སྔོན་རབས་གཉིས་པ། 16 - Tibetan Old Testament 2011

ཨིསི་རཱཨེལ་དུ་དཀའ་ངལ།

¹ ཡ་ཧུ་དཱ་པའི་རྒྱལ་པོ་ཨ་སས་རྒྱལ་སྲིད་སྐྱོངས་བའི་ལོ་སུམ་ཅུ་སོ་དྲུག་པའི་སྐབས་སུ། ཨིསི་རཱཨེལ་གྱི་རྒྱལ་པོ་བྷ་ཤས་ཡ་ཧུ་དར་བཙན་འཛུལ་བྱས་པ་དང་། ཡ་ཧུ་དཱར་ཕྱི་དང་ནང་ཡོང་བ་འགོག་པའི་ཕྱིར་ར་མཱར་འཛིང་ར་བཟོ་འགོ་འཛུགས་སོ།

² རྒྱལ་པོ་ཨ་སས་མཆོད་ཁང་དང་ཕོ་བྲང་གི་བང་མཛོད་ནས་གསེར་དངུལ་བླངས་ནས། དྷ་མསེ་ཀསེ་ཏུ་སི་རི་ཡའི་རྒྱལ་པོ་བྷེན་ཧ་དྷད་སར་འཕྲིན་འདི་མཉམ་དུ་འདི་ལྟར་བཏང་ངོ་།

³ ང་ཚོའི་ཡབ་ཚོ་ལྟར་ང་ཚོས་ཀྱང་མཐུན་ཕྱོགས་བྱེད་དགོས། གསེར་དངུལ་འདི་ཚོ་ཁྱེད་ལ་ཕྱག་རྟགས་ཡིན། ད་ཁྱེད་ཀྱིས་ཨིསི་རཱཨེལ་གྱི་རྒྱལ་པོ་བྷ་ཤ་མཉམ་དུ་ཡོད་པའི་མཐུན་ཕྱོགས་དེ་ལ་བརྩི་མ་གནང་རོགས་གནང། དེ་ནས་ཁོས་ངའི་མངའ་ཁུལ་ནས་དམག་དཔུང་ཕྱིར་འཐེན་བྱེད་པར་འགྱུར་ཞེས་བཀོད་ཡོད་དོ།

⁴ བྷེན་ཧ་དྷད་ཀྱིས་ཨ་སའི་གྲོལ་མོལ་དེ་ལ་མོས་མཐུན་གནང་ནས། ཁོང་གིས་དམག་སྤྱི་ཚོ་དང་། དམག་དཔུང་བཅས་པར་ཨིསི་རཱཨེལ་གྱི་གྲོང་ཁྱེར་ཁག་ལ་འཐབ་པར་བཏང་ངོ་། དེ་ཚོས་ཨི་ཡོན་དང་དྷན་དང་ཧ་བེལ་བྷེད་མ་ཀཱ་དང་། དགོས་མཁོ་རྣམས་གསོགས་པའི་ནཕ་ཏ་ལའི་གྲོང་ཁྱེར་རྣམས་བཙན་བཟུང་བྱས་སོ།

⁵ རྒྱལ་པོ་བྷ་ཤས་ཇི་ལྟར་བྱུང་བཞིན་ཡོད་པ་གསན་པ་དང་། ར་མཱའི་འཛིང་ར་བཟོ་བའི་ལས་ཀ་དེ་མཚམས་བཞག་གོ

⁶ དེ་ནས་རྒྱལ་པོ་ཨ་སས་ཡ་ཧུ་དཱ་པའི་ཡུལ་ཡོངས་ཀྱི་མི་བསྡུས་ནས། བྷ་ཤས་ར་མར་བེད་སྤྱོད་བྱེད་པའི་རྡོ་དང་གདུང་མ་རྣམས་འཁྱེར་ནས་གྷེ་བ་དང་མིཛ་པཱའི་གྲོང་ཁྱེར་རྣམས་ལ་འཛིང་རག་བཟོ་དགོས་པའི་བཀའ་གནང་ངོ་༎

