རྒྱལ་རབས་དང་པོ། 22 - Tibetan Old Testament 2011

ལུང་སྟོན་པ་མི་ཀ་ཡས་ཨ་ཧབ་ལ་ཉེན་བརྡ་གཏོང་བ།

¹ དེ་རྗེས་ཨིསི་རཱཨེལ་དང་སི་རི་ཡའི་དབར་ལོ་གཉིས་ཀྱི་བར་དུ་ཞི་བདེར་གནས་ཡོད་དོ།

² འོན་ཀྱང་ལོ་གསུམ་པར་ཡ་ཧུ་དཱ་པའི་རྒྱལ་པོ་ཡེ་ཧོ་ཤ་ཕད་བྱ་བ་ཨིསི་རཱཨེལ་གྱི་རྒྱལ་པོ་ཨ་ཧབ་དང་ཐུགས་འཕྲད་བྱེད་པར་ཕྱིན་ནོ།

³ ཨ་ཧབ་ཀྱིས་རང་གི་ལས་བྱེད་པ་ཚོར། ང་ཚོས་གྷིལ་ཨད་ནང་ལ་ཡོད་པའི་ར་མོད་ཀྱི་ས་ཁུལ་དེ་སི་རི་ཡའི་རྒྱལ་པོའི་ལག་ནས་ལེན་ཐབས་བྱེད་འདོད་མེད་དམ། དེ་ང་ཚོའི་རེད་ཅེས་གསུངས་སོ།

⁴ ཨ་ཧབ་ཀྱིས་ཡེ་ཧོ་ཤ་ཕད་ལ་ཁྱོད་ང་དང་མཉམ་དུ་ར་མོད་ལ་དམག་འཐབ་བྱེད་པར་འགྲོའམ་ཞེས་བཀའ་འདྲི་གནང་བས། ཡེ་ཧོ་ཤ་ཕད་ཀྱིས། ཁྱེད་གྲ་སྒྲིགས་ཡོད་ན་ང་ཡང་གྲ་སྒྲིགས་ཡོད་པ་མ་ཟད། ངའི་དམག་མི་དང་རྟ་དམག་ཀྱང་གྲ་སྒྲིགས་ཡོད་དོ།

⁵ འོན་ཀྱང་ཐོག་མར་ང་ཚོས་གཙོ་བོ་དཀོན་མཆོག་ལ་བཀའ་བསྡུར་ཞུ་དོགས་ཅེས་སྨྲས་སོ།

⁶ དེ་འདྲ་སོང་ཙང་ཨ་ཧབ་ཀྱིས་ལུང་སྟོན་པ་ ༤༠༠ ཙམ་ཡོད་པ་རྣམས་བོས་ནས། ང་ཕྱིན་ནས་ར་མོད་ལ་དམག་རྒྱབ་བམ་ཡང་ན་མ་རྒྱབ་ཅེས་དྲིས་པས། དེ་ཚོས་དམག་རྒྱོབ་ཅིག་དང་། གཙོ་བོ་དཀོན་མཆོག་གིས་ཁྱེད་ལ་རྒྱལ་ཁ་གནང་ཡོང་སྨྲས་སོ།

⁷ འོན་ཀྱང་ཡེ་ཧོ་ཤ་ཕད་ཀྱིས། ང་ཚོས་གཙོ་བོ་དཀོན་མཆོག་ལ་བཀའ་བསྡུར་ཞུས་པར་ལུང་སྟོན་པ་གཞན་དག་མེད་དམ་ཞེས་དྲིས་སོ།

⁸ ཨ་ཧབ་ཀྱིས། ཨིམ་ལཱའི་བུ་མི་ཁ་ཡ་ཟེར་བ་ཞིག་ཡོད་དོ། འོན་ཀྱང་ང་ནི་ཁོ་ལ་དགའ་གི་མེད། གང་ལ་ཟེར་ན། ཁོས་ང་ལ་ལུང་བསྟན་བཟང་པོ་གང་ཡང་མི་རྒྱབ་པར་རྒྱུན་དུ་ངན་པ་ཤ་སྟགས་རྒྱབ་ཀྱི་ཡོད་ཅེས་སྨྲས་སོ། ཡེ་ཧོ་ཤ་ཕད་ཀྱིས་ཁྱེད་ཀྱིས་དེ་ལྟར་གསུངས་མི་རུང་ཞེས་ལན་གནང་ངོ་།

