སྔོན་རབས་དང་པོ། 9 - Tibetan Old Testament 2011

བཙོན་འོག་ནས་ཕྱིར་ལོག་པའི་མི་མང་རྣམས།

¹ ཨིསི་རཱཨེལ་གྱི་མི་མང་རྣམས་དེ་ཚོའི་ཁྱིམ་ཚང་གཞིར་བཟུང་གི་མིང་ཐོ་བྲིས་ཡོད་པ་དང་། གནས་ཚུལ་འདི་ཚོ་ཨིསི་རཱཨེལ་གྱི་རྒྱལ་པོ་རྣམས་ཀྱི་དེབ་ནང་བཀོད་ཡོད་དོ། ཡ་ཧུ་དཱ་པའི་མི་མང་རྣམས་ཁོ་རང་ཚོའི་སྡིག་པའི་ཆད་པར་བྷ་བྷེལ་ལོན་དུ་བཏང་ངོ་།

² རང་གི་རྒྱུ་ནོར་ཡོད་པའི་ས་གནས་སུ་ཐོག་མར་ཕྱིར་ལོག་བྱས་པའི་ནང་ནས། ཨིསི་རཱཨེལ་གྱི་ཡུལ་མི་དང་བླ་མ་ཚོ་དང་ལེ་ཝི་པ་ཚོ་དང་མཆོད་ཁང་གི་ལས་བྱེད་པ་ཚོ་བཅས་ཡོད་དོ།

³ ཡ་ཧུ་དཱ་དང་བྷེན་ཡ་མིན་དང་ཨེཕ་ར་ཡིམ་དང་མ་ནསེ་སཱེ་བཅས་ཀྱི་སྡེ་རིགས་རྣམས་ཡེ་རུ་ཤ་ལེམ་དུ་གནས་སྡོད་བྱེད་པར་ཕྱིན་ནོ།

^4-6 ཡ་ཧུ་དཱའི་སྡེ་རིགས་ཀྱི་ཁྱིམ་ཚང་གི་གྲངས་ ༦༩༠ ཡེ་རུ་ཤ་ལེམ་དུ་གནས་སྡོད་བྱེད་པ་ཡིན་ནོ། ཡ་ཧུ་དཱའི་བུ་པེ་རེཛ་ཀྱི་རིགས་བརྒྱུད་ལ་ཨོམ་རིའི་ཚ་བོ་དང་ཨམ་མི་ཧུད་ཀྱི་བུ་ཨུ་ཐཡེ་ནི་དེ་ཚོའི་འགོ་པར་ཡོད་དོ། ཁོའི་མེས་པོ་གཞན་ཚོའི་ཁོངས་སུ་ཨིམ་རི་དང་བྷ་ནི་བཅས་ཡོད་དོ། ཡ་ཧུ་དཱའི་བུ་ཤེ་ལཱའི་རིགས་བརྒྱུད་ལ་དེ་ཚོའི་འགོ་པར་ཨ་ས་ཡཱ་ཡང་ཡོད་པ་དང་། ཁོ་ནི་ཁྱིམ་ཚང་གི་འགོ་པ་ཡིན་ནོ། ཡ་ཧུ་དཱའི་བུ་ཛེ་རཱའི་རིགས་བརྒྱུད་ལ་དེ་ཚོའི་འགོ་པར་ཡུ་ཨེལ་ཡང་ཡོད་དོ།

^7-8 བྷེན་ཡ་མིན་གྱི་སྡེ་རིགས་ཀྱི་འཐུས་མི་རྣམས་ཡེ་རུ་ཤ་ལེམ་དུ་གནས་སྡོད་བྱེད་མཁན་གཤམ་གསལ་རྣམས་ཡིན་ནོ། སལ་ལུ་ནི་མེ་ཤུ་ལམ་གྱི་བུ་དང་ཁོ་ནི་ཧོ་ད་ཝི་ཨའི་བུ་དང་ཁོ་ནི་ཧ་སི་ནུ་ཨའི་བུ་ཡིན་པ་དང་། ཡེ་རོ་ཧམ་གྱི་བུ་ཨིབ་ནི་ཡཱ་དང་། མིག་རིའི་ཚ་བོ་དང་ཨུ་ཛིའི་བུ་ཨེ་ལཱ་དང་། ཤེ་ཕཏ་ཡཱའི་བུ་མེ་ཤུ་ལམ་དང་ཁོ་ནི་རུ་ཨེལ་གྱི་བུ་དང་། ཁོ་ནི་ཨིབ་ནི་ཡའི་བུ་ཡིན་ནོ།

