ཡེར་མི་ཡཱ 13 - Tibetan Old Testament 2011

ཀ་ཅིའི་རས་ཀྱི་སྐེ་རག།

¹ གཙོ་བོ་དཀོན་མཆོག་གིས་ང་ལ་སོང་ནས། རེས་ཀ་ཤི་ཀའི་སྨད་གོས་ཉོས་ནས་གྱོན་དགོས་པའི་བཀའ་གནང་བ་དང་། འོན་ཀྱང་དེ་ཆུའི་ནང་དུ་མ་སྦང་ཞེས་བཀའ་གནང་བྱུང་།

² དེ་འདྲ་སོང་ཙང་ང་སོང་ནས་དེ་ཉོས་ནས་གྱོན་པ་ཡིན།

³ དེ་ནས་གཙོ་བོ་དཀོན་མཆོག་གིས་ང་ལ་ཡང་སྐྱར་བཀའ་གནང་བ།

⁴ གཙང་པོ་ཡུབ་རད་ལ་སོང་ལ་བྲག་གི་ཨི་ཁུང་ནང་སྨད་གོས་དེ་སྦས་ཤིག་ཅེས་བཀའ་གནང་ངོ་།

⁵ དེ་འདྲ་སོང་ཙང་ང་ཕྱིན་ནས་དེ་ཡུབ་རད་གཙང་པོ་ཉེ་འཁྲིས་སུ་སྦས་པ་ཡིན།

⁶ དེ་ནས་དུས་ཚོད་ཡུན་རིང་རྗེས་གཙོ་བོ་དཀོན་མཆོག་གིས་ང་ལ། གཙང་པོ་ཡུབ་རད་ལ་སོང་ནས་སྨད་གོས་དེ་ལེན་ཞིག་གསུངས་བྱུང་།

⁷ དེ་ནས་ང་ཕྱིར་སོང་ནས་དེ་ཚོ་སྦས་པའི་ས་ཁུལ་དེ་རྙེད་སྐབས་དེ་ཚོ་འཕྲོག་སླག་ཕྱིན་ནས་ཕན་མེད་དུ་འགྱུར་འདུག་གོ

⁸ དེ་ནས་གཙོ་བོ་དཀོན་མཆོག་གི་ང་ལ་ཡང་སྐྱར་བཀའ་གནང་བྱུང་།

⁹ ངས་ཡ་ཧུ་དཱའི་སྤོབ་པ་དང་ཡེ་རུ་ཤ་ལེམ་གྱི་སྤོབ་པ་ཆེན་པོ་དེ་ཚོ་དེ་ལྟར་མེད་པར་བཟོ་རྒྱུ་ཡིན།

¹⁰ མི་ངན་དེ་ཚོས་ངའི་བཀའ་ལ་མ་ཉན་ཞིང་། དེ་ཚོ་སྔར་ལྟར་གྱོང་པོ་དང་སྤྱོད་ངན་དུ་གནས་ནས་ལྷ་གཞན་ཚོར་མཆོད་པ་དང་ཞབས་ཕྱི་ཞུ་ཡོད། དེར་བརྟེན་དེ་ཚོ་ད་ནས་ཟུང་སྨད་གོས་དེ་བཞིན་ཕན་མེད་དུ་འགྱུར་རོ།

¹¹ སྨད་གོས་དེ་ཚོ་སྐེ་པར་དམ་པོར་གནས་པ་ལྟར་ཨིསི་རཱཨེལ་དང་ཡ་ཧུ་དཱ་པའི་མི་མང་རྣམས་ནས་ང་ལ་དམ་པོར་བཟུང་བར་འདོད་དོ། ངས་དེ་ལྟར་བྱེད་དོན་ནི་དེ་ཚོ་ངའི་མི་མང་ལ་འགྱུར་བ་དང་ངའི་མཚན་ལ་བསྟོད་པ་དང་མཆེ་མཐོང་ཡོང་ཕྱིར་ཡིན། འོན་ཀྱང་དེ་ཚོས་ངའི་བཀའ་ཉན་མེད་དོ༎

རྒུན་ཆང་གི་བུམ་པ།

¹² དཀོན་མཆོག་གཙོ་བོ་དཀོན་མཆོག་གིས་ང་ལ་བཀའ་གནང་བ། ཡེར་མི་ཡཱ་ཨིསི་རཱཨེལ་གྱི་མི་མང་ཚོར་རྒུན་ཆང་གི་བུམ་པ་རྣམས་རྒུན་ཆང་གིས་བཀང་བ་ཞིག་བྱུང་དགོས་ཅེས་སྨྲོས་ཤིག དེ་ཚོས་དེ་ལྟར་ལན་སྤྲད་བརྒྱབ་ཡོང་རྒུན་ཆང་གི་བུམ་པར་རྒུན་ཆང་གིས་བཀང་དགོས་པའི་ང་ཚོས་ཤེས་ཀྱི་ཡོད།