⁹ དེ་ནས་ཨ་ཧབ་ཀྱིས་ཕོ་བྲང་གི་ལས་བྱེད་པ་ཚོ་བཀའ་བཀུག་གནང་ནས་ཁོ་ལ་མི་ཁ་ཡ་འཕྲལ་དུ་འཁྲིད་ཤོག་གསུངས་སོ།

¹⁰ རྒྱལ་པོ་གཉིས་ཀ་རྒྱལ་ཆས་གྱོན་ནས་ས་མར་ཡའི་རྒྱལ་སྒོའི་ཕྱི་ལོག་གི་གཡུལ་འཐག་ཏུ་རང་རང་གི་བཞུགས་ཁྲིར་འཁོད་ཡོད་པ་དང་། ཁོ་ཚོའི་མདུན་དུ་ལུང་སྟོན་པ་ཚོས་ལུང་བསྟན་བྱེད་བཞིན་ཡོད་དོ།

¹¹ དེ་ཚོའི་ནང་ནས་ཀེ་ན་ནཱའི་བུ། ཛེ་དེ་ཀི་ཡཱས་ལྕགས་ཀྱི་ར་ཅོ་བཟོས་ནས་ཨ་ཧབ་ལ་གཙོ་བོ་དཀོན་མཆོག་གིས་བཀའ་གནང་གསལ། ཁྱོད་ཀྱི་ར་ཅོ་དེ་འདྲའི་སྒོ་ནས་སི་རི་ཡ་པ་མཉམ་དུ་དམག་འཐབ་བྱེད་པ་ཡིན་ན། དེ་ཚོ་ཚང་མ་ཕམ་པར་བྱེད་ཐུབ་ཡོང་ཅེས་གསུངས་སོ།

¹² གཞན་ལུང་སྟོན་པ་ཚང་མས་ཀྱང་དེ་ལྟར་སྨྲས་སོ། དེ་ཚོས་ར་མོད་ལ་དམག་འཐབས་ཤིག་དང་། གཙོ་བོ་དཀོན་མཆོག་གིས་ཁྱེད་ལ་རྒྱལ་ཁ་གནང་ཡོང་ཞེས་སྨྲས་སོ།

¹³ སྐབས་དེར་མི་ཀ་ཡ་འབོད་དུ་འགྲོ་མཁན་ལས་བྱེད་པ་དེས་ཁོ་ལ་ལུང་སྟོན་པ་གཞན་ཚང་མས་རྒྱལ་པོ་ལ་རྒྱལ་ཁ་ཐོབ་རྒྱུ་ཡིན་པའི་ལུང་བསྟན་གྱི་ཡོད་པ་དང་། ཁྱེད་ཀྱིས་ཀྱང་དེ་ལྟར་གནང་ན་ཡག་པོ་ཡོང་ཞེས་སྨྲས་སོ།

¹⁴ འོན་ཀྱང་མི་ཀ་ཡས་གསོན་པོའི་གཙོ་བོ་དཀོན་མཆོག་ལ་དཔང་དུ་བཙུགས་ནས། མནའ་འདི་བསྐྱེལ་གྱི་ཡོད་ཁོང་གིས་ང་ལ་ཇི་ལྟར་གསུངས་པ་དེ་རང་ངས་སྨྲ་རྒྱུ་ཡིན་ནོ།

