སྔོན་རབས་གཉིས་པ། 18 - Tibetan Old Testament 2011

ལུང་སྟོན་པ་མི་ཀ་ཡས་ཨ་ཧབ་ལ་ཉེན་བརྡ་གཏོང་བ།

¹ ཡ་ཧུ་དཱ་པའི་རྒྱལ་པོ་ཡེ་ཧོ་ཤ་ཕད་ཕྱུག་པོ་དང་སྙན་གྲགས་ཆེན་པོར་འགྱུར་བ་དང་། ཁོང་གིས་ཁོང་རང་གི་ཁྱིམ་ཚང་གི་ནང་མི་ཞིག་ལ་ཨིསི་རཱཨེལ་གྱི་རྒྱལ་པོ་ཨ་ཧབ་ཀྱི་ཁྱིམ་ཚང་དབར་ཆང་སའི་གོ་སྒྲིགས་གནང་ངོ་།

² ལོ་འགའ་ཤས་རྗེས་སུ་ཡེ་ཧོ་ཤ་ཕད་གྲོང་ཁྱེར་ས་མར་ཡ་རུ་ཨ་ཧབ་མཇལ་བར་ཕེབས་སོ། ཡེ་ཧོ་ཤ་ཕད་དང་ཁོང་མཉམ་དུ་ཡོད་པ་ཚོར་སྣེ་ལེན་ཟབ་རྒྱས་ཞུ་བའི་ཕྱིར་ཨ་ཧབ་ཀྱིས་གསོལ་སྟོན་ཆེད་ལུག་དང་གླང་གོག་ཁྱོན་ཆེ་བསད་དོ། ཁོང་གིས་ཡེ་ཧོ་ཤ་ཕད་ལ་གྷིལ་ཨད་ཀྱི་ར་མོད་གྲོང་ཁྱེར་ལ་དམག་འདྲེན་པར་མཉམ་འབྲེལ་ཡོང་བའི་ཐབས་ཤེས་གནང་ངོ་།

³ ཁོང་གིས་ར་མོད་ལ་དམག་འདྲེན་པར་ཁྱེད་ང་དང་མཉམ་དུ་ཕེབས་ཀྱི་ཡིན་ནམ་ཞེས་དྲིས་པས། ཡེ་ཧོ་ཤ་ཕད་ཀྱིས་ཁྱེད་གྲ་སྒྲིགས་ཡོད་ན། ང་དང་ངའི་དམག་མི་ཚོ་ཡང་གྲ་སྒྲིགས་ཡོད། ང་ཚོ་ཁྱེད་མཉམ་དུ་འགྲོ་རྒྱུ་ཡིན་ཞེས་ལན་གསུངས་སོ།

⁴ དེ་ནས་ཁོང་གིས་ཐོག་མར་ང་ཚོས་གཙོ་བོ་དཀོན་མཆོག་ལ་གོ་བསྡུར་ཞུ་དགོས་སོ་གསུངས་སོ།

⁵ དེ་འདྲ་སོང་ཙང་ཨ་ཧབ་ཀྱིས་ལུང་སྟོན་པ་ ༤༠༠ ཙམ་བཀའ་འགུགས་གནང་ནས་དེ་ཚོ་ལ། ངས་ར་མོད་ལ་དམག་འཐབ་བྱེད་རུང་ངམ་མི་རུང་ཞེས་བཀའ་འདྲི་གནང་བས། དེ་ཚོས་དམག་འཐབ་བྱོས་ཤིག་དང་། དཀོན་མཆོག་གིས་ཁྱེད་ལ་རྒྱལ་ཁ་གནང་བར་བྱ་ཞེས་ཞུས་སོ།

⁶ འོན་ཀྱང་ཡེ་ཧོ་ཤ་ཕད་ཀྱིས། ང་ཚོས་གཙོ་བོ་དཀོན་མཆོག་ལ་གོ་བསྡུར་ཞུ་བའི་ལུང་སྟོན་པ་གཞན་ཞིག་མེད་དམ་ཞེས་བཀའ་འདྲི་གནང་ངོ་།