ལུན་སྟོན་པ་ཧ་ན་ནི།

⁷ དུས་སྐབས་དེར་ལུང་སྟོན་པ་ཧ་ན་ནི་རྒྱལ་པོ་ཨ་སའི་སར་ཕེབས་ནས། ཁྱེད་ཀྱི་དཀོན་མཆོག་གཙོ་བོ་དཀོན་མཆོག་ལ་བློ་བཅོལ་ཞུ་བའི་ཚབ་ཏུ་སི་རི་ཡའི་རྒྱལ་པོར་བློ་བཅོལ་བྱས་ཡོད་སྟབས། ཨིསི་རཱཨེལ་གྱི་རྒྱལ་པོའི་དམག་མི་རྣམས་ཁྱེད་ནས་བྲོས་ཐར་བ་རེད།

⁸ ཨི་ཐི་ཨོ་པི་ཡ་དང་ལིབ་ཡ་ལ་དམག་མི་ཁྱོན་ཆེ་ཡོད་པ་དང་ཤིང་རྟ་འཁོར་ལོ་དང་རྟ་དམག་མང་པོ་ཡོད་པ་མ་རེད་དམ། འོན་ཀྱང་ཁྱེད་ཀྱིས་གཙོ་བོ་དཀོན་མཆོག་ལ་བློ་བཅོལ་ཡོད་སྟབས་ཁོང་གིས་ཁྱེད་ལ་རྒྱལ་ཁ་གནང་ཡོད་དོ།

⁹ གཙོ་བོ་དཀོན་མཆོག་གིས་ཁོང་ལ་སྙིང་ནས་བློ་བཅོལ་མཁན་ཚོར་སྟོབས་ཤུགས་གནང་བ་ལ་འཛམ་གླིང་ཡོངས་ལ་གཟིགས་ཞིབ་ཟབ་མོ་གནང་བཞིན་ཡོད། ཁྱེད་ཀྱིས་གླེན་པའི་ལས་གནང་ཡོད་སྟབས། ད་ནས་བཟུང་ཁྱེད་ལ་དམག་འཁྲུགས་ཡང་ཡང་འབྱུང་བར་འགྱུར་ཞེས་གསུངས་སོ།

¹⁰ དེའི་རྐྱེན་གྱིས་ཨ་སས་ལུང་སྟོན་པར་ཐུགས་ཧ་ཅང་ཁྲོས་པ་དང་ཁོང་ལ་ལྕགས་ཐག་གི་བརྡམས་གནང་ངོ་། དུས་སྐབས་དེར་ཨ་སས་མི་མང་འགའ་ཤས་ལ་སྡུག་རྩུབ་གནང་སྒོ་ཚུགས་སོ༎

ཨ་སའི་རྒྱལ་སྲིད་ཀྱི་མཐའ་མ།

¹¹ ཨ་སའི་རྒྱལ་སྲིད་སྐྱོངས་བའི་གནས་ཚུལ་མགོ་ནས་འཇུག་བར་ཡ་ཧུ་དཱ་དང་ཨིསི་རཱཨེལ་གྱི་རྒྱལ་པོ་ཚོའི་རྒྱལ་རབས་ནང་བཀོད་ཡོད་དོ།

¹² ཨ་ས་རྒྱལ་པོར་འགྱུར་ནས་ལོ་ངོ་སུམ་ཅུ་སོ་དགུར་སླེབས་པའི་སྐབས་སུ། ཁོང་ལ་རྐང་ནད་ཚབ་ཆེ་ཞིག་གིས་ཞ་བོར་འགྱུར་རོ། འོན་ཀྱང་ཁོང་གིས་གཙོ་བོ་དཀོན་མཆོག་ལ་རོགས་རམ་མ་ཞུས་པར་སྨན་པར་སྐྱབས་འཇུག་ཞུས་སོ།

¹³ ལོ་གཉིས་ཀྱི་རྗེས་སུ་ཁོང་གྲོངས་སོ།

¹⁴ ཁོང་རང་ཉིད་ཀྱི་ཆེད་དུ་ཁོང་ནས་རྐོས་གནང་བའི་དཱ་བིད་ཀྱི་གྲོང་ཁྱེར་གྱི་བྲག་གི་སྤུར་ཁང་ནང་སྦས་སོ། དེ་ཚོས་སྨན་སྣ་དང་དྲི་བཟང་གི་སྣུམ་བྱུགས་ནས་སྐུ་དུར་དུ་བཞག་པར་གྲ་སྒྲིག་བྱས་སོ། དེ་ཚོས་ཁོང་གྲོངས་བར་མྱ་ངན་ཞུ་བར་མེ་སྐོང་ཆེན་པོ་བཟོས་སོ༎