¹⁵ ཁོ་རྒྱལ་པོ་ཨ་ཧབ་ཀྱི་མདུན་དུ་སླེབས་པ་དང་། རྒྱལ་པོས་མི་ཀ་ཡ་ལ་རྒྱལ་པོ་ཡེ་ཧོ་ཤ་ཕད་ང་གཉིས་ནས་དམག་རྒྱབ་བམ་མི་རྒྱབ་ཅེས་བཀའ་འདྲི་གནང་བས། མི་ཀ་ཡས། དམག་རྒྱོབ་ཅིག་དང་། གཙོ་བོ་དཀོན་མཆོག་གིས་ཁྱེད་ལ་རྒྱལ་ཁ་ཏན་ཏན་གནང་ཡོང་ཞེས་སྨྲས་སོ།

¹⁶ འོན་ཀྱང་ཨ་ཧབ་ཀྱིས་ཁོ་ལ་ཁྱོད་ཀྱིས་གཙོ་བོ་དཀོན་མཆོག་གི་མཚན་ལ་ང་ལ་བདེན་པ་ཤོད་རོགས། ངས་ཁྱོད་ལ་དེ་ལྟར་ཐེངས་ག་ཚོད་བཤད་དགོས་ཀྱི་རེད་དམ་ཅེས་སྨྲས་སོ།

¹⁷ མི་ཀ་ཡས་ངས་ཨིསི་རཱཨེལ་གྱི་དམག་མི་རྣམས་ལུག་རྫི་མེད་པ་ལུག་ལྟར་རི་བོ་ཁག་ཏུ་འཐོར་བ་མཐོང་གི་འདུག གཙོ་བོ་དཀོན་མཆོག་གིས་མི་འདི་ཚོར་འགོ་འཁྲིད་མེད་པས། དེ་ཚོ་ཞི་བདེར་ཁྱིམ་དུ་ལོག་བཅུག་ཅིག་ཅེས་གསུངས་སོ།

¹⁸ ཨ་ཧབ་ཀྱིས་ཡ་ཧོ་ཤ་ཕད་ལ་ཁོས་ང་ལ་ལུང་བསྟན་ཡག་པོ་རྩ་བ་ནས་རྒྱབ་ཀྱི་མེད་ངས་ཞུས་མ་བྱུངམ། ཁོས་རྒྱུན་དུ་སྡུག་པ་ཀྱང་ལབ་ཀྱི་ཡོད་ཅེས་སྨྲས་སོ།

¹⁹ མི་ཀ་ཡས་མུ་མཐུད་ནས་གསུངས་པ། ད་གཙོ་བོ་དཀོན་མཆོག་གིས་བཀའ་ཇི་གནང་བར་ཉོན་ཞིག ངས་གཙོ་བོ་དཀོན་མཆོག་མཐོ་རིས་ཀྱི་བཞུགས་ཁྲིར་བཞུགས་ཡོད་པ་དང་ཁོང་གི་ཕོ་ཉ་ཡོངས་རྫོགས་ཉེ་འཁོར་དུ་བཞེངས་ནས་ཡོད་པ་མཐོང་བྱུང།

²⁰ གཙོ་བོ་དཀོན་མཆོག་གིས་ར་མོད་དུ་ཨ་ཧབ་ལ་གསོད་རྒྱུར་ཁོ་ལ་བསླུ་ཁྲིད་སུས་བྱེད་དམ་ཅེས་དྲིས་གནང་བས། ཕོ་ཉ་འགའ་ཤས་ཀྱི་གནས་ཚུལ་གཅིག་སྨྲས་པ་དང་གཞན་ཚོས་གཞན་པ་སྨྲས་སོ།

²¹ མཐའ་མར་རྣམ་ཤེས་ཤིག་ཡོང་ནས་གཙོ་བོ་དཀོན་མཆོག་གི་དྲུང་དུ་བཅར་ནས་ངས་ཁོ་ལ་བསླུ་ཁྲིད་བྱེད་རྒྱུ་ཡིན་ཞེས་ཞུས་སོ།

²² གཙོ་བོ་དཀོན་མཆོག་གིས་ཇི་ལྟར་བྱེད་ཅེས་བཀའ་འདྲི་གནང་བས། རྣམ་ཤེས་དེས་ངས་ཕྱིན་ནས་ཨ་ཧབ་ཀྱི་ལུང་སྟོན་པ་རྣམས་ལ་རྫུན་ཤོད་དུ་བཅུག་གི་ཡིན་ཞུས་སོ། གཙོ་བོ་དཀོན་མཆོག་གིས་སོང་ལ་ཁོ་ལ་བསླུ་ཁྲིད་བྱོས་ཤིག ཁྱོད་ཀྱི་དེ་ལྟར་བྱེད་ཐུབ་ཡོང་ཞེས་གསུངས་སོ།