⁷ ཨ་ཧབ་ཀྱིས། ཨིམ་ལཱའི་བུ་མི་ཀ་ཡ་བྱ་བ་ཞིག་ཡོད་དོ། འོན་ཀྱང་ང་ཁོ་ལ་དགའ་གི་མེད། གང་ལ་ཟེར་ན། ཁོས་ང་ལ་ལུང་བསྟན་ངན་པ་འབའ་ཞིག་མ་གཏོགས་ལེགས་པ་རྩ་བ་ནས་རྒྱབ་ཀྱི་མེད་ཅེས་ལན་ཞུས་སོ། ཡེ་ཧོ་ཤ་ཕད་ཀྱིས། ཁྱེད་ཀྱིས་དེ་ལྟར་གསུངས་མི་རུང་ཞེས་གསུངས་སོ།

⁸ དེ་འདྲ་སོང་ཙང་རྒྱལ་པོ་ཨ་ཧབ་ཀྱིས། ཕོ་བྲང་གི་ལས་བྱེད་པ་ཚོ་བཀའ་འགུགས་གནང་ནས་མི་ཀ་ཡ་ལ་འཕྲལ་དུ་འཚོལ་དགོས་པའི་བཀའ་གནང་ངོ་།

⁹ རྒྱལ་པོ་གཉིས་ཀ་རྒྱལ་ཆས་བཞེས་ནས་ས་མར་ཡའི་རྒྱལ་སྒོའི་ཕྱི་ལོག་གཡུལ་ཁ་རུ་རྒྱལ་ཁྲིའི་སྟེང་བཞུགས་པ་དང་། ཁོང་གཉིས་ཀྱི་མདུན་དུ་ལུང་སྟོན་པ་ཚོས་ལུང་བསྟན་བརྒྱབ་བཞིན་ཡོད་དོ།

¹⁰ དེ་ཚོའི་ནང་ནས་ཀེ་ན་ནཱའི་བུ་ཛེ་དེ་ཀི་ཡཱ་ཟེར་བ་དེས་ལྕགས་ཀྱི་རྭ་ཅོ་བཟོས་ནས་ཨ་ཧབ་ལ་སྨྲས་པ། གཙོ་བོ་དཀོན་མཆོག་གིས་འདི་ལྟར་གསུངས་པ། ཁྱེད་ཀྱིས་རྭ་ཅོ་དེ་ཚོས་སི་རི་ཡ་པ་ཚོ་མཉམ་དུ་དམག་འཐབ་ནས་དེ་ཚོ་ཡོངས་སུ་ཕམ་པར་འགྱུར།

¹¹ ལུང་སྟོན་པ་གཞན་ཚོས་ཀྱང་དེ་ལྟར་སྨྲས་སོ། དེ་ཚོས་ར་མོད་ལ་ཕེབས་ཤིག་དང་ཁྱེད་ལ་རྒྱལ་ཁ་ཐོབ་པར་འགྱུར། གཙོ་བོ་དཀོན་མཆོག་གིས་ཁྱེད་ལ་རྒྱལ་ཁ་གནང་བར་འགྱུར་ཞེས་སྨྲས་སོ།

¹² དུས་སྐབས་དེར་མི་ཀ་ཡ་འབོད་དུ་འགྲོ་མཁན་ལས་བྱེད་པ་དེས་ཁོང་ལ་ལུང་སྟོན་པ་གཞན་ཚང་མས་ཁོང་གི་དགོས་དོན་སྒྲུབ་པའི་ལུང་བསྟན་གནང་ཡོད་སྟབས། ཁྱེད་ཀྱིས་དེ་ལྟར་གནང་ན་ལེགས་ཞུས་སོ།

¹³ འོན་ཀྱང་མེ་ཀ་ཡས་འཚོ་བཞིན་པའི་གཙོ་བོ་དཀོན་མཆོག་དཔང་དུ་བཙུགས་ནས། ངའི་དཀོན་མཆོག་གིས་ང་ལ་ཇི་ལྟར་སྨྲ་དགོས་པའི་བཀའ་གནང་བ་ལྟར་ཤོད་ཀྱི་ཡིན་གསུངས་སོ།

