སྔོན་རབས་དང་པོ། 7 - Tibetan Old Testament 2011

ཨི་ས་ཀར་གྱི་རིགས་བརྒྱུད་རྣམས།

¹ ཨི་ས་ཀར་ལ་ཏོ་ལ་དང་། པུ་ཨ་དང་། ཡ་ཤུབ་དང་། ཤིམ་རོན་བཅས་བུ་བཞི་ཡོད་དོ།

² ཏོ་ལ་ལ། ཨུ་ཛི་དང་རེ་ཕ་ཡཱ་དང་ཡེ་རི་ཨེལ་དང་ཡ་མའི་དང་ཨིབ་སམ་དང་ཤེ་མུ་ཨེལ་བཅས་བུ་དྲུག་ཡོད་དོ། དེ་ཚོ་ཏོ་ལའི་རིགས་རུས་ཀྱི་ཁྱིམ་ཚང་ཚོའི་འགོ་པ་དང་སྙན་གྲགས་ཅན་གྱི་དམག་མི་ཡིན་ནོ། རྒྱལ་པོ་དཱ་བིད་ཀྱི་སྐུ་དུས་སུ་དེ་ཚོའི་མི་བརྒྱུད་ཀྱི་གྲངས་འབོར་ནི་ ༢༢,༦༠༠ ཡོད་དོ།

³ ཨུ་ཛི་ལ། ཨིཛ་ར་ཧི་ཡཱ་ཟེར་བའི་བུ་གཅིག་ཡོད་དོ། ཨིཛ་ར་ཧི་ཡཱ་ལ་བུ་མི་ཀ་ཨེལ་དང་། ཨོ་བ་དི་ཡཱ་དང་ཡོ་ཨེལ་དང་ཨི་ཤི་ཨ་བཅས་བུ་བཞི་ཡོད་པ་ཚང་མ་ཁྱིམ་ཚང་གི་འགོ་པ་རྣམས་ཡིན་ནོ།

⁴ དེ་ཚོ་ལ་ཆུང་མ་དང་བུ་ཕྲུག་ཧ་ཅང་མང་པོ་ཡོད་སྟབས་དེ་ཚོའི་རིགས་བརྒྱུད་ནས་དམག་མི་གྲངས་འབོར་ ༣༦,༠༠༠ སྤྲོད་ཐུབ་ཀྱི་ཡོད་དོ།

⁵ གཞུང་འབྲེལ་དེབ་བཀོད་ནང་ཨི་ས་ཀར་སྡེ་རིགས་ཀྱི་ཁྱིམ་ཚང་ཚང་མའི་སྐྱེས་པ་དམག་གི་ཞབས་ཕྱིའི་ནང་ཆ་རྐྱེན་ཚང་བའི་གྲངས་འབོར་ ༨༧,༠༠༠ ཡོད་དོ༎

བྷེན་ཡ་མིན་དང་དཱན་གྱི་རིགས་བརྒྱུད་རྣམས།

⁶ བྷེན་ཡ་མིན་ལ་བུ་བེ་ལ་དང་བྷེ་ཀེེར་དང་ཡེ་དྷི་ཨེལ་བཅས་གསུམ་ཡོད་དོ།

⁷ བེ་ལ་ལ་ཨེཛ་བྷོན་དང་ཨུ་ཛི་དང་ཨུ་ཛི་ཨེལ་དང་ཡེ་རི་མོད་དང་ཨི་རི་བཅས་ལྔ་ཡོད་དོ། དེ་ཚོའི་རིགས་རུས་ནང་ཁྱིམ་ཚང་ཚོའི་འགོ་པ་ཚང་མ་སྙན་གྲགས་ཅན་གྱི་དམག་མི་ཡིན་ནོ། དེ་ཚོའི་རིགས་བརྒྱུད་ནང་དམག་གི་ཞབས་ཕྱི་ཆ་རྐྱེན་ཚང་བའི་དམག་མི་གྲངས་ ༢༢,༠༣༤ ཡོད་དོ།

⁸ བྷེ་ཀེར་ལ་ཛེ་མི་རཱ་དང་ཡོ་ཨཱཤ་དང་ཨེ་ལི་ཨེ་ཛེར་དང་ཨེ་ལི་ཨོ་ནེ་དང་ཨོམ་རི་དང་ཡེ་རེ་མོད་དང་ཨ་བྷི་ཡཱ་དང་ཨ་ན་ཐོད་དང་ཨ་ལེ་མེད་བཅས་བུ་དགུ་ཡོད་དོ།

