སྟོན་པ། 3 - Tibetan Old Testament 2011

བྱ་བ་ཐམས་ཅད་ཀྱི་ཆེད་དུ་དུས་ཤིག་ཡོད།

¹ འཛམ་གླིང་འདིའི་ནང་བྱ་བ་གང་བྱུང་བ་རྣམས་དཀོན་མཆོག་གིས་འདམས་གནང་བའི་དུས་ཚོད་ནང་བྱུང་བ་ཡིན་ནོ།

² སྐྱེས་པའི་དུས་ཤིག་དང་འཆི་བའི་དུས་ཤིག། འཛུགས་པའི་དུས་ཤིག་དང་བཀོག་པའི་དུས་ཤིག།

³ བསད་པའི་དུས་ཤིག་དང་གསོ་བའི་དུས་ཤིག། བཤིགས་པའི་དུས་ཤིག་དང་བཞེངས་པའི་དུས་ཤིག།

⁴ སྡུག་བསྔལ་བྱེད་པའི་དུས་ཤིག་དང་དགའ་བའི་དུས་ཤིག། མྱ་ངན་བྱེད་པའི་དུས་ཤིག་དང་གར་ཁྲབ་པའི་དུས་ཤིག།

⁵ རྡོ་དབྱུགས་པའི་དུས་ཤིག་དང་དེ་སྡུས་བའི་དུས་ཤིག། འཐམ་པའི་དུས་ཤིག་དང་མ་འཐམ་པའི་དུས་ཤིག།

⁶ རྙེད་པའི་དུས་ཤིག་དང་རླག་པའི་དུས་ཤིག། བཞག་པའི་དུས་ཤིག་དང་དབྱུགས་པའི་དུས་ཤིག།

⁷ ཧྲལ་བའི་དུས་ཤིག་དང་འཚེམ་པའི་དུས་ཤིག། ཁུ་སིམ་མེར་བསྡད་པའི་དུས་ཤིག་དང་སྐད་ཆ་ཤོད་པའི་དུས་ཤིག།

⁸ བརྩེ་བའི་དུས་ཤིག་དང་སྡང་བའི་དུས་ཤིག། དམག་གི་དུས་ཤིག་དང་ཞི་བདེའི་དུས་ཤིག།

⁹ ང་ཚོའི་ལས་བྱེད་པར་ང་ཚོར་མཁེ་ཕན་ཅི་ཡོད་དམ།

¹⁰ དཀོན་མཆོག་གིས་ང་ཚོའི་སྟེང་དུ་ཁལ་ལྗིད་པོ་བཀལ་ཡོད་པ་དེ་ངས་ཤེས་ཀྱི་ཡོད།

¹¹ ཁོང་གིས་བྱ་བ་ཚང་མའི་ཆེད་དུ་དུས་ཚོད་ངེས་ཏན་ཞིག་གཏན་འབེབས་གནང་ཡོད། ཁོང་གིས་ང་ཚོར་མ་འོངས་པའི་སྐོར་ལ་ཤེས་འདོད་གནང་ཡོད་ན་ཡང་ང་ཚོར་ཁོང་གི་ཇི་འདྲ་གནང་བ་དེ་ཤེས་པ་ལ་ཡིད་ཚིམ་པ་ནམ་ཡང་གནང་མེད་དོ།

¹² དེ་འདྲ་སོང་ཙང་ང་ཚོས་གང་བྱེད་ཐུབ་པ་ནི་སྐྱིད་པོ་བྱ་རྒྱུ་དང། ང་ཚོ་གསོན་པོའི་རིང་ང་ཚོས་བྱ་བ་ལེགས་ཤོས་བྱ་རྒྱུ་ཡིན་པ་དེ་ངས་ཤེས་བྱུང།

¹³ ང་ཚོས་ལས་བྱེད་པ་དེ་ལ་ང་ཚོ་ཚང་མས་ཟ་འཐུང་ལ་ལོངས་སྤྱོད་དགོས་པ་དང་། དེ་ཚོ་ནི་དཀོན་མཆོག་གི་གནང་སྦྱིན་ཡིན་ནོ།