⁹ དེར་སྡེ་རིགས་དེ་ཚོའི་ཁྱིམ་ཚང་ནི་གྲངས་ ༩༥༦ གནས་སྡོད་བྱེད་པ་དང་། གོང་གསལ་མིང་རྣམས་ཁྱིམ་ཚང་གི་འགོ་པ་འབའ་ཞིག་ཡིན་ནོ༎

ཡེ་རུ་ཤ་ལེམ་དུ་གནས་སྡོད་བྱེད་པའི་བླ་མ་རྣམས།

^10-12 གཤམ་གསལ་བླ་མ་རྣམས་ཡེ་རུ་ཤ་ལེམ་དུ་བསྡད་ཡོད་པ་ནི། ཡེ་དྷ་ཡཱ་དང་ཡེ་ཧོ་ཡ་རིབ་དང་ཡ་ཀིན་དང་། ཧིལ་ཀི་ཡཱའི་བུ་ཨ་ཛར་ཡཱ་ནི། (མཆོད་ཁང་གི་ལས་བྱེད་པ་གཙོ་བོ་ཡིན་པ་དང་) ཁོའི་མེས་པོའི་ཁོངས་སུ་མེ་ཤུ་ལམ་དང་ཛ་དཱོག་དང་མེ་ར་ཡོད་དང་ཨ་ཧི་ཏུབ་བཅས་ཡོད་དོ། ཨ་ད་ཡཱ་ནི་ཡེ་རོ་ཧམ་གྱི་བུ་དང་ཁོའི་མེས་པོའི་ཁོངས་སུ་པ་ཤུར་དང་མལ་ཀི་ཡཱ་ཡོད་དོ། མ་སའི་ནི་ཨ་དི་ཨེལ་གྱི་བུ་དང་ཁོའི་མེས་པོའི་ཁོངས་སུ་ཡ་ཛེ་རཱ་དང་མེ་ཤུ་ལམ་དང་མེ་ཤི་ལེ་མིད་དང་ཨིམ་མེར་བཅས་ཡོད་དོ།

¹³ ཁྱིམ་ཚང་གི་འགོ་པ་བླ་མའི་གྲངས་འབོར་བསྡོམས་ ༡,༧༦༠ ཡོད་པ་དང་། དེ་ཚོ་ཚང་མ་མཆོད་ཁང་དུ་ལས་བྱེད་པའི་ལས་རིགས་རྣམས་ལ་མཁས་པ་ཡིན་ནོ༎

ཡེ་རུ་ཤ་ལེམ་དུ་བསྡད་མཁན་ལེ་ཝི་པ་རྣམས།

^14-16 གཤམ་གསལ་ལེ་ཝི་པ་རྣམས་ཡེ་རུ་ཤ་ལེམ་དུ་གནས་སྡོད་བྱེད་པ་དང་། ཤེ་མ་ཡཱ་ནི་ཧ་ཤུབ་ཀྱི་བུ་དང་། ཁོའི་མེས་པོའི་ཁོངས་སུ་མེ་ར་རིའི་རིགས་རུས་ཨཛ་རི་ཀམ་དང་ཧ་ཤབ་ཡཱ་དང་། བྷག་བྷ་ཀར་དང་ཧེ་རེཤེ་དང་གྷ་ལལ་དང་། མི་ཀའི་བུ་མ་ཏན་ཡཱ་དང་ཁོ་ཚོའི་མེས་པོའི་ཁོངས་སུ་ཛིག་རི་དང་ཨ་སཕེ་ཡོད་པ་དང་། ཤེ་མ་ཡཱའི་བུ་ཨོ་བ་དི་ཡཱ་དང་། དེ་ཆོའི་མེས་པོའི་ཁོངས་སུ་གྷ་ལལ་དང་ཡེ་དུ་ཐུན་ཡོད་པ་དང་། བྷེ་རེ་ཀི་ཡཱ་ཨ་སའི་བུ་ནི་ཨེལ་ཀ་ནཱའི་ཚ་བོ་ཡིན་པ་དང་། དེ་ཆོ་གྲོང་ཁྱེར་ནེ་ཏོ་ཕཱ་ལ་བདག་པའི་མངའ་ཁུལ་དུ་གནས་སྡོད་བྱེད་དོོ༎

