སྟོན་པ། 2 - Tibetan Old Testament 2011

¹ ངས་རང་ཉིད་ལོངས་དཔྱོད་ནས་བདེ་སྐྱིད་གང་ཡིན་པ་ཤེས་པར་ཐག་ཆོད་ཟིན་པ་ཡིན། འོནཀྱང་ངས་དེ་ལ་ཡང་སྙིང་པོ་མེད་པ་ཤེས་བྱུང།

² ངས་གད་མོ་གད་རྒྱུ་དེ་ནི་གླེན་པ་དང། དགའ་སྤྲོས་ཁྱོད་ལ་ཅི་ཡང་ལེགས་པ་མི་ཡོང་བ་དེ་ཤེས་བྱུང།

³ ཤེས་རབ་རྙེད་པའི་ཆེད་དུ་ངས་རྒུན་ཆང་ཐུང་བ་དང་སྐྱིད་པོ་བྱས་ནས་དགའ་བར་བྱ་རྒྱུར་ཐག་བཅད་པ་ཡིན། ངའི་བསམ་བློར་མི་མང་ཚོས་ས་གཞིའི་སྟེང་རང་གི་མི་ཚེ་ཐུང་ཐུང་དེ་སྐྱེལ་རྒྱུའི་ཐབས་ལམ་ལེགས་ཤོས་དེ་རང་རེད་བསམ་བྱུང།

⁴ ངས་བྱ་བ་ཆེན་པོ་རྣམས་སྒྲུབ་པ་ཡིན། ངའི་ཆེད་དུ་ཁང་པ་རྣམས་བཟོས་པ་དང་རྒུན་ཚལ་རྣམས་བཏབ་པ་ཡིན།

⁵ ངས་ལྡུམ་ར་དང་ཤིང་ཏོག་གི་ལྡུམ་རའི་ནང་ཤིང་ཏོག་གི་སྡོང་པོ་འདྲ་མིན་བཙུགས་པ་ཡིན།

⁶ ངས་དེ་ཚོར་ཆུ་འདྲེན་པར་ཆུ་རྫིང་བྲུས་པ་ཡིན།

⁷ ངས་ཚེ་གཡོག་ཕོ་དང་མོ་མང་པོ་ཉོ་བ་དང་ངའི་ཁྱིམ་ཚང་ནང་སྐྱེས་པའི་ཚེ་གཡོག་ཡང་ཡོད། ཡེ་རུ་ཤ་ལེམ་དུ་སྡོད་མྱོང་མཁན་སུ་ཞིག་ལས་ཀྱང་སྒོ་ཕྱུགས་མང་བ་ང་ལ་ཡོད།

⁸ ངས་རྒྱལ་སྲིད་སྐྱོངས་བའི་ཡུལ་དུ་རྒྱལ་པོའི་བང་མཛོད་ནང་གསེར་དངུལ་བསགས་པ་ཡིན། སྐྱེས་པ་དང་བུད་མེད་ཚོས་ང་ལ་སྐྱིད་པོ་བཟོ་བའི་ཆེད་གླུ་ལེན་པ་དང་ང་རང་ལ་དགོས་པའི་བུད་མེད་ཚང་མ་ཡོད།

⁹ ང་རང་རླབས་ཆེན་ཡིན་པ་དང། ཡེ་རུ་ཤ་ལེམ་དུ་སྡོད་མྱོང་མཁན་སུ་ཞིག་ལས་ཀྱང་ང་རླབས་ཆེན་ཡིན་པ་དང། ང་རང་གི་ཤེས་རབ་ཀྱི་ང་རང་ལ་ནམ་ཡང་བསླུས་མེད་དོ།

¹⁰ ངའི་འདོད་པ་ཚང་མ་ང་ལ་ཐོབ། ངས་རང་ཉིད་དགའ་སྤྲོ་བྱས་པ་ལ་འགག་པ་བྱེད་མེད་དོ། ངའི་ལས་གང་གྱིས་པ་ཚང་མར་སྤོབས་པ་ཡོད་པ་དང་དེ་ཚོ་ཚང་མ་ངའི་བྱ་དགའ་ཡིན་ནོ།