¹⁴ ཁོང་རྒྱལ་པོ་ཨ་ཧབ་ཀྱི་མདུན་དུ་སླེབས་པ་དང་། རྒྱལ་པོས་ཁོང་ལ་མི་ཀ་ཡ། རྒྱལ་པོ་ཡེ་ཧོ་ཤ་ཕད་དང་ང་གཉིས་ནས་ར་མོད་ལ་ཕར་རྒོལ་བྱས་ན་ལེགས་སམ་ཡང་ན་མ་བྱས་ན་ལེགས་སམ་ཞེས་འདྲི་བ་གནང་ཡོང། ལན་དུ་མི་ཀ་ཡས། ཕར་རྒོལ་གནོང་ཞིག་ཁྱེད་ལ་ཏན་ཏན་རྒྱལ་ཁ་ཐོབ་པར། གཙོ་བོ་དཀོན་མཆོག་གིས་ཁྱེད་ལ་རྒྱལ་ཁ་གནང་ཡོང།

¹⁵ འོན་ཀྱང་ཨ་ཧབ་ཀྱིས། ཁྱེད་ཀྱིས་གཙོ་བོ་དཀོན་མཆོག་གི་མཚན་ནས་བརྗོད་སྐབས། ང་ལ་བདེན་པ་སྨྲོས་ཤིག། ངས་ཁྱེད་ལ་དེ་ལྟར་ཐེངས་ཇི་ཙམ་བརྗོད་དགོས་སམ་ཞེས་གསུངས་སོ།

¹⁶ མི་ཀ་ཡས། ངས་ཨིསི་རཱཨེལ་གྱི་དམག་མི་རྣམས་ནི་རིའི་སྟེང་དུ་ལུག་རྫི་མེད་པའི་ལུག་ལྟར་ཁ་འཐོར་བ་མཐོང་ངོ་། གཙོ་བོ་དཀོན་མཆོག་གིས་མི་འདི་ཚོ་ལ་འགོ་འཁྲིད་མེད་པའི་འདི་ཚོ་ཞི་བདེར་འགྲོར་བཅུག་ཅེས་གསུངས་བྱུང་ཞེས་ཞུས་སོ།

¹⁷ ཨ་ཧབ་ཀྱིས་ཡེ་ཧོ་ཤ་ཕད་ལ། ངས་ཁྱེད་ལ་སྔོན་དུ་ཞུས་མ་བྱུང་ངམ། ཁོས་ང་ལ་རྟག་ཏུ་ལུང་བསྟན་ངན་པ་ཞིག་མ་གཏོགས་བཟང་པོ་རྩ་བ་ནས་རྒྱབ་ཀྱི་མེད་ཅེས་སྨྲས་སོ།

¹⁸ མུ་མཐུད་ནས་མེ མི་ཀ་ཡས། ད་གཙོ་བོ་དཀོན་མཆོག་གིས་ཇི་ལྟར་གསུངས་པར་གསན་ཞིག ངས་གཙོ་བོ་དཀོན་མཆོག་ནི་བཞུགས་ཁྲིའི་སྟེང་ནམ་མཁར་བཞུགས་པ་དང་། ཁོང་གི་ཕོ་ཉ་རྣམས་ཁོང་གི་འགྲམ་དུ་བཞེངས་ནས་ཡོད་པ་མཐོང་བྱུང་།

¹⁹ གཙོ་བོ་དཀོན་མཆོག་གིས། ཨ་ཧབ་ལ་ར་མོད་དུ་གསོད་ཕྱིར་མགོ་བསྐོར་གཏོང་བར་སུ་འགྲོ་གི་ཡིན་ནམ། ཞེས་བཀའ་འདྲི་གནང་བར། ཕོ་ཉ་འགའ་ཞིག་གིས། ལན་ཁག་གཅིག་ཞུ་བ་དང་། འགའ་ཞིག་གིས་ལན་ཞིག་ཞུས་སོ།