ཡེ་རུ་ཤ་ལེམ་དུ་གནས་སྡོད་བྱེད་པའི་མཆོད་ཁང་གི་སྐུ་སྲུང་བ་རྣམས།

¹⁷ གཤམ་གསལ་མཆོད་ཁང་ནང་གི་སྐུ་སྲུང་བ་རྣམས་ཡེ་རུ་ཤ་ལེམ་དུ་གནས་སྡོད་བྱེད་པ་དང་། ཤལ་ལུམ་དང་ཨ་ཀུབ་དང་ཏལ་མོན་དང་ཨ་ཧི་མོན་དང་། ཤལ་ལུམ་ནི་དེ་ཚོའི་འགོ་འཛིན་ཡིན་ནོ།

¹⁸ དུས་སྐབས་དེའི་བར་དུ་དེ་ཚོའི་རིགས་རུས་ཀྱི་འཐུས་མི་རྣམས་རྒྱལ་པོའི་སྒོའི་ཤར་ཕྱོགས་ཀྱི་འཛུལ་སྒོར་བཞག་ཡོད་པ་དང་། ཐོག་མར་དེ་ཚོ་ལེ་ཝི་སྒར་གྱི་རྒྱལ་སྒོ་སྲུང་བར་གནས་སོ།

¹⁹ ཀོར་གྱི་བུ་དང་ཨེ་བྷི་ཨ་སཕ་ཀྱི་ཚ་བོ་ཤལ་ལུམ་དང་གཞན་ཀོ་རཱའི་རིགས་རུས་ཀྱི་འཐུས་མི་མཉམ་དུ་གཙོ་བོ་དཀོན་མཆོག་གནས་པའི་དབུ་གུར་དམ་པའི་སྒོའི་སྲུང་བྱ་བར་བསྐོས་ཡོད་པ་ཡིན་ནོ། དེ་བཞིན་དེ་ཚོའི་ཕ་མེས་ཀྱང་གཙོ་བོ་དཀོན་མཆོག་གི་ཞུ་སྒར་ཡང་སྲུང་གི་ཡོད་པ་ཡིན་ནོ།

²⁰ སྐབས་ཤིག་ལ་ཨེ་ལི་ཛར་གྱི་བུ་ཕིན་ཧསི་ནི་གཙོ་བོ་དཀོན་མཆོག་ཁོ་དང་མཉམ་དུ་ཡོད་པས་དེ་ཚོ་ལ་ཁོང་གིས་བལྟ་རྟོགས་གནང་ངོ་།

²¹ མེ་ཤེ་ལེམ་ཡཱའི་བུ་ཛ་ཀར་ཡཱ་དང་གཙོ་བོ་དཀོན་མཆོག་གནས་པའི་དབུ་གུར་དམ་པའི་སྒོའི་སྐུ་སྲུང་བ་ཡིན་ནོ།

²² འཛུལ་སྒོ་ཁག་དང་རྒྱལ་སྒོའི་སྒོ་སྲུང་བར་བསྡོམས་མི་གྲངས་ ༢༡༢ འདམས་ཡོད། དེ་ཚོ་སྡོད་པའི་གྲོང་གསེབ་གཞིར་བཟུང་ལྟར་དེབ་བཀོད་བྱས་ཡོད་དོ། རྒྱལ་པོ་དཱ་བིད་དང་ལུང་སྟོན་པ་ཤ་མུ་ཨེལ་གཉིས་ནས་དེ་ཚོའི་མེས་པོ་ཚོ་གནས་ཡོད་ཀྱི་ལས་འགན་དེའི་ནང་འཇོག་གནང་བ་ཡིན་ནོ།

²³ དེ་ཚོ་དང་དེ་ཚོའི་མི་བརྒྱུད་ཚོས་མུ་མཐུད་མཆོད་ཁང་གི་རྒྱལ་སྒོ་སྲུང་གི་ཡོད་པ་དང་།

²⁴ ཤར་དང་ལྷོ་དང་ནུབ་དང་བྱང་བཅས་པར་སྒོ་ཁ་ཐུག་ཡོད་པ་དང་རེ་རེར་སྒོ་སྲུང་བ་གཙོ་བོ་ཞིག་ཡོད་པ་དང་།