¹¹ དེ་ནས་ངས་ལས་གང་གྱིས་པའི་སྐོར་དང། དཀའ་ངལ་ཇི་ལྟར་བྱས་པའི་སྐོར་ལ་བསམ་བློ་བཏང་བས་དེ་ཚོར་སྙིང་པོ་གང་ཡང་མེད་པ་ཤེས་པ་དང་། དེ་ཚོ་ནི་རླུང་ལ་དེད་པ་ལྟ་བུ་ཕན་ཐོག་གང་ཡང་མེད་པ་ཤེས་བྱུང།

¹² མཐའ་མར་རྒྱལ་པོ་ཞིག་གིས་སྔོན་གྱི་རྒྱལ་པོ་ཚོས་གང་གནང་བ་གཅིག་པོ་གནང་ཐུབ་བོ། དེར་བརྟེན་ངས་ཤེས་རབ་ཅན་ནམ་ཡ་མེད་ཅན་ནམ་གླེན་པ་བཅས་ཇི་ཡིན་སྐོར་ལ་བསམ་བློ་གཏོང་འགོ་ཚུགས་པ་ཡིན་ནོ།

¹³ དེ་བས་ན་འོད་དེ་མུན་པ་ལས་ལེགས་པ་ཡོད་པ་ལྟར་ངས་ཤེས་རབ་དེ་གླེན་པ་ལས་ལེགས་པ་ཡོད་པ་ཤེས་སོ།

¹⁴ ཤེས་རབ་ཅན་གྱི་སྐྱེ་བོ་དེ་ཚོས་སོ་སོ་གང་དུ་འགྲོ་བ་མཐོང་བ་དང། གླེན་པ་ཚོས་དེ་ནི་མི་མཐོང་ངོ། འོན་ཀྱང་སྐྱལ་བ་དེ་ཀ་རང་གིས་ང་ཚོ་ཚང་མར་སྒུག་བཞིན་ཡོད་པ་ཡང་ངས་ཤེས་སོ།

¹⁵ ང་གླེན་པའི་སྐྱལ་བ་དེ་མྱང་རྒྱུ་ཡིན་པ་རང་གི་བསམ་བློར་འཁོར་རོ། དེར་བརྟེན་ང་རང་ཧ་ཅང་ཤེས་རབ་ཅན་ཡིན་པས་རང་ལ་ཕན་པ་ཅི་བྱུང་ཡོད་དམ། ང་ལ་ཕན་ཐོག་གང་ཡང་བྱུང་མེད་ཅེས་ངས་ལན་འདེབས་གྱིས་པ་ཡིན།

¹⁶ སྐྱེ་བོ་ཤེས་རབ་ཅན་ཚོར་སུས་ཀྱང་མི་དྲན་པ་དང། གླེན་པ་ཚོར་སུ་ཞིག་གི་ཀྱང་མི་དྲན་ནོ། མ་འོངས་པར་ཡོང་རྒྱུ་དེ་ང་ཚོ་ཚང་མ་ལ་བརྗེད་པར་འགྱུར། ང་ཚོ་ཚང་མ་ཤེས་རབ་ཅན་ནམ་གླེན་པ་ཚང་མ་འཆི་དགོས་སོ།

¹⁷ དེར་བརྟེན་ང་ལ་ངའི་མི་ཚེའི་གནད་དོན་གང་ཡང་མེད་དོ། གང་ལགས་ཟེར་ན་། དེའི་ནང་ཡོད་པ་ཚང་མས་ང་ལ་སྡུག་བསྔལ་མ་གཏོགས་གང་ཡང་བྱིན་མེད་དོ། དེ་ཚོ་ལ་སྙིང་པོ་གང་ཡང་མེད་པ་དང་ངས་ནི་རླུང་ལ་དེད་བཞིན་འདུག་གོ

¹⁸ ངའི་ལས་ཀ་དང་བསགས་པའི་ནོར་གྱི་ང་ལ་ཕན་ཐོག་མེད་དོ། གང་ལགས་ཟེར་ན། དེ་ཚོ་ཚང་མ་ངའི་རྗེས་འཛིན་པ་ལ་འཇོག་དགོས་ཀྱི་ཡོད་པ་ངས་ཤེས་ཀྱི་ཡོད་དོ།