²³ མི་ཀ་ཡས་འདི་ཚོ་ཇི་ལྟར་བྱུང་བ་ཡིན། གཙོ་བོ་དཀོན་མཆོག་གིས་ཁྱེད་ཀྱི་ལུང་སྟོན་པ་འདི་ཚོར་རྫུན་ཤོད་བཅུག་གནང་ཡོད། འོན་ཀྱང་ཁོང་རང་ནས་རྐྱེན་ངན་དང་འཕྲད་རྒྱུའི་བཀའ་རྒྱ་གནང་ཡོད་ཅེས་མཐའ་བསྡོམས་གནང་ངོ།

²⁴ དེ་ནས་ལུང་སྟོན་པ་ཛེ་དེ་ཀི་ཡཱ་མི་ཀ་ཡའི་སར་ཕེབས་ནས་ཁོ་ལ་འགྲམ་ལྕག་ཅིག་ཞུས་ནས་གཙོ་བོ་དཀོན་མཆོག་གི་ཐུགས་ཉིད་ང་ནས་ཐོན་སྟེ་ཁྱོད་ལ་ག་དུས་བཀའ་ཀ་ཕེབས་བྱུང་ངམ་ཞེས་དྲིས་སོ།

²⁵ མི་ཀ་ཡས་ཁྱོད་རྒྱབ་ཀྱི་ཁང་མིག་ཚོའི་ནང་དུ་ཡིབ་ནས་འགྲོ་སྐབས་དེ་ཤེས་ཡོང་ཞེས་གསུངས་སོ།

²⁶ དེ་ནས་རྒྱལ་པོ་ཨ་ཧབ་ཀྱིས་ཁོང་གི་འགོ་འཛིན་ཞིག་ལ་མི་ཀ་ཡ་བཟུང་ནས་གྲོང་ཁྱེར་གྱི་སྲིད་སྐྱོང་ཨ་མོན་དང་རྒྱལ་སྲས་ཡོ་ཨཱཤེའི་དྲུང་དུ་འཁྲིད་ཅིག

²⁷ ཁོ་ཚོར་ང་སྐྱོན་མེད་པར་ཕྱིར་མ་འཁོར་བར་དུ་ཁོ་བཙོན་དུ་བཅུག་ནས་བག་ལེབ་དང་ཆུ་སྟེར་ཞིག་ཅེས་སྨྲོས་ཤིག

²⁸ མི་ཀ་ཡས་ཁྱེད་སྐྱོན་མེད་ཕྱིར་ཕེབས་པ་ཡིན་ན་གཙོ་བོ་དཀོན་མཆོག་གིས་ང་བརྒྱུད་བཀའ་གནང་བ་མ་ཡིན་གསུངས་སོ། ཡང་སྐྱར་ཁོང་གིས་ངས་ཁྱོད་ཚོར་ཅི་བཤད་པ་ཚང་མས་ཉན་ཞིག་གསུངས་སོ༎

ཨ་ཧབ་འཆི་བ།

²⁹ ཨིསི་རཱཨེལ་གྱི་རྒྱལ་པོ་ཨ་ཧབ་དང་ཡ་ཧུ་དཱ་པའི་རྒྱལ་པོ་ཡེ་ཧོ་ཤ་ཕད་གཉིས་ཀྱིས་གྷིལ་ཨད་ཀྱི་ར་མོད་གྲོང་ཁྱེར་དུ་དམག་འདྲེན་དུ་ཕྱིན་པས།