¹³ དེ་ནས་དེ་ཚོ་ལ་ང་གཙོ་བོ་དཀོན་མཆོག་གིས་དཱ་བིད་ཀྱི་བརྒྱུད་པའི་རྒྱལ་པོ་ཚོ་དང་བླ་མ་དང་ལུང་སྟོན་པ་ཚོ་དང་ཡེ་རུ་ཤ་ལེམ་གྱི་མི་མང་རྣམས་དང་བཅས་པ་ཡུལ་འདིའི་མི་མང་ཚོ་རྒུན་ཆང་གི་ར་མ་བཟ་བར་དུ་འཐུང་རྒྱུ་ཡིན་སྨྲོས་ཤིག་ཅས་ང་གཙོ་བོ་དཀོན་མཆོག་གིས་སྨྲས་པ་ཡིན་ནོ།

¹⁴ དེ་ནས་ངས་དེ་ཚོ་བུམ་པ་ལྟར་རྒན་པ་དང་ན་གཞོན་འདྲ་མཉམ་གཅིག་གིས་གཅིག་ལ་བཞུས་ནས་གཅོག་རྒྱུ་ཡིན། དེ་ཚོ་གསོད་པར་ང་ལ་བྱམས་བརྩེ་དང་སྙིང་རྗེ་བཅས་གང་གི་ཀྱང་འགོག་མི་ཐུབ་ཅེས་སོ༎

ཡེར་མི་ཡཱས་ང་རྒྱལ་བྱ་རྒྱུ་ལས་ཉེན་བརྡ།

¹⁵ ཨིསི་རཱཨེལ་པ་ཡི་མི་མང་ཚོ། གཙོ་བོ་དཀོན་མཆོག་ཁོང་གིས་བཀའ་གནང་བ། ཉམས་ཆུང་བྱས་ནས་ཁོང་ལ་ཉན་པར་གྱིས།

¹⁶ ཁོང་གིས་མུན་ནག་འཁྱེར་ཡོང་བའི་སྔོན། ཁྱོད་ནི་རི་སྟེང་བརྡབ་པའི་སྔོན་དུ་དང་། ཁྱོས་ཀྱིས་རེ་བ་བྱེད་པའི་འོད་དེ་བཞིན། ཁོང་གིས་མུན་པར་བསྒྱུར་བའི་སྔོན། ཁྱོད་ཀྱིས་གཙོ་བོ་དཀོན་མཆོག་ཁྱོད་ཀྱི་དཀོན་མཆོག་ལ་ཆེ་བསྟོད་ཞུས།

¹⁷ གལ་སྲིད་ཁྱོད་ཀྱིས་ཉན་པར་མ་བྱས་ན། ཁྱོད་ཀྱི་ང་རྒྱལ་ཆེ་བའི་རྐྱེན་གྱིས་ནི། ང་ནི་གསང་བའི་གནས་སུ་ངུ་བར་བྱ། ང་ནི་རབ་ཏུ་ངུ་བའི་མིག་ཆུ་རྒྱུགས། གང་ལ་ཟེར་ན་གཙོ་བོ་དཀོན་མཆོག་གིས། མི་མང་རྣམས་ནི་བཙོན་པར་འཁྲིད་ཟིན་ནོ།

¹⁸ གཙོ་བོ་དཀོན་མཆོག་གིས་ང་ལ་བཀའ་གནང་བ། རྒྱལ་པོ་དང་ཁོང་གི་ཡུམ་ལ་སྨྲོས་ཤིག། ཁྲི་ནས་མར་བབས་ཤིག་གང་ལ་ཟེར་ན། དེ་ཚོའི་ཡིད་དུ་འོང་བའི་ཅོད་པན་དེ་ཚོ་མགོ་ནས་མར་ཟག་ཡོད།

¹⁹ ཡ་ཧུ་དཱའི་ལྷོ་ཕྱོགས་ཀྱི་གྲོང་ཁྱེར་རྣམས་མཐའ་བསྐོར་ཡོད། སུ་ཡང་དེ་ཚོའི་སར་འགྲོ་མི་ཐུབ། ཡ་ཧུ་དཱ་པའི་མི་མང་རྣམས་བཙན་བྱོལ་དུ་འཁྲིད་ཡོད་དོ།