²⁵ སྒོ་སྲུང་བ་དེ་ཚོ་ལ་དེ་ཚོའི་སྤུན་གྲོང་གསེབ་ལ་ཡོད་པ་ཚོས་རོགས་བྱེད་པ་དང་། དེ་ཚོས་སྒོ་སྲུང་གི་ལས་འགན་ཐེངས་རེར་ཉིན་བདུན་རེར་བྱེད་དགོས་སོ།

²⁶ སྒོ་སྲུང་གཙོ་བོ་བཞི་ནི་ལེ་ཝི་པ་ཡིན་པ་དང་། དེ་ཚོ་ལ་ལས་འགན་མཐའ་མ་དེ་ཡོད་དོ། དེ་ཚོ་ལ་མཆོད་ཁང་གི་ཁང་མིག་ཁག་དང་དེར་འཇོག་པའི་དགོས་མཁོ་ཁག་གི་ལས་འགན་ཡོད་པ་དང་།

²⁷ དེ་ཚོ་མཆོད་ཁང་གི་ཉེ་འགྲམ་དུ་སྡོད་དགོས་སོ། གང་ལགས་ཟེར་ན། དེ་སྲུང་རྒྱུད་དང་དེར་ཉིན་ལྟར་ཞོག་པ་སྒོ་ཕྱེས་རྒྱུ་བཅས་ཀྱི་ལས་འགན་ཡོད་དོ༎

ལེ་ཝི་པ་གཞན་ཚོ།

²⁸ ལེ་ཝི་པ་གཞན་ཚོར་མཆོད་པའི་ཡོ་བྱད་བེད་སྤྱོད་བྱེད་པའི་འགན་ཡོད་དོ། དེ་ཚོས་དེ་རྣམས་བེད་སྤྱོད་ནམ་བྱེད་ལ་ཕྱིར་འདོན་པ་དང་ནང་ལ་བླུགས་པའི་སྐབས་བལྟ་རྟོགས་བྱེད་དགོས་སོ།

²⁹ དངོས་ཆས་གཞན་དམ་པ་རྣམས་དང་གྲོ་ཞིབ་དང་ཆང་དང་སྐྱུ་རུའི་སྣུམ་དང་སྤོས་དང་སྨན་སྣ་བཅས་ཀྱི་འགན་འཁུར་ཡོད་དོ།

³⁰ འོན་ཀྱང་སྨན་སྣ་བསྲེས་རྒྱུའི་ལས་འགན་བླ་མ་ཚོ་ལ་ཡོད་དོ།

³¹ ལེ་ཝི་པ་མ་ཏི་ཐི་ཡཱ་ཟེར་བ་ཤལ་ལུམ་གྱི་བུ་རྒན་ཤོས་ཀོ་རཱའི་རིགས་རུས་ནས་ཡིན་པ་དེ་ལ་སྲེག་པའི་བག་ལེབ་བཟོ་བ་དང་འབུལ་རྒྱུའི་ལས་འགན་ཡོད་དོ།

³² ཀོ་ཧདའི་ཁྱིམ་སྡེའི་ནང་མི་རྣམས་ལ་རྒྱུན་དུ་ངལ་གསོ་བའི་ཞག་ལ་མཆོད་ཁང་ནང་བག་ལེབ་དམ་པ་བཟོ་རྒྱུའི་ལས་འགན་ཡོད་དོ།

³³ ལེ་ཝི་པའི་ཁྱིམ་ཚང་འགའ་ཤས་ལ་མཆོད་ཁང་གི་རོལ་མོའི་ལས་འགན་ཡོད་པ་དང་། ཁྱིམ་ཚང་དེ་ཚོའི་འགོ་པ་ཁ་ཤས་མཆོད་ཁང་གི་ཁང་པ་འགའ་ཤས་ནང་སྡོད་པ་ཚོ་ལས་འགན་གཞན་སྒྲུབ་མི་དགོས་སོ། གང་ལ་ཟེར་ན། དེ་ཚོ་ཉིན་མཚན་མེད་པར་མཆོད་ཁང་གི་ལས་ཀར་ཨང་སར་དགོས་པའི་རྐྱེན་གྱིས་ཡིན་ནོ།