³⁰ ཨ་ཧབ་ཀྱིས་ཡེ་ཧོ་ཤ་ཕད་ལ་ང་ཚོ་དམག་ལ་འགྲོ་སྐབས་ངས་ཆས་རྫུས་མ་གོན་རྒྱུ་ཡིན་པས་ཁྱོད་ཀྱིས་རྒྱལ་ཆས་གྱོན་ཞིག་གསུངས་སོ། དེ་འདྲ་སོང་ཙང་ཨིསི་རཱཨེལ་གྱི་རྒྱལ་པོ་དམག་སར་ཆས་རྫུས་མ་གོན་ནས་ཐོན་ནོ།

³¹ སི་རི་ཡའི་རྒྱལ་པོས་རང་གི་ཤིང་རྟ་འཁོར་ལོའི་དམག་དཔོན་གསུམ་ཅུ་སོ་གསུམ་ ལ་ཨིསི་རཱཨེལ་གྱི་རྒྱལ་པོ་མ་གཏོགས་གཞན་སུ་ལའང་ཕར་རྒོལ་མ་བྱེད་ཅིག་བཀའ་བཏང་ངོ་།

³² དེ་འདྲ་སོང་ཙང་དེ་ཚོས་ཡེ་ཧོ་ཤ་ཕད་མཐོང་བ་དང་ཁོ་ཨིསི་རཱཨེལ་གྱི་རྒྱལ་པོ་རེད་བསམ་ནས་ཁོ་ལ་ཕར་རྒོལ་བྱེད་པར་རྒྱུགས་པས། ཁོས་སྐད་ཤུགས་ཆེན་པོ་བརྒྱབ་བོ།

³³ ཁོང་ཨིསི་རཱཨེལ་གི་རྒྱལ་པོ་མ་ཡིན་པ་ཤེས་ནས་ཁོ་ཚོས་ཕར་རྒོལ་འཚམས་འཇོག་བྱས་སོ།

³⁴ འོན་ཀྱང་སི་རི་ཡ་པའི་དམག་མི་ཞིག་གིས་མདའ་ཞིག་ཞུས་པས་རྒྱལ་པོ་ཨ་ཧབ་ཀྱི་ཁྲབ་ཀྱི་མཐུད་མཚམས་ཀྱི་དཀྱིལ་ནས་ཁོང་ལ་ཕོག་གོ ཁོས་ཤིང་རྟ་འཁོར་ལོའི་ཁ་ལོ་པར། ང་རྨས་སོང་། ཤིང་རྟ་ཁ་འསྒྱུར་ནས་དམག་ས་ནས་ཕྱིར་ཐོན་ཞིག་སྨྲས་སོ།

³⁵ དམག་འཐབ་དྲག་པོ་ཐུག་བཞིན་པའི་སྐབས་རྒྱལ་པོ་ཨ་ཧབ་ཁོང་རང་གི་ཤིང་རྟ་འཁོར་ལོའི་ནང་ལུས་པོ་སྐྱོར་ནས་སི་རི་ཡ་པ་ཚོ་དང་འཐབ་བཞིན་ཡོད་པ་དང་། ཁོང་གི་རྨ་ནས་འཛག་པའི་ཁྲག་དེ་ཤིང་རྟ་འཁོར་ལོའི་ནང་དུ་ཁྱབ་པ་དང་ཕྱི་དྲོ་ཁོང་གྲོངས་སོ།

³⁶ ཉི་མ་ནུབ་མཚམས་ཨིསི་རཱཨེལ་པའི་ས་ཁུལ་ཡོངས་རྫོགས་སུ་བཀའ་ཕེབས་སོ། མི་ཚང་མ་རང་རང་གི་ཡུལ་དང་གྲོང་ཁྱེར་དུ་ལོག་གཅིག།

³⁷ དེ་ནས་རྒྱལ་པོ་ཨ་ཧབ་གྲོངས་པ་དང། ཁོང་གི་ཕུང་པོ་དེ་ས་མར་ཡ་རུ་འཁྱེར་ནས་སྦས་སོ།

³⁸ གཙོ་བོ་དཀོན་མཆོག་གིས་ཇི་ལྟར་ཡོང་རྒྱུ་བཀའ་གནང་བ་ལྟར། ཁོང་གི་ཤིང་རྟ་འཁོར་ལོ་དེ་ས་མར་ཡའི་རྫིང་དུ་ཁྲུས་པ་དང་། སྨད་ཚོང་མ་ཚོས་དེར་ཁྲུས་རྒྱབས་བཞིན་ཡོད་དོ། ཁོང་གི་ཁྲག་དེ་ཁྱིས་བལྡགས་སོ།