⁹ གཞུང་འབྲེལ་དེབ་བཀོད་ནང་དེ་ཚོའི་རིགས་བརྒྱུད་ཀྱི་ཁྱིམ་ཚང་ཚོའི་ནང་དམག་གི་ཞབས་ཕྱིའི་ནང་ཆ་རྐྱེན་ཚང་བའི་མི་གྲངས་ ༢༠,༢༠༠ ཡོད་དོ།

¹⁰ ཡེ་དྷི་ཨེལ་ལ་བིལ་ཧན་ཟེར་བའི་བུ་གཅིག་ཡོད་དོ། བྷིལ་ཧན་ལ་ཡེ་ཨུཤེ་དང་བྷེན་ཡ་མིན་དང་ཨེ་ཧུད་དང་ཀེ་ན་ནཱ་དང་ཛེ་ཐན་དང་ཏར་ཤིཤ་དང་ཨ་ཧི་ཤ་ཧར་བཅས་བུ་བདུན་ཡོད་དོ།

¹¹ དེ་ཚོའི་རིགས་རུས་ནང་ཁྱིམ་ཚང་ཚོའི་འགོ་པ་དང་ཚང་མ་སྙན་གྲགས་ཅན་གྱི་དམག་མི་ཡིན་ནོ། དེ་ཚོའི་རིགས་བརྒྱུད་ནང་དམག་གི་ཞབས་ཕྱི་ལ་ཆ་རྐྱེན་ཚང་བའི་སྐྱེས་པ་གྲངས་ ༡༧,༢༠༠ ཡོད་དོ།

¹² ཤུ་པིམ་དང་ཧུ་པིམ་ཡང་སྡེ་རིགས་དེ་ལ་བདག་པ་ཡིན་ནོ། དཱན་ལ་ཧུ་ཤིམ་ཟེར་བའི་བུ་གཅིག་ཡོད་དོ།

ནཕ་ཏ་ལིའི་རིགས་བརྒྱུད་རྣམས།

¹³ ནཕ་ཏ་ལི་ལ་ཡཱ་ཛི་ཨེལ་དང་གྷུ་ནི་དང་ཡེ་ཛེར་དང་ཤལ་ལུམ་བཅས་བུ་བཞི་ཡོད་དོ། (དེ་ཚོ་བྷིལ་ཧཱའི་རིགས་བརྒྱུད་ཡིན་ནོ།)

མ་ནསེ་སཱེའི་རིགས་བརྒྱུད་རྣམས།

¹⁴ མ་ནསེ་སཱེ་ལ་ཨ་རམ་པའི་ཟུར་གྲོགས་མ་ལ་བུ་ཨསེ་རི་ཨེལ་དང་མ་ཀིར་བཅས་གཉིས་ཡོད་དོ། མ་ཀིར་ནི་གྷིལ་ཨད་ཀྱི་ཕ་ཡིན་ནོ།

¹⁵ མ་ཀིར་གྱི་ཧུ་པིམ་དང་ཤུ་པིམ་ལ་ཆུང་མ་རེར་བླངས་སོ། ཁོའི་སྲིང་མོའི་མིང་ལ་མ་ཀཱ་ཟེར་བ་ཡིན་ནོ། མ་ཀིར་གྱི་བུ་གཉིས་པ་དེ་ཛེ་ལོ་ཕེ་ཧད་ཟེར་བ་དང་། ཁོ་ལ་བུ་མོ་མ་གཏོག་མེད་པ་ཡིན་ནོ།

¹⁶ མ་ཀིར་གྱི་ཆུང་མ་མ་ཀཱ་ནས་སྐྱེས་པའི་བུ་ཚོའི་མིང་ལ་པེ་རེཤ་དང་ཤེ་རེཤ་ཟེར་རོ། པེ་རེཤ་ལ་བུ་ཨུ་ལམ་དང་ར་ཀེམ་བཅས་ཡོད་པ་དང་།

¹⁷ ཨུ་ལམ་ལ་བུ་བྷེ་དན་ཟེར་བ་ཞིག་ཡོད་དོ། འདི་ཚོ་རྣམས་མ་ཀིར་གྱི་བུ་དང་། མ་ནསེ་སཱེའི་ཚ་བོ་གྷིལ་ཨད་ཀྱི་རིགས་བརྒྱུད་རྣམས་ཡིན་ནོ།

¹⁸ གྷིལ་ཨད་ཀྱི་སྲིང་མོ་ཧམ་མོ་ལེ་ཀེད་ལ་ཨི་ཤོད་དང་ཨ་བྷི་ཨེ་ཛར་དང་མཱ་ལཱ་བཅས་བུ་གསུམ་ཡོད་དོ།