²⁰ ཡེ་རུ་ཤ་ལེམ་ལྟོས་ཤིག། བྱང་ཕྱོགས་ནས་ཁྱོད་ཀྱི་དགྲ་བོ་རྣམས་ཡོང་བཞིན་འདུག། ཁྱོད་ཚོས་སྤོབ་པ་བྱེད་པའི་མི་མང་དང་ཁྱོད་ཚོས་བལྟ་རྟོགས་བློ་བཅོལ་བྱེད་པ་ཚོ་གང་དུ་ཡོད་དམ།

²¹ ཁྱོད་ཚོས་གྲོགས་པོ་ཡིན་བསམ་པའི་མི་ཚོས་ཁྱོད་ཚོའི་སྟེང་དུ་དབང་བསྒྱུར་བྱས་པ་ཡིན་ན། ཁྱོད་ཚོས་ཅི་བརྗོད་དམ། ཁྱོད་ལ་བུད་མེད་སྐྱེ་ཟུག་གིས་མནར་བ་ལྟར་ན་ཟུག་རྒྱབ་པར་འགྱུར་རོ།

²² དེ་ལྟར་ཅིའི་ཕྱིར་ཁྱོད་ལ་བྱུང་བ་དང་། ཁྱོད་ཀྱི་གོས་རྣམས་ཅི་ལ་རལ་བ་དང་། ཁྱོད་ལ་བཙན་གཡེམ་བྱས་པ་རེད་དམ་ཟེར་ཁྱོད་ཀྱིས་འདྲིས་པ་ཡིན་ན། ཁྱོད་ཀྱི་སྡིག་པ་རྣམས་ཧ་ཅང་འཇིགས་སུ་རུང་བ་ཡོད་སྟབས་དེའི་རྐྱེན་གྱིས་ཡིན་ནོ།

²³ མི་ནག་པོ་ཞིག་གིས་རང་གི་ཤ་མདོག་བསྒྱུར་ཐུབ་བམ། གཟིག་གི་པགས་པའི་ཐིག་ལེ་བསྒྱུར་ཐུབ་བམ། དེ་རྣམས་ཐུབ་པ་ཡིན་ན་ཁྱོད་ངན་པ་བྱེད་མཁན་ཚོ་ཡང་དྲང་བདེན་བྱ་རྒྱུ་སྦྱོངས་ཐུབ་བོ།

²⁴ གཙོ་བོ་དཀོན་མཆོག་གིས། ཁྱོད་ཚོ་བྱེ་ཐང་གི་རླུང་གི་སོག་མ་འཁྱེར་བ་ལྟར་སྟོར་བར་མཛད་དོ།

²⁵ ཁོང་གིས་དེ་ནི་ཁྱོད་ཀྱི་སྐལ་བ་ཡིན་གསུངས་ཡོད། ཁྱོད་ཚོས་ཁོང་བརྗེད་པ་དང་ལྷ་རྫུན་མ་ཚོར་བློ་བཅོལ་བྱས་སྐབས་ཁོང་གིས་ཁྱོད་ཚོར་དེ་ལྟར་མཛད་རྒྱུ་ཐུགས་ཐག་བཅད་པ་ཡིན་ནོ།

²⁶ གཙོ་བོ་དཀོན་མཆོག་རང་ཉིད་ཀྱིས། ཁྱོད་ཚོའི་གོས་རྣམས་ཤུས་ནས་ཁྱོད་ཚོ་ངོ་ཚ་རུ་འཇུག་གནང་གི་རེད།

²⁷ ཁྱོད་ཚོས་ཁོང་གི་ཐུགས་མ་མཉེས་པ་བྱེད་པ་རྣམས་ཁོང་གིས་གཟིགས་ཡོད། མི་ཞིག་གིས་རང་གི་ཁྱིམ་མཚེས་ཀྱི་ཆུང་མ་ལ་འདོད་ཆགས་བྱས་པ་ལྟར་དང་། ཡང་ན་རྟ་ཕོ་ཞིག་གིས་རྟ་རྒོས་མར་བྱས་པ་ལྟར་ཁྱོད་ཚོ་རི་སྟེང་དང་ཞིང་གར་ཡོད་པའི་ཕྱི་པའི་ལྷ་ཚོའི་རྗེས་སུ་སོང་བ་ཁོང་གིས་གཟིགས་ཡོད། ཡེ་རུ་ཤ་ལེམ་གྱི་མི་མང་ཁྱོད་ཚོ་འཇིགས་ཡོད། ཁྱོད་ཚོ་གཅང་མར་ནམ་འགྱུར་རམ༎