³⁹ རྒྱལ་པོ་ཨ་ཧབ་ཀྱི་མཛད་པ་རྣམས་ཁོང་གི་ཕོ་བྲང་ལ་བ་སོས་རྒྱན་སྤྲོས་གནང་བའི་སྐོར་དང་ཁོང་གིས་གྲོང་ཁྱེར་ཁག་བཞེངས་པ་བཅས་ཨིསི་རཱཨེལ་གྱི་རྒྱལ་པོ་རྣམས་ཀྱི་རྒྱལ་རབས་ནང་བཀོད་ཡོད་དོ།

⁴⁰ ཁོང་འདས་པའི་རྗེས་ལ་ཁོང་གི་སྲས་ཨ་ཧ་ཛི་ཡས་ཤུལ་འཛིན་དུ་རྒྱལ་པོའི་རྒྱལ་སྲིད་སྐྱངས་སོ༎

ཡ་ཧུ་དཱ་པའི་རྒྱལ་པོ་ཡེ་ཧོ་ཤ་ཕད།

⁴¹ ཨིསི་རཱཨེལ་གྱི་རྒྱལ་པོ་ཨ་ཧབ་ཀྱིས་རྒྱལ་སྲིད་བཟུང་བའི་ལོ་བཞི་པར་ཨ་སའི་བུ་ཡེ་ཧོ་ཤ་ཕད་ཡ་ཧུ་དཱ་པའི་རྒྱལ་པོར་འགྱུར་རོ།

⁴² སྐབས་དེར་ཁོང་ལོ་སུམ་ཅུ་སོ་ལྔ་སླེབས་ཡོད་པ་དང་། ཡེ་རུ་ཤ་ལེམ་དུ་ལོ་ཉི་ཤུ་རྩ་ལྔ་རིང་རྒྱལ་སྲིད་སྐྱངས་སོ། ཁོང་གི་ཡུམ་ནི་ཤིལ་ཧིའི་བུ་མོ་ཨ་ཛུ་བཱ་ཡིན་ནོ།

⁴³ སྔར་ཁོང་གིས་ཡབ་ཨ་ས་ལྟར་ཁོང་གིས་གཙོ་བོ་དཀོན་མཆོག་གི་སྤྱན་སྔར་དྲང་བདེན་གང་ཡིན་པ་རྣམས་མཛད་དོ། འོན་ཀྱང་ཁོང་གིས་ལྷ་སྐུ་བརྟེན་ཡུལ་རྣམས་མ་བཤིགས་པར་བཞག་པ་དང་མི་མང་ཚོས་དེར་མུ་མཐུད་མཆོད་པ་དང་སྤོས་ཕུལ་བཞིན་ཡོད་དོ།

⁴⁴ ཡེ་ཧོ་ཤ་ཕད་ཨིསི་རཱཨེལ་གྱི་རྒྱལ་པོ་མཉམ་དུ་ཞི་བདེར་གནས་ཡོད་དོ།

⁴⁵ ཡེ་ཧོ་ཤ་ཕད་ཀྱིས་མཛད་པ་རྣམས་དང་ཁོང་གི་སྟོབས་དང་དམག་བཤམས་པ་བཅས་ཡ་ཧུ་དཱ་པའི་རྒྱལ་པོ་རྣམས་ཀྱི་རྒྱལ་རབས་ནང་བཀོད་ཡོད་དོ།

⁴⁶ ཁོང་གི་ཡབ་ཨ་སའི་སྐུ་དུས་ནས་ལྷ་སྐུ་རྟེན་པའི་མཆོད་ཁྲི་སར་ཞབས་ཞུས་བྱེད་མཁན་ཕོ་མོ་སྨད་ཚོང་མ་རྣམས་རྩ་མེད་བཟོས་སོ།

