་དང་ཆང་སའི་ཐུགས་སྤྲོའི་དགའ་སྒྲ་མེད་པར་བཟོ་རྒྱུ་ཡིན་ནོ༎