ཨེསེ་ཐར 7 - Tibetan Old Testament 2011

¹ དེ་ནས་རྒྱལ་པོ་དང་ཧ་མན་གཉིས་བཙུན་མོ་ཨེསི་ཐར་གྱི་གསོལ་སྟོན་དུ་ཕེབས་སོ།

² གསོལ་སྟོན་ཐེངས་གཉིས་པར། རྒུན་ཆང་མཆོད་པའི་སྐབས་སུ་རྒྱལ་པོས་ཡང་སྐྱར་བཙུན་མོ་ལ། ད་བཙུན་མོ་ཨེསི་ཐར་ཁྱེད་ལ་ཞུ་བ་ཅི་ཡོད། ཁྱེད་ལ་གང་འདོད་པ་དེ་ཞུས་ཤིག་དང་ངས་དེ་སྒྲུབ་པར་བྱེད་རྒྱུ་ཡིན། ངས་ཁྱེད་ལ་རང་གི་རྒྱལ་སྲིད་ཕྱེད་ཀ་བར་དུའང་སྟེར་བར་བྱའོ་ཞེས་གསུངས་སོ།

³ དེའི་ལན་དུ་བཙུན་མོ་ཨེསི་ཐར་གྱིས། ཀྱེ་རྒྱལ་པོ། ཁྱེད་ཐུགས་མཉེས་པ་ཡིན་ན་ངས་ཉམས་ཆུང་གི་སྒོ་ནས་ཞུས་པའི་ཞུ་བར་ཁས་ལེན་གནང་བར་མཛོད། ཁོ་མོས་ཞུ་བ་འབུལ་བའི་སྙིང་དོན་ནི། ཁོ་མོ་རང་ཉིད་གསོན་པོར་གནས་ཆོག་པ་མ་ཟད། ཁོ་མོའི་མི་བརྒྱུད་རྣམས་ཀྱང་དེ་བཞིན་གསོན་པོར་གནས་ཆོག་པའི་ཁེ་དབང་གནང་རོགས་གནང།

⁴ ཁོ་མོ་དང་ཁོ་མོའི་མི་བརྒྱུད་དང་བཅས་པ་སྡེབ་གསོད་གཏོང་བའི་ཕྱིར་གཞན་གྱི་ལག་ཏུ་བཙོང་ཟིན་འདུག གལ་ཏེ་ང་ཚོ་བྲན་འཁོལ་དུ་བཙོང་ཟིན་པའི་གནས་ཚུལ་ཅིག་པོ་ཡིན་པ་ཡིན་ན། ཁོ་མོ་ཁ་རོགས་བསྡད་པ་ཡོད། དེའི་སྐོར་ཁྱེད་ལ་ཐུགས་བསུན་ནམ་ཡང་ཞུས་པ་མེད། འོན་ཀྱང་ང་ཚོ་ནི་ཡོངས་སུ་རྩ་མེད་གཏོང་བའི་དུས་ལ་རན་པས་ཕྱིར་རོ་ཞེས་ཞུས་སོ།

⁵ དེ་ནས་ཨ་ཧ་སུ་རསེ་རྒྱལ་པོས་བཙུན་མོ་ཨེསི་ཐར་ལ། ལས་ངན་དེ་ལྟ་བུ་བྱེད་ནུས་མཁན་དེ་སུ་ཡིན་ནམ། མི་དེ་གང་དུ་ཡོད་དམ། ཞེས་གསུངས་པའི་བཀའ་ལན་དུ།

⁶ བཙུན་མོ་ཨེསི་ཐར་གྱིས། ང་ཚོའི་དགྲའོ། ང་ཚོའི་མནར་གཅོད་གཏོང་མཁན་མི་འདི་ནི་ཧ་མན་ངན་པ་དེ་རང་ཡིན་ནོ་ཞེས་ཞུས་པ་དང། ཧ་མན་དངངས་སྐྲག་ཆེན་པོ་དང་བཅས་རྒྱལ་པོ་དང་བཙུན་མོ་གཉིས་ལ་བལྟས་སོ།

⁷ རྒྱལ་པོ་ཐུགས་རབ་ཏུ་ཁྲོས་ཤིང། གཟིམས་ཆུང་ནས་ཕྱིར་ཐོན་ཏེ་ཕོ་བྲང་གི་ལྡུམ་རའི་ནང་དུ་ཕེབས་པ་དང། ཧ་མན་གྱི་སེམས་ལ། ད་རྒྱལ་པོས་ང་ལ་ཉེས་ཆད་གནང་རྒྱུ་ཐུགས་ཐག་ཆོད་བཞག་བསམ་ནས། བཙུན་མོ་ཨེསི་ཐར་ལ་ཁོའི་སྲོག་སྐྱོབས་རོགས་གནང་ཞེས་ཞུ་བའི་ཕྱིར་རང་གནས་སུ་གནས་པ་དང།

⁸ རྒྱལ་པོ་ལྡུམ་ར་ནས་རང་གི་གཟིམས་ཆུང་དུ་ཕྱིར་ལོག་ཕེབས་སྐབས། ཧ་མན་གྱིས་བཙུན་མོ་ཨེསི་ཐར་ཐུགས་རྗེ་གཟིགས་རོགས་གནང་ཞེས་ཞུ་འབུལ་བྱེད་ཕྱིར། བཙུན་མོའི་གཟིམས་ཁྲིའི་ཁར་ཁ་འབུབ་ཏུ་འགྱེལ་ཡོད་པ་དང། རྒྱལ་པོས་དེ་གཟིགས་ནས་གསུང་སྐད་ཆེན་པོས། མི་འདིས་ངའི་ཕོ་བྲང་ནང་དུ་ངས་མཐོང་ངོར་བཙུན་མོ་ལ་བཙན་དབང་བྱེད་པར་འདོད་དམ། རྒྱལ་པོའི་ཞལ་ནས་གསུངས་སྐད་དེ་འཐོན་མ་ཐག་ཏུ། ཉུག་རུམ་པ་ཚོས་ཧ་མན་གྱི་མགོ་བཏུམས་སོ།

⁹ དེ་ནས་ཉུག་རུམ་པའི་ནང་ནས་ཧར་བོ་ན་ཞེས་པ་དེས། རྒྱལ་པོའི་སྐུ་སྲོག་སྐྱོབ་མཁན་མོར་དོ་ཀཡེ་ལ་རྐྱོང་བའི་ཕྱིར་ཧ་མན་གྱིས་མི་ཊར་ཉི་ཤུ་རྩ་གཉིས་བྱེད་པའི་འཕྱར་ཤིང་ཞིག་ཀྱང་རང་གི་ཁང་པའི་མདུན་དུ་བསླངས་བཞག་ཅེས་ཞུས་པ་དང། རྒྱལ་པོས་དེའི་ཁར་ཁོ་རང་རྐྱོངས་ཤིག་ཅེས་བཀའ་གནང་ངོ་།

¹⁰ དེར་བརྟནེ་ཧ་མན་གྱི་མོར་དོ་ཀཡེ་ཆེད་དུ་བཟོས་པའི་འཕྱར་ཤིང་དེའི་ཁར་ཁོ་རང་ལ་འཕྱར་དགོས་བྱུང་ངོ། དེ་རྗེས་རྒྱལ་པོའི་ཐུགས་ཁྲོ་ཞི་བར་གྱུར་ཏོ༎