⁴⁷ ཨེ་དྷོམ་གྱི་ཡུལ་དུ་རྒྱལ་པོ་མེད་པས། དེར་ཡ་ཧུ་དཱ་པའི་རྒྱལ་པོས་བསྐོས་པའི་སྐུ་ཚབ་ཅིག་གིས་རྒྱལ་སྲིད་སྐྱོངས་བཞིན་ཡོད་དོ།

⁴⁸ རྒྱལ་པོ་ཡེ་ཧོ་ཤ་ཕད་ཀྱིས་ཨོ་ཕིར་ཡུལ་ནས་གསེར་ལེན་པར་འགྲོ་བའི་ཕྱིར་དུ་གྲུ་གཟིང་ཞིག་བཟོས་སོ། འོན་ཀྱང་དེ་ཚོ་ཨེ་ཛི་ཨོོན་གྷེ་བྷེར་དུ་གྲུ་དེ་བཞིགས་ནས་འགྲོ་མ་ཐུབ་བོ།

⁴⁹ དེ་ནས་ཨིསི་རཱཨེལ་གི་རྒྱལ་པོ་ཨ་ཧ་ཛ་ཡཱས་ཡེ་ཧོ་ཤ་ཕད་གི་མི་ཚོ་མཉམ་དུ་ཁོང་གི་མི་ཆོ་ཡང་འགྲུལ་སྐྱོད་བྱེད་པས་གཏམ་ཞུས་ཀྱང་ཡེ་ཧོ་ཤ་ཕད་ཀྱིས་དགོངས་བཞེས་མ་གནང་ངོ་།

⁵⁰ ཡེ་ཧོ་ཤ་ཕད་གྲོངས་པ་དང་ཁོང་དཱ་བིད་ཀྱི་གྲོང་ཁྱེར་དུ་རྒྱལ་པོའི་སྤུར་ཁང་དུ་སྦས་ནས་ཁོང་གི་སྲས་ཡེ་ཧོ་རམ་གྱིས་ཤུལ་འཛིན་དུ་རྒྱལ་སྲིད་སྐྱངས་སོ༎

ཨིསི་རཱཨེལ་གྱི་རྒྱལ་པོ་ཨ་ཧ་ཛ་ཡཱ།

⁵¹ ཡ་ཧུ་དཱ་པའི་རྒྱལ་པོ་ཡེ་ཧོ་ཤ་ཕད་ཀྱི་རྒྱལ་སྲིད་བཟུང་བའི་ལོ་བཅུ་བདུན་པའི་སྐབས་དེར། ཨ་ཧབ་ཀྱི་བུ་ཨ་ཧ་ཛ་ཡཱས་ཨིསི་རཱཨེལ་གྱི་རྒྱལ་པོར་འགྱུར་རོ། ཁོང་གིས་ས་མར་ཡ་རུ་ལོ་གཉིས་རིང་རྒྱལ་སྲིད་སྐྱངས་སོ།

⁵² ཁོང་གིས་ཨིསི་རཱཨེལ་པ་རྣམས་ལ་སྡིག་པ་བྱེད་དུ་འཇུག་མཁན་ཁོང་གི་ཕ་ཨ་ཧབ་དང་ཡུམ་ཡེ་ཛི་བྷེལ་དང་རྒྱལ་པོ་ཡེ་རོ་བྷམ་གྱི་ངན་པའི་ལམ་དུ་བཞུགས་ནས་གཙོ་བོ་དཀོན་མཆོག་གི་སྤྱན་སྔར་སྡིག་པ་གྱིས་ཡོད་དོ།

⁵³ ཁོང་གིས་སྔོན་གྱི་ཕ་བཞིན་བྷལ་ལ་རྟེན་ནས་མཆོད་ཅིང་གཙོ་བོ་དཀོན་མཆོག་ཨིསི་རཱཨེལ་གྱི་དཀོན་མཆོག་གི་ཐུགས་ཁྲོ་སླངས་སོ༎