¹⁹ (ཤེ་མི་དྷ་ལ་བུ་ཨ་ཧི་ཡན་དང་ཤེ་ཀེམ་དང་ལི་ཁི་དང་ཨ་ནིི་ཨམ་བཅས་བཞི་ཡོད་དོ།)

ཨེཕ་ར་ཡིམ་གྱི་རིགས་བརྒྱུད་རྣམས།

²⁰ ཨེཕ་ར་ཡིམ་གྱི་རིགས་བརྒྱུད་ནི་མི་རབས་ནས་མི་རབས་བར་འདི་ལྟར་ཡིན་ནོ། ཤུ་ཐེ་ལཱ་དང་བེ་རེད་དང་ཏ་ཧད་དང་ཨེ་ལི་དཱ་དང་ཏ་ཧད་དང་།

²¹ ཛ་བྷད་དང་ཤུ་ཐེ་ལཱ་བཅས་ཡིན་ནོ། ཨེཕ་ར་ཡིམ་ལ་བུ་ཤུ་ཐེ་ལཱ་མིན་པའི་གཞན་བུ་ཨེ་ཛེར་དང་ཨེ་ལིད་བཅས་གཉིས་ཡོད་པ་ཡིན་ནོ། གྷད་ཀྱི་ཡུལ་མི་གནས་སྡོད་པ་ཚོར་བདག་པའི་ཕྱུགས་རྣམས་འཕྲོག་བཅོམ་བྱས་སྐབས་བསད་དོ།

²² དེ་ཚོའི་ཕ་ཨེཕ་ར་ཡིམ་ནི་དེ་ཚོའི་ཆེད་དུ་ཞག་མང་པོ་མྱ་ངན་བྱས་པ་དང་ཁོང་གི་སྤུན་གྱི་ཁོང་ལ་སེམས་གསོ་གཏོང་བར་སླེབས་སོ།

²³ དེ་ནས་ཁོང་རང་གི་ཆུང་མ་མཉམ་དུ་ཡང་སྐྱར་འཁྲིག་སྤྱོད་བྱས་པས་མོ་ལ་ཕྲུག་གུ་སྐྱེས་རྒྱུ་ཆགས་པ་དང་བུ་གཅིག་སྐྱེས་སོ། ཁོང་ཚོས་ཁོའི་བུའི་མིང་ལ་བྷེ་རི་ཡཱ་ཞེས་བཏགས་སོ། གང་ལ་ཟེར་ན། ཁོ་ཚོའི་ཁྱིམ་དུ་རྐྱེན་ངན་བྱུང་བའི་རྐྱེན་གྱིས་ཡིན་ནོ།

²⁴ ཨེཕ་ར་ཡིམ་ལ་བུ་མོ་ཤི་རཱ་ཟེར་བ་ཞིག་ཡོད། མོས་བྷེད་ཧོ་རོན་གྱི་གྲོང་ཁྱེར་སྟེང་འོག་གཉིས་དང་ཨུ་ཛེན་ཤི་རཱ་བཅས་འཛུགས་མཁན་ཡིན་ནོ།

²⁵ ཨེཕ་ར་ཡིམ་ལ་བུ་རེ་ཕཱ་ཟེར་བ་ཞིག་ཡང་ཡོད་པས་ཁོའི་རིགས་བརྒྱུད་གཤམ་གསལ་ལྟར་ཡིན་ན། རེ་ཤེཕ་དང་ཏེ་ལཱ་དང་ཏ་ཧན་དང་།

²⁶ ལ་དན་དང་ཨམ་མི་ཧུད་དང་ཨེ་ལི་ཤ་མ་དང་།

²⁷ ནུན་དང་ཡོ་ཤུ་ཨ་བཅས་ཡིན་ནོ།

²⁸ དེ་ཚོས་ས་ཁུལ་བླངས་ནས་གཞིས་ཆགས་བྱས་པའི་ནང་། བྷེ་ཐེལ་དང་དེའི་མཐའ་འཁོར་གྱི་གྲོང་ཁྱེར་ཤར་དུ་ན་རན་བར་དང་ནུབ་ཏུ་གྷེ་ཛེར་བར་དང་དེའི་མཐའ་འཁོར་གྱི་གྲོངཁྱེར་ཁག་བཅས་ཡོད་དོ། དེའི་ཐོག་ཏུ་ཤེ་ཀེམ་དང་ཨ་ཡི་ཡཱའི་གྲོང་ཁྱེར་དང་དེའི་མཐའ་འཁོར་གྱི་གྲོང་ཁྱེར་བཅས་པ་ཡོད་དོ།