¹⁴ དཀོན་མཆོག་གིས་ཇི་གནང་བ་རྣམས་གཏན་དུ་གནས་རྒྱུ་ཡིན་པ་དེ་ངས་ཤེས་བྱུང། ཁྱོད་ཀྱིས་དེ་ལ་གང་ཡང་སྣོན་ཕན་བརྒྱབ་པའམ་ཉུང་བར་གཏོང་མི་ཐུབ། དཀོན་མཆོག་གི་མཛད་པ་གཅིག་ནི་ང་ཚོས་ཁོང་ལ་བགས་སེམས་བྱ་རྒྱུ་དེ་ཡིན་ནོ།

¹⁵ ཇི་ལྟར་བྱུང་བ་དང་ཡང་ན་ཇི་ལྟར་བྱུང་རྒྱུ་ཡིན་པ་རྣམས་སྔོན་དུ་བྱུང་ཚར་ཡོད། དཀོན་མཆོག་གིས་བྱ་བ་གཅིག་རང་ཡང་ཡང་བྱུང་བར་མཛད་དོ༎

འཛམ་གླིང་ནང་དྲང་བདེན་མེད་པ།

¹⁶ དེའི་ཐོག་ཏུ་ང་ལ་འཛམ་གླིང་འདིའི་ནང་ལ་དྲང་བདེན་དགོས་སར་ངན་པ་ཡོད་པར་དོ་སྣང་བྱུང།

¹⁷ དཀོན་མཆོག་གིས་དྲང་བདེན་དང་ངན་པ་གཉིས་ཀར་འདྲ་མཉམ་ཞིབ་དཔྱོད་གནང་ངོ། གང་ལགས་ཟེར་ན། བྱ་བ་ཐམས་ཅད་དང་ལས་རྣམས་ལ་གཏན་འབེབས་གནང་བའི་དུས་ཚོད་དེ་རང་ལ་འབྱུང་ངོ་ཞེས་ངས་རང་ཉིད་ལ་སྨྲས་པ་ཡིན།

¹⁸ ངས་དཀོན་མཆོག་གི་ང་ཚོ་སེམས་ཅན་ལས་ལེགས་པ་མེད་པ་སྟོན་གནང་བའི་ཆེད་དུ་ང་ཚོར་རྟགས་དཔྱད་གནང་གི་ཡོད་པ་ཡིན་ཞེས་མཐའ་བསྡོམས་གྱིས་པ་ཡིན་ནོ།

¹⁹ གང་ལྟར་མི་དང་སེམས་ཅན་གཉིས་ལ་སྐྱལ་བ་འདྲ་མཚུངས་ངང་འགུག་བཞིན་ཡོད། གཅིག་དེ་གཞན་ལྟར་འཆི་བ་དང་། དེ་ཚོ་གཉིས་ཀ་སེམས་ཅན་འདྲ་མཚུངས་ཡིན་ནོ། འགྲོ་བ་མི་ལས་སེམས་ཅན་ལེགས་པ་མེད། གང་ལགས་ཟེར་ན། གཉིས་ཀའི་སྲོག་ལ་དོན་གནད་མེད་དོ།

²⁰ དེ་ཚོ་གཉིས་ཀ་གནས་གཅིག་ཏུ་ཐལ་བར་འགྲོ་བ་དང། དེ་ཚོ་གཉིས་ཀ་དེ་ལས་ཡོང་བ་དང་གཉིས་ཀ་དེར་འགྲོ་བར་བྱེད་དོ།

²¹ སུ་ཞིག་གིས་མིའི་རྣམ་ཤེས་སྟེང་དུ་འགྲོ་བ་དང་སེམས་ཅན་གྱི་རྣམས་ཤེས་མར་འགྲོ་བ་དེ་སུས་ངེས་གཏན་བྱེད་ཐུབ་བམ།

²² དེར་བརྟེན་ང་ཚོས་ལེགས་ཤོས་བྱེད་ཐུབ་རྒྱུ་དེ་ནི་ང་ཚོས་འབད་སྒྲུབ་གྱིས་པ་ལ་ལོངས་སྤྱོད་རྒྱུ་ཡིན་པར་ང་ལ་ངེས་ཤེས་བྱུང། དེ་མིན་ང་ཚོས་བྱེད་ཐུབ་པ་གཞན་གང་ཡང་མེད། ང་ཚོ་འཆི་བའི་རྗེས་ལ་ཇི་འདྲ་ཡོང་རྒྱུ་ཤེས་པ་བྱ་རྒྱུ་ལམ་གང་ཡང་མེད་དོ༎