²⁰ མཐའ་མར་རྣམ་ཤེས་ཤིག་གཙོ་བོ་དཀོན་མཆོག་གི་དྲུང་དུ་བཅར་ནས། ངས་ཁོ་ལ་མགོ་བསྐོར་གཏོང་བར་བྱ་ཞེས་ཞུས་སོང་། གཙོ་བོ་དཀོན་མཆོག་གིས་ཇི་ལྟར་བྱ་རྒྱུ་ཡིན་ནམ་ཞེས་བཀའ་འདྲི་གནང་བར།

²¹ རྣམ་ཤེས་དེས། ངས་ཕྱིན་ནས་ཨ་ཧབ་ཀྱི་ལུང་སྟོན་པ་ཚོར་ལུང་བསྟན་རྫུན་མ་ཤོད་དུ་འཇུག་གི་ཡིན་ཞུས་སོང་། གཙོ་བོ་དཀོན་མཆོག་གིས་ཁྱོད་སོང་ལ་བསླུ་འཁྲིད་བྱོས་ཤིག ཁྱོད་ཀྱིས་དེ་ལྟར་བྱེད་ཐུབ་པར་འགྱུར་ཞེས་བཀའ་གནང་སོང་།

²² མཐའ་མར་མེ མི་ཀ་ཡས། དེ་ཚོ་ནི་ཇི་ལྟར་བྱུང་བ་ཁག་ཡིན། གཙོ་བོ་དཀོན་མཆོག་གིས་ཁྱེད་ཀྱི་ལུང་སྟོན་པ་ཚོར་རྫུན་ཤོད་དུ་བཅུག་གནང་ཡོད། འོན་ཀྱང་གཙོ་བོ་དཀོན་མཆོག་ཁོང་རང་གི་ཁྱེད་ལ་རྐྱེན་ངན་འཕྲད་པར་གནང་རྒྱུའི་དགོངས་ཆར་གནང་ཡོད་ཅེས་མཐའ་མར་གསུངས་སོ།

²³ དེ་ནས་ལུང་སྟོན་པ་ཛེ་དེ་ཀི་ཡཱ་མེ་ཀ་ཡའི་ཉེ་འགྲམ་དུ་སོང་ནས། ཁོང་ལ་འགྲམ་ལྕག་ཞིག་རྒྱབ་ནས། གཙོ་བོ་དཀོན་མཆོག་གི་ཐུགས་ཉིད་ང་ནས་ཐོན་ནས་ཁྱོད་ལ་ག་དུས་བཀའ་གནང་བྱུང་ངམ་ཞེས་དྲིས་པས།

²⁴ མེ་ཀ་ཡས། ཁྱོད་རྒྱབ་ཀྱི་ཁང་མི་ཞིག་ནང་ཡིབ་པར་འགྲོ་སྐབས་དེ་ཤེས་པར་འགྱུར་སྨྲས་སོ།

²⁵ དེ་ནས་རྒྱལ་པོ་ཨ་ཧབ་ཀྱིས། ཁོང་གི་འགོ་འཛིན་ཞིག་ལ་མི་ཀ་ཡ་འཛིན་བཟུང་གིས་གྲོང་ཁྱེར་གྱི་སྤྱི་ཁྱབ་ཨ་མོན་དང་རྒྱལ་སྲས་ཡོ་ཨཱཤེའི་སར་འཁྲིད་ཅིག

²⁶ ཁོང་ཚོར་ང་སྐྱོན་མེད་མ་ཡོང་བར་ཁོ་བཙོན་ཁང་དུ་བག་ལེབ་དང་ཆུ་གཅིག་པུ་སྟེར་ནས་འཇོག་དགོས་སྨྲོས་ཤིག་ཅེས་བཀའ་གནང་ངོ་།

²⁷ མི་ཀ་ཡས། གལ་སྲིད་ཁྱེད་སྐྱོན་མེད་འབྱོར་བ་ཡིན་ན། གཙོ་བོ་དཀོན་མཆོག་གིས་ང་བརྒྱུད་ནས་བཀའ་གནང་མེད། ངས་བཤད་པ་ཚང་མར་ཉོན་ཞིག་ཅེས་སྨྲས་སོ༎