²⁹ མ་ནསེ་སཱེའི་རིགས་བརྒྱུད་ཚོའི་གྲོང་ཁྱེར་བྷེད་ཤཱན་དང་ཏ་ནག་དང་མེ་གི་དྷོ་དང་ཌོར་དང་དེའི་མཐའ་འཁོར་གྱི་གྲོང་ཁྱེར་རྣམས་དབང་འཛིན་བྱས་ཡོད་དོ། ས་ཁུལ་དེར་ཡ་ཀོབ་ཀྱི་བུ་ཡོ་སེབ་ཀྱི་རིགས་བརྒྱུད་གནས་སྡོད་བྱས་པ་ཡིན་ནོ།

ཨ་ཤེར་གྱི་རིགས་བརྒྱུད་རྣམས།

³⁰ ཨ་ཤེར་གྱི་རིགས་བརྒྱུད་ནི་འདི་ལྟར་ཡིན། ཁོ་ལ་བུ་ཨིམ་ནཱ་དང་ཨིཤ་ཝ་དང་ཨིཤ་ཝི་དང་བྷེ་རི་ཡཱ་བཅས་བཞི་དང་བུ་མོ་སེ་རཱ་ཟེར་བ་ཞིག་ཡོད་དོ།

³¹ བྷེ་རི་ཡཱ་ལ་བུ་ཧེ་བྷེར་དང་མལ་ཀི་ཨེལ་བཅས་གཉིས་ཡོད་དོ། མལ་ཀི་ཨེལ་གྱི་བྷིར་ཛེདའི་གྲོང་ཁྱེར་བཟོས་སོ།

³² ཧེ་བྷེར་ལ་བུ་ཡཕ་ལེད་དང་ཤོ་མེར་དང་ཧོ་ཐམ་བཅས་གསུམ་དང་བུ་མོ་ཤུ་ཨ་ཟེར་བ་ཞིག་ཡོད་དོ།

³³ ཡཕ་ལེད་ལ་བུ་པ་སག་དང་བྷིམ་ཧལ་དང་ཨཤ་ཝད་བཅས་གསུམ་ཡོད་དོ།

³⁴ ཁོའི་སྤུན་ཤོ་མེར་ལ་བུ་རཱོ་གཱ་དང་ཡེ་ཧུབ་བཱ་དང་ཨ་རམ་བཅས་གསུམ་ཡོད་དོ།

³⁵ ཁོའི་སྤུན་ཧོ་ཐམ་ལ་བུ་ཛོ་ཕཱ་དང་ཨིམ་ན་དང་ཤེ་ལེཤེ་དང་ཨ་མལ་བཅས་བཞི་ཡོད་དོ།

³⁶ ཛོ་ཕཱའི་རིགས་བརྒྱུད་རྣམས་ནི་སུ་ཨ་དང་ཧར་ནེ་ཕེར་དང་ཤུ་ཨལ་དང་བེ་རི་དང་ཨིམ་རཱ་དང་།

³⁷ བྷེ་ཛེར་དང་ཧོད་དང་ཤམ་མ་དང་ཤིལ་ཤཱ་དང་ཨིཐ་རན་དང་བྷི་རཱ་བཅས་ཡིན་ནོ།

³⁸ ཡེ་ཐེར་གྱི་རིགས་བརྒྱུད་རྣམས་ནི་ཡེ་ཕུ་ནཱེའི་དང་པིསི་པ་དང་ཨ་ར་དང་།

³⁹ ཨུལ་ལའི་རིགས་བརྒྱུད་རྣམས་ནི་ཨ་རཱ་དང་ཧན་ནི་ཨེལ་དང་རི་ཛི་ཨ་བཅས་ཡིན་ནོ།

⁴⁰ འདི་ཚོ་ཨ་ཤེར་གྱི་རིགས་བརྒྱུད་ཡིན་ནོ། དེ་ཚོའི་ཁྱིམ་ཚང་གི་འགོ་པ་དང་སྙན་གྲགས་ཅན་གྱི་དམག་འཐབ་མཁན་དང་ཁྱད་དུ་འཕགས་པའི་འགོ་འཛིན་ཡིན་ནོ། ཨ་ཤེར་གྱི་རིགས་བརྒྱུད་ཀྱི་མི་གྲངས་ ༢༦'༠༠༠ དམག་གི་ཞབས་ཕྱི་ཆ་རྐྱེན་ཚང་བ་འབའ་ཞིག་ཡོད་དོ༎