³⁴ གོང་གསལ་སྨྲས་པའི་མིང་རྣམས་ཁོང་རང་ཚོའི་ཕ་མེས་ཀྱི་རིམ་པ་ལྟར་གྱི་ལེ་ཝི་པའི་ཁྱིམ་ཚང་གི་འགོ་པ་ཡིན་ནོ༎

རྒྱལ་པོ་ས་ཨུལ་གྱི་ཕ་མེས་དང་བརྒྱུད་པ།

³⁵ ཡི་ཨེལ་གྱིས་གྷི་བི་ཨོན་གྱི་གྲོང་ཁྱེར་བཚུགས་ནས་དེར་གཞིགས་ཆགས་པ་དང་། ཁོང་གི་ཆུང་མའི་མིང་ལ་མ་ཀཱ་ཟེར་དང་།

³⁶ ཁོང་གི་བུ་རྒན་ཤོས་ཨབ་དྷོན་དང་། བུ་གཞན་རྣམས་ཛུར་དང་ཀིཤེ་དང་བྷལ་དང་ནེར་དང་ན་དྷབ་དང་།

³⁷ གྷེ་དོར་དང་ཨ་ཧི་ཡོ་དང་ཛ་ཀར་ཡཱ་དང་མིག་ལོད་ཟེར་བ་ནི།

³⁸ ཤི་མི་ཨའི་ཕ་ཡིན་ནོ། དེ་ཚོའི་བརྒྱུད་པ་རྣམས་ཡེ་རུ་ཤ་ལེམ་དུ་དེ་ཚོའི་ཁྱིམ་ཚང་གཞན་ཚོའི་རིགས་རུས་ཀྱི་ཉེ་འགྲམ་དུ་བསྡད་དོ།

³⁹ ནེར་ཟེར་བ་ནི་ཀིཤེ་ཀྱི་ཕ་དང་ཀིཤེ་ནི་ས་ཨུལ་གྱི་ཕ་ཡིན་ནོ། ས་ཨུལ་ལ་བུ་བཞི་ཡོད་པ་ནི། ཡོ་ན་ཐན་དང་མལ་ཀི་ཤུ་ཨ་དང་ཨ་བྷི་ན་དྷབ་དང་ཨེཤི་བྷལ་བཅས་ཡིན་ནོ།

⁴⁰ ཡོ་ན་ཐན་ནི་མེ་རི་བྷལ་གྱིི་ཕ་ཡིན་པ་དང་། ཁོ་ནི་མེ་ཀཱའི་ཕ་ཡིན་ནོ།

⁴¹ མི་ཀཱ་ལ་བུ་བཞི་ཡོད་པ་ནི། པི་ཐོན་དང་མེ་ལེག་དང་ཏ་རི་ཨ་དང་ཨ་ཧཛ་བཅས་ཡིན་ནོ།

⁴² ཨ་ཧཛ་ནི་ཡ་རཱའི་ཕ་དང་། ཁོ་ནི་ཨ་ལེ་མེད་དང་ཨཛ་མ་བེད་དང་ཛིམ་རི་བཅས་བུ་གསུམ་གྱི་ཕ་ཡིན་ནོ། ཛིམ་རི་ནི་མོ་ཛའི་ཕ་དང་།

⁴³ མོ་ཛ་ནི་བྷི་ནི་ཨའི་ཕ་དང་། བྷི་ནི་ཨ་ནི་རེ་ཕ་ཡཱའི་ཕ་དང་། རེ་ཕ་ཡཱ་ནི་ཨེ་ལི་སཱའི་ཕ་དང་། ཨི་ལི་ས་ནི་ཨ་ཛེལ་གྱི་ཕ་ཡིན་ནོ།

⁴⁴ ཨ་ཛེལ་ལ་བུ་དྲུག་ཡོད་པ་ནི། ཨཛ་རི་ཀམ་དང་བྷོ་ཀེ་རུ་དང་ཨིཤ་མ་ཨེལ་དང་ཤི་རི་ཡཱ་དང་ཨོ་བ་དི་ཡཱ་དང་ཧ་ནན་བཅས་ཡིན་ནོ༎