ཨ་ཧབ་འཆི་བ།

²⁸ དེ་ནས་ཨིསི་རཱཨེལ་གྱི་རྒྱལ་པོ་ཨ་ཧབ་དང་ཡ་ཧུ་དཱ་པའི་རྒྱལ་པོ་ཡེ་ཧོ་ཤ་ཕད་གཉིས་གྷིལ་ཨད་ཀྱི་ར་མོད་གྲོང་ཁྱེར་དུ་འཐབ་པར་ཕྱིན་ནོ།

²⁹ ཨ་ཧབ་ཀྱིས་ཡེ་ཧོ་ཤ་ཕད་ལ། ང་གཉིས་དམག་ཏུ་འགྲོ་སྐབས་ངས་ཆས་རྫུན་མ་གྱོན་རྒྱུ་ཡིན། ཁྱེད་ཀྱིས་རྒྱལ་ཆས་གྱོན་གནང་དགོས་ཤེས་སྨྲས་སོ། དེ་ལྟར་ཨིསི་རཱཨེལ་གྱི་རྒྱལ་པོ་ཆས་རྫུན་མ་གྱོན་ནས་དམག་སར་ཐོན་ནོ།

³⁰ སི་རི་ཡའི་རྒྱལ་པོས་ཁོང་གི་ཤིང་རྟ་འཁོར་ལོའི་དམག་སྤྱི་ཚོར། ཨིསི་རཱཨེལ་གྱི་རྒྱལ་པོ་གཅིག་པུར་མ་གཏོགས་གཞན་སུ་ལ་ཡང་འཐབ་རྒོལ་བྱེད་མི་དགོས་པའི་བཀའ་གནང་ངོ་།

³¹ དེར་བརྟེན་དེ་ཚོས་རྒྱལ་པོ་ཡེ་ཧོ་ཤ་ཕད་མཐོང་བ་དང་། ཁོང་ཨིསི་རཱཨེལ་གྱི་རྒྱལ་པོ་རེད་བསམ་ནས་ཁོང་ལ་འཐབ་རྒོལ་བྱེད་པར་ཁ་བསྒྱུར་རོ། འོན་ཀྱང་ཡེ་ཧོ་ཤ་ཕད་ཀྱིས་སྐད་ཅིག་རྒྱབ་པས། གཙོ་བོ་དཀོན་མཆོག་གིས་ཁོང་ལ་སྐྱབས་གནང་བ་དང་། འཐབ་རྒོལ་བྱ་མི་ཚོ་ཁོང་གི་ཕྱོགས་ནས་ཁ་བསྒྱུར་རོ།

³² ཤིང་རྟ་འཁོར་ལོའི་དམག་སྤྱི་ཚོས་ཁོང་ཨིསི་རཱཨེལ་གྱི་རྒྱལ་པོ་མིན་པ་ཤེས་ནས། རྗེད་དེད་བྱས་པར་མཚམས་འཇོག་བྱས་སོ།

³³ སྐབས་ཤིག་ལ་སི་རི་ཡ་པའི་དམག་མི་ཞིག་གིས་མདའ་ཞིག་འཕེན་པས། དེས་རྒྱལ་པོ་ཨ་ཧབ་ཀྱི་ཁྲབ་ཀྱི་འཐུད་མཚམས་བརྒྱུད་ཁོང་ལ་ཕོག་ནས། ཁོང་གི་ཤིང་རྟ་གཏོང་མཁན་ལ་སྐད་རྒྱབ་ནས་ང་རྨས་སོང་། ཁ་བསྒུར་ནས་དམག་ས་ནས་ཕྱིར་ཐོན་ཞིག་ཅེས་གསུངས་སོ།

³⁴ དམག་འཐབ་དྲབ་པོ་རྒྱབ་བཞིན་པའི་སྐབས་སུ། རྒྱལ་པོ་ཨ་ཧབ་རང་གི་ཤིང་རྟ་འཁོར་ལོའི་ནང་སྙེས་ནས་སི་རི་ཡ་པ་ཚོར་ཁ་བལྟས་ནས་བསྡད་དོ། ཉི་མ་རྒས་མཚམས་སུ་ཁོང་གྲོངས་སོ༎