¹⁹ ཁོ་ཤེས་རབ་ཅན་དང་ཡང་ན་གླེན་པ་བཅས་གང་ཡང་བྱུང་སྲིད་པ་དེ་སུས་ཤེས་ཀྱི་རེད་དམ། འོན་ཀྱང་འཛམ་གླིང་འདིའི་ནང་ངས་ལས་གིས་པ་ཚང་མ་དང་ངའི་ཤེས་རབ་ཀྱིས་བསགས་པ་རྣམས་ཁོས་དབང་བར་བྱེད། དེ་ཚོ་ཚང་མ་ལ་སྙིང་པོ་མེད་དོ།

²⁰ དེར་བརྟེན་ངས་དཀའ་ལས་ཆེན་པོ་རྒྱབ་ནས་འབད་སྒྲུབ་གྱིས་པར་འགྱོད་པ་བྱེད་དོ།

²¹ ཁྱོད་ཀྱི་ཤེས་རབ་དང་ཡོན་ཏན་དང་། རྩལ་སྦྱོངས་ཀྱི་ཅི་ཞིག་ལ་འབད་བརྩོན་གྱིས་པ་རྣམས། ཁྱོད་ཀྱི་དེའི་ཐོག་ལས་ཀ་གང་ཡང་མི་བྱ་མཁན་ཞིག་ལ་དེ་འཇོག་དགོས་སོ། དེ་ལ་སྙིང་པོ་དང་དྲང་བདེན་མེད་དོ།

²² ཁྱོད་ཀྱི་མི་ཚེའི་རིང་ལས་ཀ་བྱས་པ་དང་སེམས་འཁྲལ་གྱིས་ཡོད་པས། དེའི་ཆེད་དུ་ཁྱོད་ལ་འདོན་རྒྱུ་ག་རེ་ཡོད་དམ།

²³ ཁྱོད་གསོན་རིང་ལ་ཁྱོད་ཀྱི་གང་བྱས་པ་ཚང་མར་སྙིང་པོ་མེད་པ་དང་སེམས་འཁྲལ་དང་སྙིང་ན་བར་བྱེད་དོ། མཚན་མོ་ཁྱོད་ཀྱི་སེམས་ལ་ངལ་གསོ་མེད་པ་དང། དེ་ཚོ་ཚང་མར་ཕན་ཐོག་མེད་དོ།

²⁴ སྐྱེ་བོ་ཞིག་ལ་ལེགས་པ་བྱ་རྒྱུ་དེ་ནི་ཁོས་ཇི་བསགས་པ་རྣམས་བཟའ་འཐུང་ལ་སྤྱོད་རྒྱུ་དེ་ཡིན་ནོ། དེ་ཡང་དཀོན་མཆོག་ནས་བྱུང་བ་ཡིན་པ་ངས་ཤེས་བྱུང།

²⁵ ཁོང་གི་མ་གནང་བ་ཡིན་ན་ཁྱོད་ལ་ཟ་འཐུང་ཚང་མར་ལོངས་སྤྱོད་རྒྱུ་དེ་ཇི་ལྟར་ཐོབ་བམ།

²⁶ དཀོན་མཆོག་གིས་ཁོང་ལ་མཉེས་པར་བྱ་མཁན་ཚོར་ཤེས་རབ་དང་ཡོན་ཏན་དང་དགའ་བདེ་གནང་ངོ། འོན་ཀྱང་སྡིག་ཅན་ཚོ་ལ་ལས་བྱེད་དུ་འཇུག་གནང་བ་དང། དེ་ཚོས་གང་ཐོབ་བ་དང་གསོགས་མཛོད་བྱེད་པ་རྣམས་ཁོང་གིས་མཉེས་པ་ཚོར་གནང་ངོ་། དེ་ཚོ་ཚང་མ་སྙིང་པོ་མེད་ཅིང་རླུང་ལ་དེད་པ་ལྟ་བུ་ཡིན་ནོ༎